عندي مقابلة بكرة ساعدوني ..

كيميائيةة · #1 (**permalink**) 24-12-2014, 03:42 PM

السلام عليكم ..

مقابلة شخصية للتدريب وليس للتوظيف ..
مقابلة في برنامج مهارة من مؤسسة الامير محمد بن فهد ..

توهم ارسلو لي الرسالة اليوم والمقابلة بكرة وبرضو اختبار مستوى اللغة !

المشكلة انا خارج الشرقية ولا اعتقد انه يمديني احضر المقابلة الساعة 10 ص
وش السواة ؟!

للبنات اللي سبق ودخلت البرنامج كيف كانت المقابلة بمهارة وهل هي عربي والا انجليزي
بالنسبة لاختبار اللغة كان تحريري على ورق والا على كمبيوتر
هل كان اختياري كله والا في تعبير وخرابيط

انتظرت القبول ويوم جا
يارب يمديني اكون بكرة بالشرقية مع اني ما اعتقد

هل باعتقادكم لو كلمتهم يوافقون يخلونها الاسبوع الجاي والا لا

Totta · #2 (**permalink**) 24-12-2014, 03:59 PM

الله يوفقك حبيبتي
بالامكان تاخذين القطار اللي يجي من الرياض الى الشرقية مباشرة

وهذا جدول الرحلات:

عندك قطار يطلع من الرياض الساعة 6 الصباح, ويوصل الدمام 10:44 ص
والدمام ماهي بحجم الرياض
المسافة من سكة الحديد الين مؤسسة محمدبن فهد اقل من ربع ساعة

انتي كلميهم اتصلي عليهم يأجلو الموعد ساعة الى ساعتين ما اعتقد فيه اية مشكلة

مثلا للساعة 11:15 او 12

بالنسبة للمقابلة ماعندي فكرة عـن مهارة بالتحديد !

لكن اكيد كل مقابلة مع اي شركة ماتـخلو من هالـ 3 ااسئلة:
- تكلمي عن نفسك
- ليش تبغي تتوظفي هنا؟
- ليش احنا بنوظفك؟ (مثلا ليش مانقبل متقدمة اخرى).

موفقة ان شاء الله

كيميائيةة · #3 (**permalink**) 24-12-2014, 04:06 PM

تسلمين ماقصرتي خيتي
يعطيك الف عافية .

لكن انا مش بالرياض
يعني يلزمني رحلة طيران بحثت عن الرحلات من اشوي في الخطوط السعودية
مافي رحلة اليوم مافي الا بكرة الساعة 2م

هذا حظي والمفروض تعودت عليه دايم ماتكمل

مشكورة خيتي مرة ثانية
الله يسعدك

Totta · #4 (**permalink**) 24-12-2014, 04:17 PM

اقتباس:

المشاركة الأصلية كتبت بواسطة كيميائيةة

تسلمين ماقصرتي خيتي
يعطيك الف عافية

.

لكن انا مش بالرياض

يعني يلزمني رحلة طيران بحثت عن الرحلات من اشوي في الخطوط السعودية
مافي رحلة اليوم مافي الا بكرة الساعة 2م

هذا حظي والمفروض تعودت عليه دايم ماتكمل

مشكورة خيتي مرة ثانية
الله يسعدك

اعتذر منك حبيتي
وكأني قرأت الرياض بين السطور او يمكن تخيلات ههههههههههه
معلش والله اني مدودهةةةةة

انتي كلميهم قبل مايخلص الدوام الان
وان شاء الله رح يتفهموو تجيهم بكرة بنهاية الدوام او يوم الاحد

موفقة ان شاء الله

العمر راح اكثره · #5 (**permalink**) 24-12-2014, 04:24 PM

طيب من الحين حركي سيارة يمديك او نقل جماعي
بكره تحسفين لو ضاعت منك

العمر راح اكثره · #6 (**permalink**) 24-12-2014, 04:26 PM

اما بالنسبه للمقابله عاديه جدا واسئله شخصيه اما تحديد المستوى مدري
عموما بالتوفيق والله يسهل

كيميائيةة · #7 (**permalink**) 25-12-2014, 12:55 AM

زمن الماضي شكرًا لك .

ما اقدر سيارة او نقل جماعي الوضع صعب

يألله عسا المكتوب خيرة
الله يبدلني بخير منها ان شا الله ..

مقهورة
لكن وثقة بربي بــ يبدلني بأفضل

زمن الماضي يعطيك العافية