[align=center]السلام عليكم ورحمة الله وبركاتة
[/align]

بسم الله الرحمن الرحيم.

الحمدلله الذي بنعمتة تتم الصالحات

بدخل بالموضوع لكن ما ادري كيف ابدى لكن حبيت ابين لكم شي وحبيت اوصل لكم معلومة اليوم دخلت على تطبيق بنك الراجحي وحصلت شي بالامانه شدني وحبيت انكم تشاركون بالاجر ان شاء الله والله يعطيني ويعطيكم على قدنيتنا ويكتب لنا الخير جميعن دخلت على اساسة احول مبلغ وبصدفة شفت ايقونة للجمعيات الخيرية ويمكن ان تتبرع لها بثواني وهي جمعيات كثيره منها تحفظ القران الكريم وصيانة المساجد وعلاج المعاقين ورعايتهم ومساعدت المتزوجين الى اخره والحمدلله الطريقة سهله جدا وراح تحصل الاجر والخير ان شاء الله وكلها خطوات بسيطة واتمناء منكم زيارتها والاطلاع عليهم والتبرع باي مبلغ وهذا ان شاء الله راح يفتح لك ابواب الرزق وهذي الطريقة ��اول شي تحمل التطبيق وتسجل والكثر منا يشتغل عليه


ولا ننسى قول الله تعالى -يقول الله تعالى: {وَأَقِيمُواْ الصَّلاَةَ وَآتُواْ الزَّكَاةَ وَمَا تُقَدِّمُواْ لأَنفُسِكُم مِّنْ خَيْرٍ تَجِدُوهُ عِندَ اللّهِ إِنَّ اللّهَ بِمَا تَعْمَلُونَ بَصِيرٌ} [البقرة: 110].

ويقول الله تعالى: {وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا وَاسْتَغْفِرُوا اللَّهَ إِنَّ اللَّهَ غَفُورٌ رَّحِيمٌ} [المزمل: 20].
ولا نوقف عند الطريقة هاذ يوجد عدت طرق وفيه ناس محتاجه

اتمناء منكم يا اخوان التفاعل مع الموضوع وتخصص مبالغ للتبرع لو كانت بسيطه والله ان هاذي الطريقة راح تفتح لك ابواب الرزق والحمدلله مجتمعنا مجتمع خير ولله الحمد

جزاك الله خير .........واسال الله ان ينفع بك

[align=right]

الله يوفقك ياعاطل ولا يحرمك الأجر

وأتمنى تسمح لي أتداخل معك ببعض النقاط .. لأنها تقرقع بقلبي من زمان من هالناحية


أولا : كفالة الأيتام اللي تقدمها المؤسسات الخيرية وجمعيات البر أفتى فيها الشيخ ابن عثيمين رحمه الله بأنها لاتعتبر كفالة يتيم .. بل تعتبر نوع من الصدقة .. والكفالة الحقيقية هي أالقيام على اليتيم شخصيا وتربيته وإصلاح شؤونه.


ثانيا : من خلقنا والمجتمع ماهو مقصر ومليء بأهل الخير اللي يتصدقون ويبذلون زكواتهم وتبرعاتهم لجمعيات البر والجهات الخيرية المؤسسية .. وبصراحة ماشفنا نتائج ملموسة بل انتشر الفقر أكثر من ذي قبل .. وغير كذا فقد أغلقت أحد أكبر المؤسسات الخيرية (مؤسسة الحرمين) دون سابق إنذار وراحت تبرعات الناس معها .. غير خطابات الفساد اللي وجهت لجمعية البر قبل سنتين !!
نصيحة يا إخوان .. صاحب الصدقة يتوجه بنفسه ويسلمها المحتاج بيده .. يفرح بها أكثر ويضمن بأنها صرفت على مستحق .. وما أكثر الأحياء الفقيرة عندنا ( الجرادية - الجبس - الحلة ..الخ ) .. الأحياء هذي مليئة بالمتعففين من أبناء الوطن نساء ورجالا واللي بيبحث سيجد مآسي


ثالثا : شهادة لله تعالى .. فقد عملت مع مؤسسة مكة الخيرية ومريت عليهم في مقرهم اللي على الدايري الشمالي ورأيت بنفسي منظر محبط
السعوديات على أبواب الجمعية بالعشرات بعباياتهن .. وبعضهن جايبه أولادها
بينما داخل المؤسسة كان العمل على قدم وساق على توزيع المساعدات لفقراء الصومال


والسلام عليكم

[/align]

جزاك الله خير اخي الكريم صاحب الموضوع

وانا مع الاخ خالد الحرف لو كل واحد من سكان السعودية او غيرها يشوف اول الناس المحتاجة في منطقته السكنية بعدين يفكر يتبرع للجمعيات الخيرية لان في ناس بتخجل تفتح يدها او تطلب من الجمعيات

جزاك ربي الجنه
ويجعله في ميزان حسناتك ..