صباح الخير للجميع

وفالكم التوفيق اجمعين

بالنسبه لسؤالك أخ هاااه عن موقع المقابله

فيه واحد قالوا له المقابله في شؤون الموظفين بالدور الثاني

مادري وش يفرق ؟

ننتظر إجابة الأخ هاااه

مساء الخير ياشباب .
تعودنا من افتتاح موضوع التجمع بان البعض يعطينا تكهنات واخبار ( مضروبه ) وفي من يعطينا اخبار من موظفين بالوزاره ماعندهم اي معلومه وايضا بعض معلوماتهم ( مضروبه ) وفي من يعطينا اخبار صحيحه بس ايضا يكون جزء منه غير صحيح .. بكل بساطه القرارات الصحيحه بيد السلطان والامير خالد بن سعود . والشيء الغريب اللي مافي موظف يعرفه وهو كم عدد الاسماء المطلوبه حتى سكرتير السفير مايعرف .. الان بشرح لكم قصة الوظائف بالتفصيل ..

خلال الـ 10 سنوات الماضيه كانت اي وظيفة تعاقديه كانت عن طريق الامير خالد او التقديم على مدير شؤون الموظفين وكانت ( بالقطاره ) يعني كل شهر 3 وظائف ويمر شهور ماتوظف احد .. وفي السنه اللي فاتت تدخلت ( هيئة الرقابه ) ومندوبين من وزارة الخدمه بعدم التوظيف العشوائي وصار الوضع متغير .. واللي اكد لي هالشيء ان في شهر واحد السنه الماضيه دخلت على الامير خالد في جلسته الاسبوعيه يوم الاحد وقدمت اوراقي عليه وكان متواضع جداً جداً وكتب على اوراقي يرسل لدول الناطقه باللغة الانجليزية بما ان تخصصي انجليزي وراحت معاملتي لشؤون الموظفين وراحت لخالد الشلهوب وصرت اراجع خالد بشكل يومي لدرجه حفظ اسمي وشكلي . ويوم بعد يوم قالوا فيه مسابقه تعاقديه التحق فيها !! طبعا في هالوقت انصدمت !! كيف التحق في مسابقه والامير خالد موقع على اعتماد اوراقي وبعد مده كنت اتصل على اقرباء لي واصدقاء في الوزاره وصاروا يروحون مكاني وفي النهايه اكتشفت ان التوظيف صار بمسابقه وان لهم سنه الان ماتوظف احد متعاقد وهذا يدل ان الوزاره محتاجه متعاقدين بعدد كبير وعكس ماقيل بانهم يبون فقط 20 !!
والدليل الاخر ان هالسنه وقبل 3 شهور ترسم 17 موظف متعاقد الذين اكملوا دراسة الماجستير ومقدمين شهاداتهم من سنه ونص وتو ترسموا ..

( الخلاصة )
1- السنه ماقبل الماضيه متوظف اكثر من 50 متعاقد والسنه الفائته ماتوظف احد .. وبمعدل سنوي يتعاقدون مع 50 يزيد او ينقص عنها بقليل ..
2- ترسم اشخاص كثيرين من اكملوا دراستهم وتركوا اماكنهم شاغره ..
3- تقاعد اشخاص رسميين وتركوا اماكن شاغره ..
4- زاد عدد السفارات .
5- مع توقف التوظيف الرسمي يظل توظيف عدد هائل من المتعاقدين هو الحل والسبب ان مسابقتنا تشمله الميزانيه لسنه الماضيه ( وانا متاكد من هالكلام )
6- ربما هناك لجنه هي من تحدد عدد المطلوب وربما قد عقدت واضن ان اعضائها ( سلطان السلطان مدير شؤون الموظفين .. والحمود مدير التدريب )
7- هناك متعاقدين التحقوا بمسابقة الملاحق وتم قبولهم


( شرح بسيط )
الوظائف التعاقديه وو ظائف الملاحق تشبه بحد كبير نظام الضباط والافراد . دائما عدد الضباط محدود وعدد الافراد كبير جدا . طبعا مع اختلاف باننا نستطيع التحويل للملاحق مستقبلاً .

اعتذر عن الاطالة وتفائلوا بالله .. وعند انتهاء المقابلات ساذهب للوزاره واحاول اجيب اكبر عدد من المعلومات ..
والله ولي التوفيق

بارك الله فيك اخوي فادي
امر اخر اذكر فيه الإخوة
الوظائف التعاقدية ليست استحداث لوظائف جديدة، هي بالأصح عملية إحلال موظفين سعوديين لموظفين غير سعوديين، فموضوع الميزانية هذا اعتقد "وإن صح ان هناك مشكلة في الإنفاق بسبب الميزانية" امر غير وارد في مثل هذه الوظائف.
لابد يا إخوان نعرف شي مهم، الجهات الحكومية مثل وزارة الخارجية حينما تقرر عمل برنامج لتوطين الوظائف، فهي لا تنظر لها من باب "الرواتب فقط" ولا تنظر لها من باب انه سيكون هناك "زيادة في الإنفاق من الميزانية بسبب توظيف عدد كبير" فكما ذكر اخونا فادي هناك حاجة ملحة للمتعاقدين. لكن ينظر للنتيجة النهائية والتي تعود بفائدة على الوزارة.
وجود موظف سعودي كفؤ بديل لموظف غير سعودي سوف يخدم البعثات الخارجية بشكل كبير، الموظف الغير سعودي في البعثات الخارجية سيشكل عبئ كبير على السفارة على الأقل من وجهة نظر أمنية. لذلك ذكر معالي السفير أسامة نقلي قبل فترة انه الوظائف التعاقدية تعد من اولويات الوزارة وكان المتوقع نهاية هذا البرنامج في عام 1436هـ.

تفائلوا خير، وموفقين ان شاء الله

جميل، بارك الله فيكم.


متابع.

جميعا بلا استثناء : يعطيكم الف عافية

جميع المناقشات هنا راح تبقى لمن اتى بعدنا انشالله

الشكر موصول لجميع المشاركين بالموضوع

استفدنا وافدنا وناقشنا وتناقشنا :


وعقبال ما نشوف كل من راح للوزارة وسعى انه يجيب معلومة تفيدنا (( وزير مفوض بإحدى الدول ))


والله يكتب لنا التوفيق جميعا

وش العلم اللحين
موعدي يوم الاثنين وبصراحة ماسألته عن مكان المقابلة :/

اللي عنده الخبر اليقين ياليت يفيدنا ،،