معقولة كل هالمدة من ثمان شهور تقريبا وانا أخش هالمنتدى وأحصل له كل مابين فترة وفترة إعلان طالبين نفس الوظايف ونفس التخصصات, انا من ثمان شهور ومن قبلها ماكنت أدخل يعني إحتمال من مدة أكثر,
معقولة مافي أحد تقدم لهم أو توظف واستقر معاهم مع ان هالتخصصات متوفرة لدى الشباب بكثرة؟
شيء يدعو للتساؤل, ونرجو من الشباب التوعية من الإحتيالات والنصبات وشكرا.

السلام عليكم شباب. انا جاني اتصال منهم اليوم بعمل مقابله شخصيه يوم الاحد ، اتمنى الي عنده خلفيه عن رواتب المهندسين في الشركة وطبيعة العمل يفيدنا.
والمقابله الشخصيه كيف كانت.

و

راتبين عند الأستقاله لاتنسوا ،ترى هذا الشي صحيح مو مسخره
صحيح ماحد سواها قبل لاكن مطبقينها في كبوتا ههههههه
تراهم والله لو تسئلوهم يقولون لكم هذا النظام للأجانب فقط
والله يكذبون عليكم تراهم صادو ناس واج
محترفين في الكذب
لا او اخر كذبه طلعوها بونص ههههه
معقول على بخلهم يعطون بونص
الكذب ماشي تندهم

عالمي مدريدي. انت متاكد من كلامك ، يعني اشتغلت معهم قبل كذا وشنو تخصصك

عالمي مدريد. انا مهندس كيميائي واتصلو علي كبوتا. لاكن هل عندك علم عن رواتب المهندس الكيميائي وعن المسمى الوظيفي. اتمنى الرد

أنا اشتغلت معاهم قبل سنه ونصف تقريبا بس لازلت اعرف ناس بعدهم
عموما نصيحه أخويه أذا كنت خريج جديد ومحتاج عمل اشتغل معاهم
أو انت حاليا تشتغل بمشاريع وبعيده وتبي القرب اشتغل معاهم
لاكن لو انت على عمل ومفكر انك بتروح لشركه محترمه لا
زي مايقولون خلك على مجنونك
وبالنسبه للمقابله بس كذا شكليه يبينون لك انهم نظام والقبول بمعايير ههههه
والله اخرطي فهم يقبلون المترديه والنطيحه اي شي
والراتب اذا كانوا محتاجينك حييل اتغلى عليهم لاتوافق من البدايه وبيرجعوا يفاوضونك مره وثنين وثلاث
واحيانا مو شرط تخصصك مطلوب معهم لا احيانا مجرد السعوده
بس لازم تحضر ولا يخصمون بالدقيقه يمووووتون بالخصميات لانهم بخلاء جدا
اتمنى لك التوفيق لاكن زي ما قلت لك خريج جديد او محتاج عمل وافق طقطق عليهم
بس لاتنسى تصمد الراتبين عن الاستقاله والله ههههههه

شوف رسالتي ف الخاص عالمي ورد عليها

عالمي مدريد. يعني كم الراتب في حدود كم ? طبعا للمهندس الكيميائي

السلام عليكم

ومآزال النصب في شركة كبوتآ مستمر ........

مع رئيس النصب صبحي يصبغ بشكل مو طبيعي

مآ أخرب على أحد والله يوفق الجميع

بس نصيحه أنتبهوو ثم أنتبهووو

ومثل مآ قال لأخ أدا محتاجين نآس يتفآوضون ويعطوك

رآتب حلوو بس أنسى مسمى وظيفي وأنسى زيآدهـ

ولاأجآزهـ يوم وآحد في سبوع

في لأخير من يسجلك في التأمينآت مآ تقدر

تستقيل بدوون دفع رآتبين أله بعد سنتين ,,,.. انتبهوو الى هدي ,,,

يمآ نصبوو على شباب وخآصه لي توهم متخرجين جدد

اول مره اسمع خريج جديد اعطيه اساسي بدون بدل ل 3 اشهر !!!!

ومهندس اساسي 5 !!!!!

لا أريد لأطاله بس حرتي مآ تبرد عليهم

وهذآ رئيي الشخصي لآ أكثر ,,

وبتوفيق للجميع ,,,,