السلام عليكم

المهنة مصفف بضائع
الراتب 3000 ريال
طبيعة العمل الذهاب الي عدة محلات السوبرماركت في مدن مختلفة بسيارتي الخاصة و أتحمل البنزين

هل هذا الشيء قانوني و عادل
فهل هذا عدل ان اصرف علي الشركة

مصفف البضائع اما ثابت بماركت كبير ودوامك فيه على طول او
انك تروح مع المندوب بسيارة الشركة لعدة اماكن وتصففها بعد تنزيلها اما انك تروح بسيارتك قل مامعي سيارة او خربت والشركات بلا استثناء تصرف السياره للمندوب ومعها البنزين او يجيب الفواتير وتسدده الشركه ارجع للمسؤول ووضحله مشكلتك يمكن يتغير الوضع.

الله يوفقك ويرزقك باحسن منها

ما ينفع معهم الا انك تقولهم سيارتي اتعطلت وديتها الورشة وراح تكلفك مبلغ وقدره
صدقني لا يدبرو لك سيارة من تحت الارض والبانزين عليهم <<< كلامي عن تجربة

اطلع منهم لاتجلس الاجنبي سيارة وكل شي لوتبيع خضار احسن لك

خوش توزع ب سيارتك شهر وانها ماشية مليون ...

لا ياخوي قل لهم ابي سيارة من قبلكم وانا ماعندي سيارة او خربانه .

مايصير اللي يوزعون بسيارات الشركة والبنزين على الشركة فواتير ؟؟

احسن وافضل لك ، واذا بسيارتك والله ماتسوى .

لو انك مصري عطوك جوال و سياره

لانك سعودي حاسدينك على 3000 ألف

وهذي قرارات اداره فيها اجانب وانا متأكد

لاترضى بالكلام هذا ابد

لو انك تنظر نظرة هالشباب اللي فوق اللي قاعدين يقارنوك بالأجانب ورب البيت ما تتوفق في مسيرتك العملية
الله سبحانه قسم الأرزاق قبل الخلق، وما طرد إبليس من رحمة الله إلا حسده لابن آدم، فانتبه لموضوع الحسد وأنا اخوك
وخل إيمانك بأن الله هو الرزاق الكريم وهو مقسم الأزراق، ولو انها جات على البشر في توزيع الرزق ، فالله تعالى وصفهم (قل لو أنتم تملكون خزائن رحمة ربي إذا لأمسكتم خشية الإنفاق وكان الإنسان قتورا)



وان كنت تبغى رأيي الشخصي/
فالشغلة ما تخارج، وهي على حسب قوة الشركة، فبعض الشركات تصرف لك سيارة وبنزين، وبعضها لأنها ضعيفة السمعة فتشترط ان المتقدم لوظائفها يكون يملك سيارة

شخصيا جاتني نفس وظيفتك من شركة تعبانة، لكن الأدهي من حالتك، إنه طلب مني أدوام في مدينتين، يعني اصفف أرفف في مدينتين وبسيارتي وبراتب 3000 فقط

لا تقبل، ممكن تقدم في شركات ثانية تكون اقوى وتعطيك المزايا حقتها