27-12-2014, 03:33 AM
|
عضو متواصل
|
|
تاريخ التسجيل: Jun 2014
المشاركات: 69
معدل تقييم المستوى: 22
|
|
|
الثــقه !؟ أين هي ؟
بسم الله الرحم الرحيم
الـسلام عليكم ورحمة الله وبركاته
ماأدري من وين أبدأ ...
طبعا أنا سجلت في هذا المنتدى مثلي مثل غيري أبحث عن التجاره ولكي أستفيد من تجارب الكثير منكم ولكي أحسن أوضاعي الماليه والإقتصاديه .
وفي أحد الأيام اللي كنت أتصفح المنتدى فيها لقيت موضوع عن مشروع أستثماري وبربح عالي وجمييل شدني الموضوع وقريته وعجبتني الفكره تواصلت مع صاحب المشروع وكانت فكرة المشروع هدايا حجاج يجلبها شخص من الصين ويسوقها هنا فترة الحج في مكه والمدينه طبعا وثقة في الشخص بالرغم أني ماأعرفه فقط راسلته عن طريق الواتس آب ووثقت في كلامه وأتفقت أني أدخل معه بالمشروع بصفتي مستثمر وأتفقت أني أرسل له المبلغ فورا على كلامه أن رحلة المندوب خلال يومين من تواصلي معه للصين وعلى أنه الصباح بيكتب العقد ويرسله لي عن طريق فديكس أو أي شركة توصيل لأنه من أهل المدينه وأنا بالرياض حولت له مبلغ 25000 ألف ريال واليوم الثاني راسلته أسأل عن العقد قال العقد جاهز وبرسله بعد العصر ولازالت الثقه مني قائمه راسلته بعد المغرب قال أنا أرسلت العقد عن طريق فديكس قلت حلو أنتظرت يمكن 4 أيام ماوصلني شي أبداً راسلته وقلت له قال بروح لهم وأشوف وش المشكله اليوم اللي بعده قال رحت لهم وقالو لي أنهم أرسلوه قلت أوك راح أنتظر ( طبعاً راح عن بالي أسأله عن رقم الإرساليه ) بعد يومين مافيه فايده وماوصلني شي راسلته أيش السالفه قال ماأدري والله لكن بسوي عقد ثاني وأرسله قلت أوك أرسله عن طريق البريد الممتاز أفضل وأظمن قال أوك أنتظرت اليوم الثاني بعد العصر راسلته قال لي أرسلته عن طريق البريد الممتاز حلوو يومين ونفس الشي ماوصلني قال ماأدري لكنهم أتصلو علي اليوم وبروح لهم بكره وبشوف وش عندهم قلت أوك طبعا على هالحال يمكن أسبوعين راسلته وقلت له أنا ماعاد يهمني العقد وفلوسي عندك أوكلتها لله سبحانه وبترجع لي دنيا أو آخره قال لا والله لاتخاف والله فلوسك أن ترجع لاتشيل هم طبعا لأني (( مـغـفـل )) لازلت أثق به بعد الحج بأسبوعين راسلته متى توزيع الأرباح قال لي بداية شهر صفر جاء شهر صفر أسبوع أسبوعين مافيه شي راسلته متى توزيع الأرباح أنت قلت أنه شهر صفر مارد لي بشي اليوم الثاني راسلته مارد لي بشي أتصلت عليه عنا عرفت أن فلوسي راح  الجوال مفصول قلت يمكن الواتس شغال وكل يوم أرسل له مافيه رد رجعت للموقع هنا آخذت إيميله وراسلته على الإيميل ومافيه رد كملت 50 مشاركه وأرسلت له خاص أكثر من رساله مافيه رد وللحين ماشفت شي لكن ماأقول إلا الله يعوضني فيها بخير .
طبعاً أنا مـغفـل وأعترف بالشي هذا .
بس تعلمت شي واحد أني ماأثق بأي شخص وبأن الثقه والأمانه والصدق اللي وصانا فيها رسولنا الكريم صل الله عليه وسلم لم تعد موجوده في حياة الكثير من المسلمين للأسف .
قصتي وتجربتي أحببت أن أشارككم بها وأحذركم بأن لاتقعوا في فخ الثقه .
أعتذر عن الإطاله وعن الأخطاء الإملائيه وعن طريقة سرد قصتي لأنها أول تجربه لي .
نـسيت أقول لكم
أسم الشخص في المنتدى هو ( ركن المستثمر ) أو مثل مايقول أسمه محمد المخلفي ( أبو راكان ) .
|
العرض الشجري
