[align=center]
السلام عليكم ورحمه الله وبركاته

انا اخوكم توي متخرج معي بكالوريوس علوم اغذيه وتغذية انسان من جامعة القصيم ووعندي كم استفسار عن بعض الشركات وياليت تفيديوني باي شي حتى بالعقود....

-اول استفساري ودي اعرف عن الشركات الغذائية الموجوده بالقصيم وخاصه بريده

-ثانيا ماهو الافضل من هالشركات (الوطنية لدواجن,, مياه هنا ) وكم رواتبهم تقريبا وماهي شغلتي تقريبا للعلم اني مسنف بالمرتبع السابعه بالخدمه المدنيه

-ثالثا اذا صرت اشتغل بشركه وانا مقدم بالخدمه هل يكون في خلل او ضرر ولا عادي تنزل لي الوظايف.

-واخيرا ابي اعرف الشركات نصبهم كثير ويعطونك شغله مالك دخل فيها ياليت اعرف وش لي وش علي وكيف اضمن حقي...



ياليت تفيدوني جزاكم الله خير ...
[/align]

ماعرف عن وظائفكم بس تقريبا بالمختبرات والجودة
أول شيء حط سيرتك الذاتية بالغرفة التجارية حقتكم وشوف أسماء الشركات والمصانع اللي فيها أكيد فيه احصائية عندهم
واقرأ بموقع وزارة العمل عن حقوق وواجبات الموظف بالقطاع الخاص
والراتب بما أنك متخرج جديد ماراح يعطونك راتب مرتفع على طول ارضى بالقليل واذا أخذت خبره تشرط عليهم
ومن ناحية اللاستغلال اقرأ عقد العمل زين قبل ماتوقع عليه واخذ نسخه منه وأي شيء مو مكتوب بالعقد تقدر تعترض عليه

هذا والله أعلم

يعطيك لعافيه كيميائي ماقصرت....طيب بخصوص الخدمه المدنيه عادي وانا مقدم عليهم واشتغل بشركه؟؟

ايه عادي

ابحث بالمصانع انت رح لهم لا تكتفِ بالنت دور عن امكانهم
وباذن الله تلقى . الله يوفقك