[align=center]وبعدها تجي اللجنة ويتم طلب الارقام من 1 الى 10 او الى 11 ب الترتيب يدخلون على اللجنة او حقين

المقابلة الشخصية المبدئية ، اول ماتدخل عليهم تنزل البوت والشرابات وتقيس الوزن والطول

وبعدها تلبس وتنتظر لين ينادونك وتجي وتعطيهم الاوراق وبعدها تنتظر لين يجي دورك عشان المقابلة

والمقابلة عبارة عن ثنين ضباط يسألونك مثل اسمك وش تخصصك وش شهادتك واقراء قران او وش عاصمة

الدولة الفلانية او يعطونك ورقة وتقرها بصوت عالي


على فكرة هذا كله تسويه في نفس الغرفة او المكان يعني اول ماتدخل

على يمينك فيه الميزان وقياس الطول

وعلى يسارك حقين مطابقة الاوراق

وامامك مباشرة اللجنة حقت المقابلة الشخصية

وتشوف قدامك اللي يشوفون طوله واللي يسلم الاوراق واللي يعملون معه مقابلة

واهم شيء اذا سألوك جاوب ولو خطأ اهم شيء الثقة في النفس ولا ترتبك ولا تلعثم في الكلام


[/align]

القبول المبدئي تجيك رساله نصيه على الجوال ويعطونك الموعد تسليم الاوراق المبدئيه
في مكافحه المخدرات وتسلم اوراقك وبنفس الوقت تدخل في غرفه فيها خمس ضباط واربع افراد
ويتسلم الاوراق وتقيس الطول عندهم وبنفس الوقت يستفزونك ي اسئله على سبيل المثال يقول لك
( متزوج تقول لا ماتزوجت ولا لك خويه ولا لك ب المسيار) هههه
يدور عليك اي شي وانت على نياتك تحسبه يمزح لامايمزح يدور عليك صيده والضباط يناظرون فيك
وفي طريقه كلامك وفي جسمك ومشيك وطريقه كلامك
واذا سلمت الاوراق يمكن يقبلونك بوقتها يمكن يمسكونك الباب لا عطوك ورقه صفراء وقالك روح ل القاعه مع الطلاب وقتها انت مقبول
واذا لا تمسسسك الباب مع السلامه
بعد ماتروح ل القاعه بعد في ضباط وفي افراد يتدققون عليك نفس طريقه الي بغرفه
خلك مثل الواحد الي داخل في مجلس رياجيل ولاتعرف فيه احد اخذ وضعيه ( الشخصيه وكلمه ورد غطاها ) لاتضحك حتى الابتسامه لاتبتسم الا عفويه
اذا انقبلت وبعد ماتاخذ ورقه صفراء يعطونك اوراق الادله الجنائيه ب ظرف مغلف
واوراق الكشف الطبي <_ وهذا كله قبول مبدئي
بعدها تروح تاخذ اسبوع تخلص الاوراق كشف الطبي والادله الجنائيه وترجع لهم
بعد اسبوع وعليها
ونفس الطريقه يدخلونك مكان ( قاعه مادري ل الاكل) <_ هذا المكان فيه ناس يراقبونك عسكريين وناس يراقبونك مسوين روحهم مراجعين بنفس المكافحه <_ وهم ب الاساس عسكر خذ احتياطاتك ولاتبالغ بسوالف والضحك والقهقه
بعد مايخذون منكم بطاقات الاحوال يسلمونككم ارقام تنتظر يجي رقمك ويدخلونك على غرفه فيها ثلاث ضباط وافراد وانت تسلم الاوراق يسولف معك خلك معه جدي لاتضحك ولا تدق الميانه. وكلمه ورد غطاها لا ساللك ولاتضحك اذا كان يحاول يضحكك
وبعدها يقول لك روح ل القاعه هناك تنتظر بدور ويدخلونكم على حقين المقابله الشخصيه بدور
بنفس الوقت ونت تنتظر دورك ب المقابله الشخصيه في عسكر يراقبونكم وهم افراد لابسين عسكر
وفي بنفس الوقت عسكر مسوين روحهم مراجعين معكمم ينتظرون هذولي هم ( هرجهم كثير يدورون اي احد يطقطقون عليه ويحاولون يستفزونكم ويدورون نقاط ضعف فيكم سوا ب الكلام ولا ب الخفه ولا ب الضحك ولا ب انك داخل ل المكافحه المخدرات وانت مغصوب ولا كاره
ويسولفون ب السفرات ويمكن واحد منهم يشطح ويسولف ب البنات كل هذا كله يحاولون يجرفونك ل يستكشفون نقاط ضعف فيكم ويعلمون بعض ب الجوالات يمكن ب الواتسب تحصل العسكري عند البوابه معه جوال وطولو الوقت يطقطق فيه ترا بهذا الوقت يدورًن احد بنفس القاعه يطقطقون عليه ويحاولون يطلعون سبب عليه على شان يطردونه

