السلام عليكم
ارجو من كان عنده اجابه لا يبخل علي فيها
اول شي انا جتني وظيفه وانا عسكري على راس العمل
متى افصل وهل الخدمه المدنيه تكتشف ام لا وانا مقدم على والوزاره الي بتوظف فيها
مهو عن طريق جداره

تحياتي لكم جميعا

بالله تسيب العسكرية و تروح وظيفة مدنية, الله يهديك سبت الراحة المادية و رايح للفقر
لا حول ولا قوة إلا بالله ))))


عموماَ ألي أعرفه أنه إذا أستقلت لازم تنتظر ستة أشهر قبل ما تقدم في ديوان الفقر المدني
لكن مره كنت في الديوان وسمعت عسكري يبي ينقل خدماته أو شي و قله الموظف عن معاملة يسويها أيش هي مدري لكن روح لهم و أسأل و الله يسرلك أمرك

ملاحظة العسكري ذا ما قبلته وظيفة لكن الموظف حصل له وظيفة بتقديم مباشر حسب خبراته بس كانت الثالثة و كان يشوف النزله في الراتب جامدة و إستخرت و قررت الله يعينك تتحمل نزلت الراتب

وانا اخوك الفلوس مهي كل شي لو جربت العسكريه تعرف ان الماده ليست كل شي

حياك الله اخوي . أخوي أذا اسمك طلع بالوظيفه ومتاكد ميه بالميه علشان تخلص اوراقك بدري يبيلك تفصل غياب 7 ايام ويحققون معاك ويرفعون اوراقك وبعده يعطونك اوراق تخص البنك حق التسليف وبعده يعطونك ورقه حقه تعديل المهنه وتروح للاحوال وتعدل ؟ لكن اذا بنك التسليف يطلبك ماراح تعدل المهنه ابد ؟ الخدمه المدنيه ع مااظن ماراح تدري عنك ؟ اي سوال اعرفه انا بالخدمه . اذا تبي تفصل نظام قدم استقاله وانتظر بالكثير 3 شهور وتجي استقالتك نظام يعني لو تبي ترجع ترجع بعد 9 شهور هذا الي اعرفه شاكرومقدر لك

معقوله فصل يجلس ٣اشهر

انا كنت عسكري وفصلت


مراحل تقديم فصل نظامي هي شهر ٦وشهر ١١وشهر٣ ولازم تقدم فصل قبل هذا المده بوقت

اذكر اني في شهر ٥ قدمت فصل ع مرحلة ٦/١ ورفضو يقولو لازم ترفع قبل المرحلة بست شهور ورفعت على مرحلة ١١/١

اما الفصل الغياب صراحه مدري عنه

انا في الجيش كنت مدري عن القطاعات الثانية

الله يعين ابي الاجابه من شخص ترك العسكريه وانقبل بوظيفه مدنيه
متى فصل بالضبط بعد القرار ولا قبل القرار

اقصد قرار التعيين

بعلمك عن الغياب لأني فاصل غياب ورفضوا استقالتي ..
اولا وقبل كل شيء تذكر انه بعد انهاء الخدمة فيه وثيقة انهاء خدمة عسكرية
وهالوثيقة مهمة جدا وموضح فيها تاريخ بداية و نهاية الخدمة وتفاصيل الراتب و الرابة و التخصص والخ و لكن و الاهم من كل هذا هو سبب الفصل : تقاعد ، مخدرات ، استقالة ، غياب وهكذا
تكتب سبب الفصل : حسب المادة كذا من نظام خدمة الافراد ، و هالوثيقة جدا مهمة في التقديم على الوظائف الحكومية و خاصة الوظايف الي في نفس المجال.
بعض القطاعات الحكومية مايهمهم اذا مفصول غياب، اهم شي مايكون عليك حد شرعي وكذا ، وبعضها يدققون ، فالافضل انك تقدم استقالة نظامية ، ولا اعرف صراحة ميف اجرائاتها ولكن اعتقد و الله اعلم اذا خلصتها مناولة بتخلصها في اسبوع، خاصة اذا كنت في قطاع امن عام وتابع لشرط مناطق ، اما الغياب مايجي قرار فصلك الا بعد 3 شهور غياب متواصل بدرن عذر ، وبعدها يومين ثلاث ايام وقرار فصلك موقع من مدير المنطقة ، وبعدها تاخذ اوراق اخلائات الطرف الخارجية حقت البنوك، واذا شديت حيلك بتخلصها في يوم ، وتوديها لهم ويعطوك اخلاء الطرف الداخلي ، وعذي بعد امرها بسيط ، بعدها على حسب الموظف تبع شئون المتقاعدين ، اما يعطيك الوثيقة ، والا مثل حالتي يعطيك نسخة مصدقك الى ان ترفع اوراق مكافئة نهاية الخدمة ويجي امر بصرفها ، وخذ في بالك ان اخلاء الطرف بعد ينكتب فيه سبب الفصل.