السلام عليكم
اشتغلت بمركز لمدة شهرين (شهر تطوع وشهر وظيفة)
والان ابغا اخرج منه وبطلب شهادة خبرة قالت لي مايحق لك خبرة لأنك ماكملتي سنة
قلت طيب ابغا افادة تطوع ،قالت اعطيك هي نهاية الترم
وانا الان ماراح اقدر اكمل لنهاية الترم وكتبت لها خطاب فيه بداية عملي ونهايته من وإلى
فهل يحق لي شهادة خبرة او لا؟
واذا مايحق لي ،كيف اخذ منها ع الاقل افادة تطوع لانها رافضة تعطيني الان!

وعليكم السلام ورحمة الله وبركاته

كان قلتي على أي أساس لازم مرور سنة؟ وإذا قالت هذا النظام حجري عليها , قولي مافي أي شيء يمنع من نظام العمل والعمال الصادر من وزارة العمل إني أخذ شهادة خبرة

عموماً اختصار لك من المرمطه , خذي كم ورق رسمي من المركز ويكون فاضي , وروحي البيت وأعملي لنفسك شهادة خبرة ( وعندك النت مليان صيغ ) وبعدها اكتبي اسم المديرة المعفنة وخلي أي شخص من أهلك يوقع عليها , ويكتب أسم شيء عنها ثم يوقع على الاسم , وتوته يا توته خلصت الحتوته

عملة نادرة:
موضوع إني انا اسويه بنفسي صعب يعني كأني ازور اسمها وتوقيعها وعلى ايش هذا كله المفروض
هي تسويها لي ، بس انا بتأكد هل هي من حقي او صح كلامها لازم سنة
انا لي ٤ايام مارحت وقلتلهم ماراح اجي واعطيت ورقة استقالة مع ان المفروض اخرج بدونها لأني بفترة تجربة بس هي طلبتها وبعد ماعطيتها هي قالت مرفوضة! فخليتها عندها ومشيت،
واسمي للان ما انحذف من التأمينات
وراتب الشهر ما أخذته
بس ساكتة للان عشان ابغا الشهادة !
كيف ممكن اخذها بالنظام؟!


ومعلومة انا ماوقعت عقد مع ان اسمي ف التأمينات!

ما قلت لك تزورين , لمن تكتبين كلمة عنها ( وأنا ذكرتها بردي السابق راح تنتفي حكاية التزوير )

وحكاية سنة هذه كذبه منها , حتى لو اشتغلتي يوم يحق لك تأخذين ورقة خبرة , طبعاً خلال التجربة يحق لكل شخص انهاء عمله بدون أي أسباب , والمشكلة بأنك ما وقعتي عقد حتى تثبتي حقك

بس فيه نقطة تقدرين تلوين يدهم فيها , وهي تقولين لها راح أبلغ عليكم التأمينات الاجتماعية ومكتب العمل بأنكم سجلتم اسمي بدون علمي أو تعطوني ورقة الاخلاء وتحذفون إسمي ؟

إذا قالت كاني ماني قدمي شكوى بأنهم استغلوا اسمك في السعودة

ماادري بس انا ابغا الورقة منهاا لأن اسلوبها كان جدا مستفز وتتكلم وهي تصارخ

يوم طلبت الشهادة

.
.
حلو بس اش العقاب المترتب عليها على بلاغي إن هي مسجلتني بدون علمي؟

مع العلم انا عارفة وكل الي بالمركز عارفين إني مسجلة ف التأمينات فمادري هل ممكن ذي النقطة تكون لصالحها او عادي مايعتبرون شهود!

سواء عارفين الموظفين أو مو عارفين مافيه أصلاً عقد تم التوقيع عليه , يعني المركز راح يتورط

اما العقوبة الله العالم , وانت صاحب حق فقدم شكوى رسمية على التأمينات الاجتماعية ومكتب العمل بأنهم استغلوا اسمك

بالمناسبة ورقة الاخلاء تأخذينها من شؤون الموظفين مو من المديرة إلا إذا المركز سردح مردح

ما عندي أي شيء اضيفه والحلول قدامك.

سلاماااات !!! حلوة لازم تكمملين سنة!! اي نظام هذا !!
غصب عنها تاخذين خبرة حتى لو لك شهر !! طرقٍِِ عن خشمها ..
اي نظام هذا اللي تستخدمه الاخت الفاضلة !!!؟ نظام سرديح مرديح شكله
اجباري تعطيك . واذا رفضت ارفعي بشكوى ل وزارة العمل & وزير العمل واشتكِ وضعك
وعلميها انك بتشكتين لمكتب العمل ،

اما حكاية انتِ تعمليه فهذا مخالف وغير كذا !! لازم ختم المؤسسة او المعهد الرسمي

الاخت الفاضلة قلبها ضيق وما تبي لك الخير . وخليك صاملة معها وارفعِ خشمك عليها
وتاكدي انك مننتِ خسرانة شيء ..

بالتوفيق لك .

عملة نادرة:
ماادري اذا فيه ورقة اخلاء طرف اخذها من مكان،انا كتبت ورقة واعطيتها هي حتى لما اخذتها وقالت رفضتها قالتلي لي بعدها بكم يوم اصلا انتي فترة تجربة مافي شيء اسمه ورقة استقالة

اكابر :
انا الان ارسلت لها إيميل كآخر فرصة قبل مااشتكي وكتبت فيها اطلب شهادة الخبرة وتصفية المستحقات حسب المادة٨٨

واذا ماصار شيء اقدم شكوى ع التأمينات
بس الي فهمته شكوى شهادة الخبرة من وزارة العمل ،وشكوى عدم كتابتها لعقد معاي من التأمينات ..كذا صح!


وعندي استفار
الان لو فرضا اخذت شهادة الخبر حقت الشهر ، طيب شهر التطوع الي كان مثله مثل الوظيفة كدوام وشغل ، بيعتمد عليها لو بتعطيني إفادة او لا ....صح كذا؟


**شهر تطوع تدريب وشهر وظيفة**

إذا فترة التجربة مافيها استقالة , اجل كيف تبين تحذفين إسمك من عندهم؟
لازم تكتبين لهم الاستقالة حتى يكونوا على بينهم لعمل اللازم في إزالة اسمك من التأمينات ومكتب العمل

مديرتك شكلها تستهبل أو إنها ما تعرف النظام

طيب انا كتبتها بورقة وطبعتها هل ضروري توقع عليها وتقبلها !! لأنها كانت رافضة وبعضهم قالوا لو ماوقعت يعتبر عدم حضورك للمركز غياب وممكن تفصلك بسببه ووقتها مايحق لك تطلبين شيء ! فهل هذا الكلام صحيح او عادي اهم شيء تكون وصلتها؟!