السلام عليكم ورحمة الله وبركاته

انا استملت بطاقتي الجديده قبل شهر وعشر ايام تقريبا .. ونزلي راتب الشهر الماضي

والشهر هذا لم ينزل شي بحسابي .. ماادري مالسبب .. واذا كان لازم احضار برنت للتامينات

ليه ماقال لي موظف الصندوق ان احضر الاوراق المطلوبه .. لاني تفاجاءت بصراحه يوم الاحد

الماضي بعدم وجود مبلغ بحسابي .. وقبل الظهر اليوم رحت للتامينات لاحضار برنت

واتضح انهم موقفين طباعة البرنتات ، باطبع برنت بعد قليل . بس شلون ارسله للضمان

والا اذهب بنفسي واحضره لهم .. هذا اذا كان السبب راجع لاحضار برنت

اتمنى اخي منتصر افادتك ومساعدتك ..

والله حرام لي 7 ايام من غير مصاريف . واذا كان عشان برنت للتامينات ماعندي مانع نجيب

البرنت . بس مايوقف بطاقتي عشان كذا .. وبعدين وزارة الشؤون الاجتماعيه بامكانها التواصل مع

التامينات الاجتماعيه بما يخصنا . وبما يتعلق بكل مسجل لدى الضمان لديهم


ياليت اي مسوؤل يدخل يشوف موضوعي ويخلصه لي . باامس الحاجه له

وعليكم السلام
اخوي ماجد
الدنيا ماهي فوضى يتوقف المعاش كذا لابد فيه سبب الافاده عن الاتي
انت عجز مؤقت او كلي او ماذا
البطاقه جديده ام انك استلمتها الشهر الماضي وتم تجديدها لك
هل احد اخذ منك البطاقه الخاصه بك او احد اخذ رقم سجلك المدني
ارجو الدخول على موقع الضمان واستفسر عن حالتك ماهي هل لازلت قائم ام مسقط ام ماذا
الدخول على موقع التأمينات الاجتماعيه هل احد مسجلك بالتأمينات ام لا

عجز مؤقت
البطاقه تم تجديدها لعامين اخرى
لا ابدا
وبالنسبه بالاستعلام عن الرصيد يطلع لي . لايوجد بينات للسجل المدني المدخل

الحاله يظهر لي مسقط .. طبعا خانتين بالاعلى وبلاسفل
مسقط .الملاحظه ....... فراااااغ .
بلاسفل الحاله مسقط . الملاحظه مسقط بسبب انتهاء مدة الخدمة

بالنسبه للتامينات ماني مسجل لدى احد . وايضا لااستطيع الدخول يمكن بالموقع
حطيت رمز المستخدم اللي هو رقم الهويه . وارسلو على جوالي رقم سري
بس ماقبل .. تعبت والله . ساعدني اخي منتصر

ولايهمك ولاتهتم ولا شي
البطاقه حتى الان لم يقم الموظف بتجديدها بالجهاز ومعاش الشهر اللي راح تم استلامك له بالتقرير القديم السنتين الجديده حتى الان لم يتم تفعيلها بجهاز الحاسب
الصباح بكرة راجع الموظف وان شاء الله سيتم تفعيلها بالجهاز وكذلك تفعيل البطاقه
لاترفع ضغطك ولاشي بأذن الله ربي ييسرها
ربي يسعدك

ان شاءالله تتيسر .. مشكور اخي منتصر بالله على ردك للموضوع
وكذلك شرحك للسبب . وباذن الله الصباح اروح لهم
ومشكور ومقدر لك اخي منتصر

دمت سالما .. وجزاك الله خير

بكره بروح لهم
واذا كان اليوم هو 30 مو يمكن البطاقه لازم تتبدل لان لها معاي 8 اياام من غير ماتشتغل
ووقت ماسلمني الموظف البطاقه الجديده خلاني ابصم . ولاحظته يعمل عليها بالجهاز
واخذ ثواني قليله قبل تسليمها لي ورده ايضا .. بانه بعد 3 ايام تقدر تسحب بها
وباليوم الثاني رحت لصراف انا لاجرب فقط . كانت البطاقه غير صالحه وتخرج مباشره
وبعد ماكملت ايامها الثلاثه شيكت على البطاقه ولقيت بها رصيد 36 ريال .
ماتكون شغاله على كذا .

انا بكره بروح للموظف . بس اخاف لازم تتبدل البطاقه بالكامل لان تاريخ البطاقه 16/12
والان باقي مدري .. يوم يومين ممكن تنحل المشكله وماتحتاج لتبديلها من اول وجديد

عفوا على الاطاله

المشكله الان تكمن في حاله الضمان لابد وأن تفهم الموظف ان الحاله مسقط ولم يتم تفعيل الضمان لديك وطالما انه جاتك بطاقه جديده فلابد وان يكون الحاله لديك قائم هذا هو المفروض
اتمنى اخي ماجد ان تتصل على 8001222777 ثم الرقم 1 ثم ادخال رقم الهويه ثم الرقم 1 وشوف حاله الضمان ممكن الموقع فيه شئ ربي يوفقك

اللهم ارحم ضعفنا .. مالنا غيرك ي الله
يارب كون معنا .. مالنا غيرك ي الله
يارب وفق الجميع .