24-01-2007, 04:20 PM
|
 |
عضو سوبر
|
|
تاريخ التسجيل: Nov 2006
المشاركات: 334
معدل تقييم المستوى: 37
|
|
Wanna speak English ?? >>يتيمة عاطلة
بما أن تخصصي هو لغة انجليزية وقمت بتدريس هذه اللغة 3 سنوات ولاحظت كثير يحبون يتعلمون انجلش ومو شرط يتخصصون فيه طبعا فبحاول هنا ادلو بدلوي وانشاءلله الكل يستفيد وياريت اللي عنده افكار ثانية يكتبها
في تعلم اي لغة بالعالم يجب التركيز على اربع Skillsمهارات وهي :
Listening الاستماع
Reading القراءة
Writing الكتابة
Speaking المحادثة
مستحيل تتقن اللغة بدون ماتطبق الاربع مهارات!!
وهذه بعض الافكار العملية اللي تقدر من خلالها تتعلم انجليزي وانت بالبيت
1- تحاول كل يوم تتعلم مجموعة كلمات جديدة على حسب سرعتك بالحفظ انشاءلله كل يوم 4 او 5 كلمات ولازم تركز على pronunciation+ spelling اللي هما الاملاء والنطق , قبل لاتنام خذ من وقتك 5 دقايق واقرا الكلمات زين وانطقهم راح تشوف نفسك حفظتهم بسرعه كبيره وكل يوم طبعا تقرا الكلمات الجديدة هذه احسن طريقه قالتها لنا دكتورة في الجامعة
2-ادخل منتديات اجنبيه وياكثرها في المجال اللي تحبه وإقرا ايش مكتوب ومب لازم تفهم كل الكلام او تقرا كل الكلام بس صدقني طريقه روعه وممكن تقرا بعض الاخبار الخفيفه في مواقع الاخبار مثل ال BBC واي موقع تبيه راح تلاقيه في الجوجل
3- اذا كنت تحب المحادثة هناك طريقه رهيبه في تعلم الانجلش ساعدت ناس كثييييير اعرفهم خلتهم في خلال سنة او سنتين يتكلمون بلبل والله وهم انجليزيتهم على قدهم
ادخل محادثه بالانجلش انا اشوف كثير يدخلون ال Yahoo Chat بس نصيحة لاتقول انك خليجي لانهم ماراح يعطونك وجه وطبعا استخدم ال voice chat انا كثير بنات اعرفهم سوو كذا وصارو اني اتكلم مع اي احد بس طبعا تقدر البنت تكلم بنت زيهااا انا اعتبر ان ال voice chat بالانجلش نفس فائدة دراسة كورس بامريكا ولا بلندن  وطبعا الانترنت بيدك تقدر تستفيد منه بشكل هائل تقدر تقرأ وتسمع وتتكلم وتكتب
4-نجي للTV وماادراك مالتيفي تابع برامج MBC 4 وترى معروف برامج Oprah و Dr.Phill رهيبه في تعليم الانجلش لان هذول الاثنين انجليزيتهم اكاديمية يعني تعليمية لنهم يسخدمون الكلمات الصحيحه ويتكلمون ببطء مثل الاكاديميين وموعيب ان الانسان يقرا الترجمة في كثير من الاحيان ولكن بشرط انه يسمع الكلمه بالانجلش ويقرا ترجمتها بنفس الوقت
نصيحة ركزو على متابعة برامج اجنبيه بكثره وراح تلاحظون الفرق في خلال اقل من شهر عالاقل واكرر متابعه مع التركيز وليس مشاهده متعه فقط!
بالنسبه للنت مو مهم كثير اسم الموقع اللي تدخله او الكتاب اللي تقراه مهم طريقتك انت بالاستفاده واصرارك على التعلم طبقو هالنصايح وادعولي
Good luck everyone
التعديل الأخير تم بواسطة يتيمة عاطلة ; 24-01-2007 الساعة 04:24 PM
|
العرض الشجري
