العاب




بالتوفيق للجميع يا أخوة الإنتظار .. أستفدنا منكم كثيرا ووجب شكركم والدعاء لكم .

إن السعودية ستعلن عن موازنة 2016 يوم الاثنين المقبل الموافق 28 ديسمبر كانون الأول.

وتترقب أسواق النفط والأسواق المحلية والعالمية الموازنة السعودية لعام 2016 عن كثب لمعرفة كيف ستواجه المملكة انخفاض أسعار النفط العام المقبل في ظل توقعات بخفض كبير في الإنفاق الحكومي.

المصدر : وكالات

يا جماعة استعينوا بالله ولا تتاملون امال كبيره في هذي الوظيفة ممكن يكون عدد القبول 600 او 6 او شكلية فقط . بحد ما سمعت من سكرتير ثاني بان اثنين من اللي اعتمدهم الامير حتى الان ما توظفو ويوم الاخ سأل سكرتير السلطان عن كومة المعاملات فوق الطاولة قاله هذي شكلية.

الله يهديك يابو عزوز هذي ثاني مشاركة لك السبوع ذَا على غير سنع

ياطويل العمر يبو عزوز احنا مقدمين على وزارة الخارجية مو معقول مسوين مقابلة شكلية تفائل بالخير الله يحييك ترا كثيرين مأملين خير

وان شاءالله كلنا بنتوظف بحول الله وانت أولنا يبو عزوز 😘
موفقين جميع ❤️

صباح الخير على الجميع ..
صحيح كلامكم الميزانية الاثنين القادم وبخصوص كلام بعض الاخوان ان الوظائف شكليه اقول له هالمسابقه ذي بالذات مو مشكليه .. واسمحوا لي اذكر لكم بعض الاحداث اللي صارت المده اللي فاتت وقدام عيني شخصياً .. قبل اذكر لكم الاحداث بعلق على كلام ابو عزوز لما قال ان في معاملتين من الامير مااعتمدها .. هالكلام ذا مو صحيح مع احترامي لك .. والدليل في ماراح اكتبه الان ..
.
.
اعتقد كل واحد منكم صار يدور واسطه في الخارجيه بداية من ماقبل المقابله وحتى مابعد المقابله الشخصيه .. مو اعتقد ولكن ( اكيد ) وحطوا في بالكم ان الموضوع يعتمد بعد الله على السلطان .. والسلطان عُرف عنه اخلاقه العاليه وابتسامته الدائمه لكنه انسان ذكي وتعود من كثر مايكلمونه الناس وصار تقريبا الكل يكلمه ومايسوي الا اللي في راسه وهذا يعني ان معظمنا توسط عنده وماراح يمشي الا النظام .. وتاكدت انا بان المسابقة ذي على الاقل ماراح يقبل فيها الا الاحق بالوظيفة والدليل اني رحت شخصياً للامير خالد قبل اسبوعين وقال لي بالحرف الواحد ادري عن مسابقتكم وراح نحسب نتائج الاختبار مع نتائج المقابله . واستنتجت من كلامه ان الاحق راح يقبل . وعشان اكون اكثر شفافيه .. الشخص اللي دخلني عليه مرافق له من 15 سنه وقال لي لما طلعنا من بيت الامير واحنا برا قال الامير اول كان يوظفك فوري والا صارت صعبه . بالاضافه ان الامير ماكان يتدخل في المسابقات ولا حتى السلطان الا في بعض ارقام لابناء السفراء . واكتشفت ايضاً بان هناك ناس في مجلس الامير وممكن هم يقرؤن كلامي وتكلموا معه وقال لهم نفس كلامي . النظام يمشي على الجميع . والمعلومه الاهم في هذا كله اني عرفت ليش كانوا يخفون عدد المقبولين .. والسبب بكل بساطه انهم ينتظرون ميزانية التوظيف المخصصه لوزارة الخارجيه يعني لو كانت قليله بيكون العدد قليل . وهناك نقطه مهمه وهي ان ممكن يكون فيه واسطات بس الواسطه الاقوى هي ( الله ) احرصوا على الدعاء وان ربي ماكتب لكم هالوظيفه والله لو يطلع سعود الفيصل من قبره ويقول وظفوه ماراح تتوظف .. الامل قادم والفرج قريب .. وصدقوني الحظوظ متساويه لكن المكتوب هو اللي بنشوفه ..

وفيه النهايه ابي دعواتكم ف والله ماابخل عليكم باي معلومه تفيدكم لان في النهايه ممكن معلومه مني تكون سبب لقبول اي واحد منكم وانا متفائل بالله سوء قبلت او لا ..

الاخوهـ الأعزاء ..
تحيه طيبه ..
من خلال متابعتي بصمت لكثير من الردود السلبيه والاشاعات التي لا تخدم الجميع وتحبط العزائم ، احببت أن اوضح نقطه بسيطه :
انه ليس فقط المتقدمين على وزارة الخارجيه ينتظرون التعيين بعد الميزانيه
او ليس نحن فقط الذين تم تأجيل تعييننا على الوظائف ..
جميع المتقدمين على جميع قطاعات الدوله تم ايقاف تعيينهم الى أن يتم اعلان الميزانيه ويمكن للجميع التأكد من هذه المعلومه عن طريق الهاشتاق الي وضعوه الاخوه #متضرري_إيقاف_التعيينات
يعني لا احد يجي يفتي من عنده ويقول احنا وقفوا التعيين عشان بس الوظائف شكليه
لان مو بس وزارة الخارجيه وقفوا التعيين الى ان يتم اعلان الميزانيه ..
هذا ما احببت توضيحه وشكرا لكم ..

تفائلوا يا اخوان
فيه اخبار طيبة بدأت تنتشر بخصوص الميزانية، واظن انها صحيحة "والله اعلم"٫ لو تتذكروا قبل كم شهر صندوق النقد الدولي قال انه الإحتياطي النقدي للمملكة يمكنها من مواجهة الأزمات ومنها "أزمة هبوط اسعار النفط" لمدة خمس سنوات. فلا خوف بإذن الله على خطط المملكة التنموية من الإستمرار، المشاريع التجارية والصناعية والخدمية والوظائف ودخل المواطن .... الخ لن يتأثروا بإذن الله..
تابعوا اليوم الخطاب السنوي لخادم الحرمين الشريفين في مجلس الشورى، الخطاب مهم وسيحمل مضامين السياسة الداخلية والخارجية للمملكة للعام القادم.