سواء اعترفنا بهالحقيقة ام حاولنا ننتهرب من الحقيقة
حنا شعب مترف و كسول بل كسول جدا
وهذا افسد اخلاقنا وصحتنا وحتى رجولة الذكور منا وافسد حتى انوثة نسائنا

تفضلوا علقوا

^^
لغة التعميم لا يستخدمها سوى الحمقى هذا اولا
ثانيا لو كنّا كما وصفتنا لما وجدت منها الطبيب الناجح ولا المهندس الناجح , لست بصدد ذكر منجزاتنا لكننا , لان هذه المنجزات واضحة ولا ينكرها الا من ليس لدية نظرة صادقة .
الشعب السعودي يعاني من الطبقية , لكن في الغالب شعبنا عاطفي تجد الطبقة المتوسطة تحاول انتشال الطبقة الفقيرة لبر الامان دائما , وللاسف الطبقة المترفة والتي تتربع على القمة لا تكترث الا بنفسها وفي كل مرة تردد : هل من مزيد ؟
السعودي اخي صاحب الموضوع يعاني من الاحتقار , يهمش في حال ابدع , كم من اختراع انتحر صاحبه , وذهب هذا الاختراع لمزبلة التاريخ , السعودي يحارب بعمله من الاجنبي , يغذونه بالعبرات المثبطة حتى يفقد ثقته ويصبح كما يريدون , او كما وصفته انت , باختصار شديد لو توفرت البيئة المناسبة للسعودي سيبدع , ولن يكون لابداعه حدود ,

^
بعد كلامي ذا ما حولكم وظيفه حكوميه ؟

مهب كل الشعب ولكن فيه ناس فعلا كسولين دوام فترتين ما يبون راتب 3000 ريال ما يبون يقول متخرج من الجامعة او الكلية وآخرتها أشتغل بهاذي الوظيفة وبهذا الراتب ويجلس عاطل 3 او 4 سنوات ولو انه اشتغل كان الحين عنده خبرة راح تفيده في المستقبل..

مثال بعض المعلمين لما يتخرج وينتظر التعيين يجلس عاطل 3 سنوات أو أكثر أو أقل ويرفض العمل في مدرسة أهلية بحجة قلة الراتب والكرف والكلام الفاضي ولما يتعين تلاقونه يخبط في الحديث مع التلاميذ والسبب الخوف والرهبة ولو انه عمل في مدرسة أهلية كان حاله تغير وفهم عقليات الطلاب.

المهندس بعضهم يتخرج ويجلس كذا سنة وما يرضى يعمل في شركة مقاولات براتب 5000 ريال ولو عمل كان يمكن ديوان الخدمة اعطته مرتبة فوق مرتبته بسبب الخبرة.

بعض الناس اللي جالسة على حافز ولا ترضى تتوظف براتب 2500 ريال او 3000 ريال.

بعض الناس ما ترضى تتوظف بوظيفة ويكون المدير عليه أجنبي فلسطيني أو سوري ويجلس عاطل كذا سنة

بعض الناس كسول جالس في وظيفته 5 سنوات وما جاء في باله يكمل انتساب جامعة أو دبلوم كلية تقنية ولو كمل كان ترقى لوظيفة مدير قسم أو يمكن توظف وظيفة حكومية

وفيه ناس عصاميين بدأوا من الصفر والحين في وظائف مرموقة ولعل قصة العامل معروفة هذا رجل كان يعمل في بناء الجدران وكمل تعليمه ليما وصل الحين محاضر بالجامعة.

والآخر عسكري رئيس رقباء كمل انتساب جامعة وفصل من العسكرية وراح ابتعاث والحين ماسك مركز كبير في جامعة الطائف ..

وغيرهم كثير وما بتكلم عن نفسي في الطوح ولكن لما أصير مثلهم ان شاء الله يمكن أقول اني كنت كذا وأصبحت كذا

اخي صاحب الموضوع
لو تطلع على الاحاديث النبوية ستجد سر مايحصل لنا في هذا الزمان
فدع المخلوقين للخالق واهتم انت بنفسك وبمن حولك من اهلك واسئل الله لهم الهداية والصلاح
فنحن في عصر الفتن فسوف تعصف بنا لامحالة فياربي سلم

أخي الفاضل مظلوم العتيبي انت عميت الخلق وهذا لايجوز وشعبنا عنده قدرات عظيمة لكن محطم من بعض الظروف الي يعانيها من القطاع الخاص

وانت أخ فيصل العبدالرحمن القطاع الخاص للامانة يوظفك علاشان السعوده ترا كلنا عانينا واستغلينا بالعمل تقولي شروط العقد بحجهم بيقولو مع السلامة ويفنشوني يارجال تعبنا من القطاع الفاشل ومشكورة وزارة العمل على التطور ومراقبة القطاع الخاص وحجتهم على أخطائهم عساهم من القوة وأكثر

حتى لو لجل السعودة المهم الواحد يتوظف للأمانة أنا توظفت قبل سنوات وما كان فيه نظام اسمه سعودة ولا شيء وبراتب لا يتجاوز 1500 ريال وجلست 3 سنوات وكملت دبلوم والحين أنا في وظيفة براتب أعلى ولله الحمد ..
الواحد يتوظف ولو بوظيفة ما تناسب مؤهلاته ولا يجلس عاطل ...

واللي يزعلني بعض الشباب وخاصة الجامعي يجلس (البعض منهم) عاطل ينتظر التعيين ولا يرضى بوظيفة راتبها قليل..

في شركة بن لادن مثلا لقيت جامعيين حراس أمن ومهندسين متوظفين برواتب زهيدة ويقولوا ننتظر التعيين وهذا اللي لازم يصير عليه كل الشباب العمل مهب عيب

انا ما اتكلم عن البطالة انا اتكلم عن سلوك الكسل في شعبنا
سواء رضيتو ولا زعلتو انا ما قلت الا الحق
حنا شعب كسوووووووووووووووووووووووووووووووووووووول جدا
اكبر دليل شوفو اذا الواحد قريب من شاشة التلفزيون تلقونه اذا جاء يضغط ازرار الصوت يروح يمد رجله من الكسل
او اذا جاء يشيل حاجة طايحة على الارض تلقونه يقعد يسحبها برجله

مع احترامي لك سببك تافه جدا
وبعدين مو شرط تقيس على تصرفك وتصرف كم نفر وتحكم على شعب كامل ، وبعدين تقول الترف والكسل افسد اخلاقنا خييير !