في البدايه احيي فيك حرصك على التمسك بالصلاه والحجاب ( هذين الامرين سيكفلن لك النجاح الاعظم )
اما عن المشاريع فلا املك اي خبره لكن بما اني من ذوي الاحتياجات الخاصه وطلبت سواق وبتجي تأشيرته بعد اسبوع وناوي استغله وافيده بنفس الوقت ، اول شيء ابشتري سياره بنظات التقسيط المنتهي بالتمليك ، شهريا اعطيهم الف الى الفين ولو صدمت السياره خلال هالفتره وانا مأمن عليها يجيبون لي وحده جديده ، طبعا راح اخلي العامل يوصل معلمات وموظفات ويصير سواق اجره ، راح ادلع العامل علشان ينتج لي وخلال فتره وجيزه اطلع سياره ثانيه ، طبعا اعاقتي ب ٢٤ ضعف نظر ومصنف كإعاقه وانا قادر اسوق وما همتني هالتصنيفات ، اما مشروعك الثاني والله ما عندي خبره لكن انصحك لا تثقين بأحد حتى اهلك ، ( المؤمن كيس فطن ) وفالك التوفيق

اولا من وين يجي التوفيق والسعاده لو ماكان الواحد طايع ربه
ما شاء الله طيب ماقلت كم كلفك استقدام السايق

والله يكون بعونك ومشكور اخوي على الرد
وبالتوفيق لي ولك ولجميع المسلمين

المشروع الاول ممتاز حسب تجارب البعض ولكن اجهل تفاصيله وترتيباته

الموضوع الثاني الخاص بالصين
انا كانت لي تجربه في الذهاب الى الصين وكانت النيه استكشاف ولكن الوقت كان عايق صراحه 7 ايام ماكانت كافيه
يلزمك التخطيط وتحديد المطلوب وتحديد الاماكن اللي بتروح لها قبل السفر
رتب امورك من هنا وين بتروح ووش ناوي تستكشف من منتجات وصناعات وحدد المناطق المشهوره بتلك المنتجات..
ماانصح الذهاب بوقت المعارض كل شي بيكون غالي ودبلات والمعارض ماانصح فيها لانها بنظري تخص التجار المتعمقين بالسوق
بالنسبه للتكلفه البلد شرق اسيوي وتقريبا رخيصه ماتكلف شي ولا فيها غلاء
بخصوص الحجاب
شفت في المطار امرأه بكامل حجابها مع زوجها وهذا بالعوده عند مدخل المطار
ان شاءالله مافي مشاكل .. والبلد آمن

اتمنى التوفيقى لكي وان ينجح مشروعك وتوكلي على الله وصلي الاستخارة وربي يوفقك يارب اما من وجهة نظري ان المشروع الاول افضل حاليا السائق الاجنبي يرضى بالقليل اقصد راتب اما السائق السعودي يريد الاكثر الاحترام من كل الاجناس تجدين المحترم وغير ذالك بالنسبة للسيارة اذا كانت جديدة كل فترة اجازة اعملي لها صيانة اما اذا مستعملة كل 3 اشهر اعملي صيانة لها او 4 وربي يوفقك لما يحبة ويرضاة المشروع الثاني اتوقع كثرة البلاد من التجارة بة ويحتاج موظين اكثر واموال اكثر ارشح لكي المشروع الاول ابداي بسيارة واحدة وابناء منطقتك وبعد سنة اذا شفتي ان الربح اكثر من راس مالك وتقدرين تبدين بسيارة ئق ثاني وكل سنة يكبر مشروعك الى ما تحولينة الى موؤسسة باذن الله اول مشاركة لي ويشرفني الانضمام اليكم وان ارد عليك باول رسالة

لي عوده بالتوفيق اخي

مشروع نقل طالبات او مدرسات يحتاج الى كرت تشغيل من وزارة المواصلات ولهم شروط ولوائح كثيرة ووجود محرم.


لا انصح ابدا بهذا المشروع للسيدات خاصة .

اما مشروع جلب بضاعة من الصين فيحتاج الى سفرة زي ما تفضلتي وانتقاء الاشياء الجيدة اللي لها سوق لان السوق المحلي مليان بالمنتوجات الصينيه منها الردئ والجيد.


هناك مشروع ناجح مية بالميه, ومناسب للسيدات .ولا يكلف اكثر من 2000 ريال كبدايه ويحتاج تفرغ .

كلنا يعلم مشاكل الخادمات وصعوبة وتعقيدات وشروط دول الاستقدام .الموظفة ام الاطفال تحتاج من يتولى رعاية طفلها في فترة دوامها. من هذا المنطلق فمشروع حاضنة اطفال لفترة الصباح الى وقت الخروج من الدوام اصبح حاجة ملحة. الطفل يتم استقباله ومعه اغراضه اللي يحتاجه من حفاظات وحليب وغيره....
طبعا يتم استقبال اطفال مختلفي الاعمار من 3 شهور وحتى خمس سنوات. ...وحتى عشر سنوات بالنسبة للمعاق.
تكاليف المشروع؟
غرفة تكون واسعة فيها سرائر وبعض الالعاب والبالونات وتلفزيون رسوم متحركة وكيس تسالي وعصيرات وسيدة صبورة وضحوكة تراقب .
في البداية يتم استقبال خمسة اطفال فقط , بمبلغ 600 ريال لكل طفل , يصير مجموع الدخل 3000 ريال بالشهر. يتم استقدام خادمة ويفضل فلبينيه ثم نزيد عدد الاطفال الى عشرة وهكذا ...... يصير مجموع الدخل 6000 ريال بالشهر.

بعض العوائل لديهم اطفال من ذوي الاحتياجات الخاصة ( اعاقات مختلفة) مثل عدم المشي , شلل اليدين, طفل مغولي .... ويجدون صعوبة في حضور المناسبات او السفر بسبب هذا الطفل وتضطر الام الى الانعزال لتجلس مع هذا الطفل . يتم استقبال مثل هذا الطفل باليوم مثلا 200 ريال .

انا حاليا بدأت بالمشروع مع خالتي المطلقة التي تعقدت من( الرجاجيل) وفضلت تشتغل معي , وتم التسجيل ومع بداية الدراسة يتم استقبال اطفال المتصلين. لأننا على اعتاب العطلة النصف سنوية للمدرسات.

ميزة المشروع ممكن يتم الانسحاب منه بسهولة بدون خسائر.
الخادمة ممكن الاستفادة منها في اشغال اخرى ( خياطه,,, طبخ.. عمل مفرزنات وبيعها في رمضان ..... ) بعد ما ينتهي الدوام ويذهب الاطفال مع امهاتهم.
ويمكن تأجيرها في العطلة .

هذا والله من وراء القصد.