اذا انك مقبول نهائي في الحررس توكل الله وادخلها افضل من الشركات والله يكتب لك الي فيه الخير

الدوره يبيلها صبر وتحمممممل اذا واثق انك بتعديها الله يوفقك وخشها وراجع بالحرس لين يجيك قبول نهائي وقدم استقاله لشركه

إذا تبي نصيحتي كمل إجراءاتك و إذا إن شاء الله إنقبلت قبول نهائي و دخلت الدورة خذ إجازه من الشركة
إذا ما قدرت تصمل في الدورة إرجع للشركة

دورتها 3 أشهر و الدورات العسكرية فيها كرف و ضغط نفسي
مدة الحجز علی ما سمعت و علی بحثي بالنت ما تتعدی 30 يوم
بعضهم يقول 18 يوم و البعض يقول 25 يوم

بس حاب أنبهك إذا دخلت الدورة بيعدلون مهنتك في الأحوال المدنية إلی عسكري
يعني لو فصلت من الدورة شل من قاموسك شي إسمه وظائف عسكرية ( يعني ما عاد تقبلك العسكرية )

الأفضل استخر ربك و الله بيوفقك

الله يوفقك ويسر لك ويسرر لي ومن يقرا نصيحتي لك اترك الشركة دام الراتب قليل وانت مقبل على زواج ومسئولية ومصاريف لكن كمل الاجراءات حتى تنقبل نهائي وخش الدورة واصبر كلها 3شهور وترتاح بعدين الكاتب مرتاح جدا يداوم 8 ومن الباب الظهر اعتقد بشركة ماتداوم بمثل هالراحه وبنهايه استخير ابن ادم لاياخذ الا نصيبه

اخوي مشعل خذها نصيحة مني روح للحرس وتوكل على الله رواتبها عاليه والحمد لله ودوامها وتخصصك حلو نصيحة مني لا تضيعها من يدك اذا جاك قبول نهائي روح لا تتردد وعيش حياتك اسأل الله لي ولك وللجميع التوفيق

[align=center]بيض الله وجيهكم يالربع ع نصايحكم..


عندي سؤال محيرني وكل ماسال عسكري كل شوي واحد يعطيني اجابه مختلفه!..



هل يجوز فعلا لو كنت اداري وداومت ككآكتب والخ..


هل فعلا يحق لظابط في نفس قسمي او مسؤال ادارتي يقول ذا مانبيه ويحولني لقسم ثاني!!


او يطلبني ظابط معين مثلا ويحولني لشغل غير مسمى وظيفتي!

[/align]

خل منك الوساوس و التفكير و الخوف من المستقبل إلي تمرض القلب
و إحفظ هذا الحديث
عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال
"ياغلام إنى أعلمك كلمات :أحفظ الله يحفظك ، أحفظ الله تجده تجاهك إذا سألت فسأل الله إذا أستعنت فاستعن بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك ، وإن أجتمعوا على أن يضروك بشئ لن يضروك إلا بشيء قد كتبه الله عليك ، رفعت الأقلام وجفت الصحف "

شوف انت راح تقبل على زواج ان شاء الله والزواج الحين ماهو زي زمان

الحين الى يصبر عليك وسندك وظهرك الفلوس


انت مشاء الله عليك اليوزر حقك في المنتدى من عام 2008 وشكلك مو توك في العمر يعني خلاص ماطفشت من الشركات وقرفها

وفوق كذا راتب قليل ودوام بو كلب

شوف اخوي الكلام الاخير لازم تحدد مستقبلك اذا عمرك عدا الـــ 28 ومافوق خلاص لاتضيعه

شوف شركتك هذي بيرسمونك في الحكومة والا روح الحرس

هذا وجهة نظري


اذا عمرك كبير + ماشفت ورا شركتك ترسيم في الحكومة وجلست سنين طويلة خلهم يولون وكفاية مضيعة عمر

اما اذا انت شايف راح يجيك الترسيم في الحكومة حتى لو بعد مده

بكذا انت براحتك تتحمل المده هذي والراتب القليل الخ الخ

انت انسان مقبل على زواج

والشركات مافيها امان وظيفي

اتجه للحرس وتوكل على الله