الحمد لله طلعت التاشيرات

شبيبي · #1 (**permalink**) 09-01-2015, 03:45 PM

السلام عليكم ورحمة الله وبركاته
واخيرا بعد 6 شهور وعناء طويل مع مكتب العمل وغثاهم طلعو لي تاشيرتين
بس الحمد لله نعمه لاني طفرت وانا ادفع ايجار المحل

المهم بغيت اسئل اهل الخبره بالنسبة لاقامات العمال اذا وصلو كم تكلفة اصدار اقاماتهم وكيف الطريقه لاستخراجها هذا اول مشروع لي والله يرزقني ويرزق الجميع
لاني سمعت انه اذا كان عدد العمال اقل من 9 يختلف الحسبة
ياليت احد يفيدني

الخير القادم · #2 (**permalink**) 09-01-2015, 03:56 PM

إصدار وتجديد إقامة لعمالة الشركات والمؤسسات 650
إصدار رخصة الاقامة للعمالة المنزلية (مزارع - راعي - سائق - شغاله ) للافراد 600
تجديد رخصة الاقامة للعمالة المنزلية (مزارع - راعي - شغاله - سائق ) للافراد 350

بالنسبه للعدد ان زاد عن تسعه فما عندي اي معلومه عنه اخي الكريم

والله يكتب لك التوفيق والســداد في مشــروعك

شبيبي · #3 (**permalink**) 09-01-2015, 04:17 PM

الله يجزاك خير اخوي

استفسار اخير 2400 ريال اللي كل سنه وش قصتها؟؟

الخير القادم · #4 (**permalink**) 09-01-2015, 05:05 PM

الله يوفقكم قل امين ..
تفضل هذا اللي حصلته ..

اقتباس:

نصَّ قرار مجلس الوزارء على أنّ تُعفى المنشأة الصغيرة التي يبلغ إجمالي العاملين فيها تسعة عُمَّال فأقل بمن فيهم مالكُها مِنْ دفعِ المقابلِ المالي ( 2400 ريال سنويًا ) المقررعن أربعةِ مِنْ الوافدين العاملين فيها إذا كانَ مالكها مُتفرغ للعمل بها في بشرط ألا يكونَ مُسجلاً كعاملٍ في أي منشأةٍ أخرى ، وكذلك إعفاء المنشأة الصغيرة التي يبلغ إجمالي العاملين فيها تسعة عُمَّال فأقل بمن فيهم مالكُها مِنْ دفعِ المقابلِ المالي عمَّن يعملُ فيها مِنْ غير السعوديين المتزوجين مِنْ سعوديات وسعوديين وأبنائهم والعاملين مِنْ الجنسيات المُعفاة مِن الإبعادِ أو غيرهم، وفق المعايير المعتمدة مِنْ وزارة الداخلية.

يعني تقريباَ وحسبما فهمت ..
اذا عندك من تسع عمـال واقل فمحلـك يعتبر منشاه صغيره
ويتم اعفـائك كم الـ 2400 ريـال المقرره سنوياَ
بشرط انك صاحب المنشاه متفرغ للعمل بالمنشاه او الاشراف عليها

خآلد آلعنزي · #5 (**permalink**) 09-01-2015, 05:12 PM

الله يوفقك في مشروعك
انا توني اصدرت اقامات
عندك الجوازات ٦٥٠
العمل ١٠٠
تأمين طبي ٢٧٠ تقريبا
وسلامتك لا زود ولا نقص

ال ٢٤٠٠ بعد مايصير عندك ٤ عمال تدفعها هذا في نشاط المقاولات مدري عن الباقي
وشرط يكون صاحب العمل محتسب بالتوطين

بالتوفيق

متًصل · #6 (**permalink**) 09-01-2015, 05:27 PM

الي اعرفه 2400 تدفع على العامل رقم 4 وفوق

هذا للمنشأة الصغيرة الي 9 عمال وأقل

يعني عندك الحين 3 عمال. ما تدفع 2400
بس لو عندك 4 عمال. تدفع 2400 على العامل 4
وإذا عندك 9 عمال تدفع. 2400 على العامل 4 الى العامل 9

طبعا هذا لأي نشاط مقاولات او غيرها

اتمنا افدتك

شبيبي · #7 (**permalink**) 09-01-2015, 05:37 PM

الله يجزاكم خير
اخر سؤال
هل لازم اسجلهم بالتامينات وكيف الطريقة او بمجرد ما تطلع اقاماتهم ينزلون اتوماتك بالتامينات

ابو الافكار · #8 (**permalink**) 10-01-2015, 01:26 PM

رخصة العمل من 4 عمال وفوق 2500 ريال

وش نشاطك؟

شبيبي · #9 (**permalink**) 15-01-2015, 03:15 PM

نشاطي بوفية

بغيت اسل عن طريقة استخراج الاقامات هل اسوي لهم كشف طبي بعدين اروح للجوازات او هل ادخل على حساب المنشأه قبل الله يرحم والديكم ويحرم وجيهكم عن النار ابغى الاجراءات خطوه بخطوه الله يرضى عليكم

سهم العنا · #10 (**permalink**) 16-01-2015, 03:10 AM

اخوي في التامينات يجونك دايركت وتكمل الاجراءات حقتهم

اول مايوصلون العمال خلهم يسوون كشف طبي واسال المستشفى متى احصله في الجوازات لانه الكتروني يرسلونه

الخطوة الثانيه تسوي له تامين طبي برقم الحدود وصورة بطاقتك من 270 - 350 ريال التامين للعامل

بعدها تدخل علي مكتب العمل وتطلع الرخص حقتهم وتسددها برقم السداد اللي يجيك عن طريق الصراف

بعدها تسدد رسوم اصدار الاقامه من الصراف

وبعد ماتسوي كل الخطوات اللي فوق تدخل علي موقعك ابشر جق الداخليه وتدخل اصدار اقامه تحصل العمال وتسوي لهم اصدار واذا تمت العمليه تطبع الورقه وتروح تطبع الاقامه من الجوازات وانتهى كذا هذي كل سنه معك

بس استبعد منها الكشف الطبي
واي استفسار انا في الخدمة