السلام عليكم ورحمة الله وبركاته

ياخوان ابي استشارتكم في مشروعي لا احد يبخل على بمعلومه لانها ممكن تكون سبب في رزقي


الموضوع

انا حصلت مغسلة ملابس للبيع بسعر 35 الف وارجاها ب 20 الف ومنتهي عقدها وفيها عامل بينقل كفالته على وبيكلف 5 الاف

يعني كامل التكلفه 35 البيع + 10 اجار + 5نقل عامل = 50 الف بدفعها

والعمال يقول بستاجر منك ب1500 صافي شهريا

يعني دخلها بالسنه 18 الف

وش رايكم ياهل المشاريع هل المشروع ذا كويس والا خساره ؟

والله يجزا كل من يدخل ويعطي رايه خير

وجهة نظري هذا المشروع فاشل ، لانها بنظرة بسيطة انت ستدفع 50الف ريال ، وتستلم 1500 شهريا ...يعني رجوع راس مالك بعد اكثر من سنتين....ان استطعت العمل بـ ال 50 في مشروع خضار وفواكه لكان دخلك اكثر من ذلك

الله يجزاك خير
وراس المال يرجع بعد 18 شهر

السلام عليكم
مقارنة نسبة الدخل براس المال
تعتبر جيدة اقتصادياً
لكن الاجمل والافضل ان تشرف بنفسك ع المغسلة
وتعطي العامل راتب مجزي ومكآفآت مع زيادة الدخل
هذا الافضل في نظري
وانا شخصياً لا اؤيد تأجير السعودي لاسمه للعمال
بحيث يعملون في السوق باسمه
من الممكن تحضر عماله وتتابعهم في كل صغيرة وكبيرة
اما اذا اردت ارباح اكثر
عندي تجربة واسوقها للجميع للفائدة
انا حالياً مسئول عن سوبر ماركت كبير
وفيه ركن خضار وفواكه
ويوردها لنا عامل يماني تابع لمؤسسه
معاه ميكروباص يحمله يومياً بحدود ١٢ الف ريال
ويوزع ع المحلات والمطاعم
فائدته يومياً ما ساء الله تبارك الله لا تقل عن ١٠٪
يعني بحدود ١٠٠٠ الى ١٢٠٠ ريال يومياً
وانت تبغى تاخذ ١٥٠٠ في الشهر
لاحظت الفرق
ايضاً توزيع البضائع من مستودعات الجملة للمحلات
مثل السكر والطحين وخلافه
فيها خير كثير
راس المال دينا اجار او تقسيط
وانت حالياً تقدر عليها باذن الله
وتبدأ العمل
وستلاحظ مع بداية العمل لديك فكرة واحدة
ومع مرور الوقت تجد العديد من الافكار والاعمال
من خلال التعرف على الاسواق ومخالطة الناس
تحياتي للجميع
واسف ع الاطالة
ومستعد لاي استشارة ع الخاص والعام

اذ اشترطت على العامل يعطيك 2000 ريال شهرياً فالمشروع مناسب

فكيتور : الله ينور دربك وفكرتك حلوه بس انا مرتبط في عمل وماقدر اتابع العمال او اوزع بظاعه والي حمسني ع المغسله انها بتمسك راس مالها وبتدر على دخل شهر ثابت

ساهم خيراً : رافض يعطيني اكثر من 1500 لان دخلها مايغطي

أنت بتدفع 35 ألف على أيش شفت عدة المغسلة تستأهل هالقيمة و الموقع يستأهل تدفع 35 ألف حقت نقل القدم يمكن تأخذ المغسلة و تدفع هالمبلغ و تجلس يومين إلا وهو طاق البولر و الا خربانه الغسالات و النشافات يمكن بعد ما تشتريها تكلفك بالصيانة كثر قيمة شراء المغسلة
و بعدين عامل واحد ما يقدر يشغل المغسلة لحاله

أحرص على كل شي فيها و جيب لك احد فاهم في هالامور يقيم لك الاغراض الموجودة هل هي نص عمر و الا شبه جديدة

و مووووووووووووووووفق خير

يا اخوي اترك ذا المشروع...ايش فيك مصرّ عليه ؟!! ما ينفع تحط فيه 50 الف......نصيحة من اخ

على العموم اخي الكريم
نصيحة وتذكير لك ولي ولكل مسلم
اذا اتخذت قرار معين
قبل لا تنفذه عليك بصلاة الاستخارة
والله ان فيها الخير كل الخير
كيف لا وانت تستشير رب العباد عز وجل
وباذن الله ييسرها الله اذا فيها خير
او يصرفها عنك اذا فيها شر
وتقبل تحياتي