مساء الخير على الجميع
سويت مقابلة قبل اسبوعين لوظيفة خدمة عملاء في بنك الرياض
واليوم اتصل فيني والحمدلله تم قبولي مبدئياً وقبلت العرض المقدم منهم
بس في الاخير قالي عندك اشكالية انت اخذت قرض من بنك الرياض ولازم تسدده بالكامل عشان يتم قبولك
مع العلم انا اخذت منهم قرض قبل شهرين تقريباً وانا موظف في شركة الان فما اعرف كيف اتصرف اسدد القرض او اعتذر من البنك؟

اول مره اسمع بكذا!!
وش تنصحوني فيه ؟

وش هالكلام !
غريبة والله

اكيد هم ما يبونك تتوظف لان الفائدة على الموظف اذا طلب قرض غير عن العميل ..
فيه حل قول لهم انك تبي تتوظف عندهم و نسبة الفائدة يخلونها على انك عميل عادي مو موظف

اتوقع اتوقع يرضون
انت قول لهم ابي اتوظف مرة و محتاج هالوظيفة و خليهم يشوفون لك حل بالنسبة للقرض

موفق ان شاء الله

اتوقع تصريفه
عشان يبون يوظفون غيرك

اشتكيهم على وزارة العمل ومؤسسة النقد والاماره والشرطة والمحكمة وديوان المظالم

مرحبا شباب الموضوع تأكدت منه من موظف اعرفه معرفه شخصيه في البنك
يقولي هذي سياسة جميع البنوك ان الموظف في البنك ماياخذ قروض عشان كذا قالوا سدد قبل نوظفك

اتوقع مالنا نصيب فيها

الله يعوضك بأحسن منها اخوي .. لكن ياليت تعطينا معلومات عن الراتب والمميزات اللي عرضوها عليك وكيف قدمت عليهم وهل شهادتك دبلوم أم بكلوريوس ؟

السلام عليكم ورحمة الله وبركاته. .
أخوي هل سألت عن حكم العمل في البنوك التجارية قبل اﻹقدام عليها؟
من ترك شيئاً لله عوضه الله خيرا منه.. (:

نصيحة اتركها لله .