ابسطها لكم في مراقب مدني بنفس القاعه ومراقب عسكري عند باب القاعه وفي ضابط ب الغرفه الثانيه يعطونه المعلومات وينقلها ل الضباط الي ب غرفه المقابله الشخصيه عن طريق الجوال ولا الهاتف


عساني ماطولت عليكم وهذا الكلام كله ماخذه من اخوي مسجل في المكافحه المخدرات السنه الي فاتت
{ حبيت اعطيكم خلفيه عن كيف اجراءات التقديم والقبول وتسليم الاوراق } <_ على شان ماتحصل صدمه ولاكسحه ولا تطق مشوار رايح جاي رايح جاي وب الاخير مانت مقبول

للأمانة منقول: http://btalah.com/showthread.php?t=604038#ixzz3NW3NpiEj

الي من خريجين1431 هلا يمشون ولامايمشون

- مادري والله ، وان شاء الله احد الاعضاء يفيدك ...

* سؤال : بعد تسليم الاوراق ، بعد كم يوم ويتم اعلان نتائج القبول النهائي ؟

* سؤال : واللي يتم قبوله قبول نهائي في مقابلة نهائية ولا بس تسليم الاوراق ودخول الدورة ؟

سؤال : دورة الـ 45 يوم هذه تمارين مثل الجري والزحف ... الخ ؟

سؤال : بعد الـ 45 يوم اجازة ؟ وكم مدة الاجازة ؟

سؤال : بعد ماتخلص الـ 45 يوم ، وش بعدها ، دورة تدريس ولا تدريب على السلاح او اساليب ضبط المخدرات ؟

متى القبول النهائي ؟!

مشاركةإرسالطباعة
تعلن إدارة القبول في المديرية العامة لمكافحة المخدرات عن أرقام المقبولين نهائياً من حملة المؤهلات العلمية (بكالوريوس التخصصات النظرية ـ ثانوية عامة) على الوظائف العسكرية التي سبق الاعلان عنها ، وعلى جميع المتقدمين الاستعلام عن نتيجة قبولهم من خلال زيارة الرابط [https://jobs.moi.gov.sa] لمعرفة موعد مراجعتهم لمقر لجنة القبول والتسجيل في مبنى التخطيط و التطوير بمكافحة المخدرات بمدينة الرياض ( طريق خريص مقابل كلية الملك فهد الأمنية خلف شرطة النظيم ) ، وذلك لتسليم :
1- الشهادات الدراسية الأصل والسجل الأكاديمي للمتقدم
2- عدد 2 صوره من الهوية الوطنية .
3- عدد 2 صوره من المؤهل الدراسي .
4- إحضار صورة مصدقة برقم الحساب ورقم الايبان البنكي
وإكمال ما عليهم من متطلبات واجراءات و معرفة مقر إنعقاد الدورة وموعد التحضير
علماً أن بداية دورة الفرد الأساسي يوم الاحد 17/5/1436هـ .
وتؤكد لجنة القبول أنه سيتم إستبعاد المتأخرين عن موعد المراجعه في الوقت المحدد في نتيجة القبول النهائي في الموقع وسيعوض عنهم من الاحتياط .
مع تمنياتنا للجميع التوفيق .

ولمشاهدة النتيجة اضغط هنا

ي عيال انا ماجتني رسالة ، ودخلت وماتغير موعدي نفس وقت القبول المبدئي ؟؟

للعلم الرتبة وكيل رقيب ؟


ياليت اللي عنده خلفيه يفيدني سواء مقبول ولا لا ؟

السلام عليكم فيه واحد من الشباب قال لي استعلم لي عن النتيجه لأن ماجته رساله ودخلت ع الموقع لقيت نفس موعد القبول المبدئي وش يعني ؟اتمنى الي يعرف يفيدني وبالتوفيق للجميع