السلام عليكم ..

كيفكم اصحاب المشاريع . حتى في عز اختباراتي افكر بالمشاريع << وش ذا المخ 😤
المهم مالكم بالطويله
الفكره صايره موضة الحريم هالايام .. وماشاءالله ارباحهم عاليه
بس تبغى يد تشتغل معاك وتفرغ منك

بما اني طباخه ماهره ومذاقي عالي ولله الحمد من دون مجامله . حبيت اسوي طبخ بيت
وابيع ع الحاره والاحياء القريبه ، وعلى الدوائر الحكوميه مثل معلمات بالمدارس ، مستوصفات
واسوق لنفسي ،،

للامانه حبيت اجرب الشغله واشوف كيف الاقبال علي . وعملت دعايه فقط ، يعني ماسويت طبخ ولا شي
بس سوقت لنفسي باحد المنتديات وجتني الرسااااايل بالهبل ، وكلها حولي بنفس الحي
ويترجوني يقولو نبي بالسعر اللي تقوليه اهم شي نبي طبخ بيت نظيف تعبنا من اكل الهنود من المطاعم 😫
عاد انا وقتها صرت كذا .
وكمان الموضفات يرسلو نبغى نتعامل معك بالشهر و و

خليت الاعلان يومين وبعدين حذفته
المهم اني فرحت لما شفت الكميه هذي بالطلبات وهم ماذاقو الاكل ، كيف اذا ذاقوه .

احبابي شاركوني بارائكم من قلب.

انا خايفه اني افشل . والفشل اللي اقول عليه قصدي اني اتكاسل عن الشغله

انا اعتبرها من افضل الشغلات للحريم ، اولا انك جالسة في بيتك ، ثانيا الناس يجوك لحد عندك ....والله قمة الفخر...استعيني بالله وتوكلي عليه وابداي باول طلب وشوفي ،،، وانتِ شغالة طبخ في المطبخ اكثري من الاستغفار كما هو اسمكِ في المنتدى..........وفقكِ الله اختي

ولا تنسيني ولو نص صحن مجانا هههههههههه ، لاني اول واحد يعلق على موضوعك

لا تترددين صدقيني مع توزيع الطلبات واشادة الناس بطبخك راح يزيد حبك للشغله

مشروع ناجح ابدي فيه وتوكلي على الله وترئ فيه خير كثير والناس اليوم تبحث عن الاكل الزين والنظيف بصراحة ماعاد نأمل هالعمال مهما كانت درجة النظافة والديكورات البراقة.

توكلي ع الله وابدي مشروعك
في البدايه مارسيه ك هوايه حتى تكسبين زباين وشهره
وبعدها ان شاء الله راح تكونين عارفه كم صرفتي وكم كسبتي من هالشغله
اللي صراحه الكل يتمنى تنتشر طبخات البيت مثل انتشار المطاعم اللي قرفنا منها صراحه
مووووووفقه اختي المهم لايشغلك عن دراستك

العصر الجديد ؛ الله يسعدك ويجزاك كل خير . تشجيعك لي اسعدني ..
ياشيخ ماهو نص صحن بس! لو تبغى مفطح ������

ارباح للمشاريع ؛. افكارك مره حلوه الله يسعدك ،، وبالنسبه للدراسه عادي انا دراستي عن بعد يعني وقت الامتحانات بس اختبر ..
باقي الوقت بالبيت فاضيه،

سيف ماطر ؛ مشكوور ع التشجيع ربي يوفقك ، صراحه عطيتوني دافع قوي اني اتمم على فكرتي وابدا اشتغل

متفائل زمانه ؛ الله يعطيك العافيه مشكووور ع التشجيع ، صدق المطاعم صايره تقرف ، البيت انظف واطعم

زمن ماضي ؛ مشكووور ربي يجزاك كل خير ..

ان شاءالله يفيدوني الاخوات وش احتاج بالبدايه وكيف انظم وقتي

من افضل مشاريع النساء الايام هادي الطبخ
انتي خلي البداية ع خفيف يعني مو كل وقت ادا احد طلبك تقولي انك فاضيه قوليهم للاسف في زباين كثير سوي نفسك انك (البيك ) يعيني لاتظغطين على نفسك اعطي لنفسك راحه وبعدين خلاص ادا شفتي الطلب يزاداد من ارباحك تسوين مطبخ متكامل ادا كان البيت يسمح وتجبين احد يشتغل معاكي في تجهيز الاكل بس انتي تكوني المشرفه على الطبخ وكدا ان شاء الله ينجح مشروعك
ونجاح مشروعك اولا توفيق من الله ودعاء الوالدين والشغل الحلال والاعلانات اهم شي يعني مثلا في الانستغرام او التويتر او الواتس يكون لكي رقم خاص للطلبات وفي نفس الحي تسوين اعلانات

والله يفتحها في وجهك ووجه كل مسلم و مسلمه

جميل جدا جدا فالك البريق جميـل جدا ان الشخص يعمل بالنشاط الذي يعرفـه ويفهمه، هذا اكبر شرط علي نجاح المشروع

توكلي علي الله اختي وبارك الله فيك

نعم يابناء بلادي للامام