ليتك تشوف الحال واللي بالاعماق

ندى الخالدي · #1 (**permalink**) 30-12-2014, 07:54 PM

مسائكم ورد جوري و فل و ياسمين مسائكم نقي بنقاء ارواحكم مسائكم رضا من الرحمان

أشتاق ثم اشتاق واشتاق واشتـاق
...يا ملهب(ن) شوقي بروعة شعورك

قلبي لهمسك يا اعذب احساس تواق
...الله لايحـرم خفوقـي حضـورك

أكتب لك آآحبك على بيض الاوراق
...من عقب يضويها فـؤادي بنـورك

ياللي حروفك تنسكب وسط الاعماق
...وأقرا المحبة في طلاسم سطـورك

ألمح بوجهك كل نظـرات عشـاق
...يفداك قلب(ن) راحته من سـرورك

روحي معك يا خافقي دوم باعنـاق
..أتقبلـك واشتـم ريحـة بخـورك

قلبي من البـارح بعالمـك مافـاق
...يهيم فيـك وكـل مابـي يـزورك

ليتك تشوف الحال واللي بالاعمـاق
...ما صار فيها غير نسمة عطـورك

اكليل حب اكليل لهفـه وأشـواق
...لروعة احساسك وصادق شعـورك

هالصبح ياخذ من محياك الاشـراق
ماحلاه صبحي لارتوى من بحـورك

مما راق لنبضي

حي السفارات · #2 (**permalink**) 05-01-2015, 07:24 PM

مميزه كعادتك رغم انقطاعي عن المنتدى وعودتي الا نجمك ساطع للامانه تقبلي فائق احترامي

ندى الخالدي · #3 (**permalink**) 05-01-2015, 08:36 PM

ياهلا وغلا ومن طول الغيبات جاب الغنايم ... حي الله هالطلة بعد طول هالغيبة
حضور فاخر ومرور مبهج تشرفت به
لك اجزل الشكر واجل التقدير والاحترام والامتنان
لا خلا ولا عدم