اهـ يا كبر القهر لا صار ما باليد حيله..*
والجروح من القــرايب والخطا مني وفيني!!


ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنة يميني؟!

وان نوت تبكي عيوني صارت(( الدمعــهـ )) بخيله!!*
كبرها لامن تجمـــع هم قلبـــي وهم عيــني..

ياهمـــوماً بي تعدت حدهـا صارت ثقيلــهـ ..*
اخذي مني كم ســؤال ولو سمــحتي جاوبيني..

ليه من بعد ((الوفـــا والطيــب)) وفعولاً جليلهـ ..*
من يدين اللي حشمتهـ اول طعـــوني تجيني؟؟

وليه لاضاق الفضــا في عيــن من خانه دخيلهـ ..*
مالقيت الا ((المــلامهـ)) انتهيها وتبديني؟!

ياهمومي ياجــروحي يا صدى الروح العليلهـ ..*
والله ان الـــظــلم قهره قيّد لسانـــي ويديني!!

يوم قيل اضرّ حسودك زاد في قوله وقيلهـ ..*
ما طــرالي غير قولت آآآخ يا دنيــا ارحميني..

ان تكلمت وحـــكيت وجبت برهاني ودليلهـ ..
ما تضــرر كود منهو قد لفانــي منتخيني!!

وان سكــت وقلت هانــت هــم وسنيني تزيلهـ ..*
اكتشفت ان ((السنين)) تزول والهم محتويني!!

بس لجــل اللي انتخى في جد جــدي والقبيلهـ ..*
والله اني لاشــرب المــر واتحــمل ما يجيني..

ودام ما بالكــون ((صــدراً)) ارتمي به واشتكــيلهـ ..*
ودام مابــه عين تقـــرى حزني اللي مبتليني!!

ما لي الا بيت شـــعر اذكــره في كل ليلهـ ..*
لا انتهى جـــدال المعاتــب بين قلبي وبين عيني..






مما راق لي

.،.

قصيده رائعه اختي الكريمه ونقل موفق خاصه هذا البيت

ليه من بعد ((الوفـــا والطيــب)) وفعولاً جليلهـ ..*

من يدين اللي حشمتهـ اول طعـــوني تجيني؟؟

الاروع مرورك اخوي
لاعدمنا تواجد الطيب

نورت ، لاهنت ..

الجمال اكتمل عند البيت هذا
ياهمومي ياجــروحي يا صدى الروح العليلهـ ..*
والله ان الـــظــلم قهره قيّد لسانـــي ويديني!!

.. استمرِ

الله .

جججميل ، صصح لسآنكك وعلا شآنكك خيتيء

شكرا لك...

قصيده رائعه اختي الكريمه ونقل موفق خاصه هذا البيت

ليه من بعد ((الوفـــا والطيــب)) وفعولاً جليلهـ ..*

من يدين اللي حشمتهـ اول طعـــوني تجيني؟؟

شكرا لمروركم الجميل
،،