قمت بزيارة الوزارة ورحت قسم المتعاقدين ويقولون ما جانا شي وما نعرف متى تطلع النتايج وقابلت السلطان وقال خلال أسبوعين ممكن تعلن الأسماء والله أعلم

كفووووو ماقصرت 👍

يعطيك العافية بانتو.
خير الناس انفعهم للناس.


ولو انه اسبوعينهم كالف سنة من اسابيعنا. يمكن! يمقن ايه ويمقن لا

مساء الخير على الجميع ، لا أعلم ما سر تضارب المعلومات هذا ، سبق أن قلت هنا معلومة قالها لي موظف بالوزارة "حرفياً" تبين بعد ذلك أنها خاطئة .. فلا أعلم هل ما قيل لي اليوم صحيح أم خطأ .

اتصلت اليوم على احد التحويلات المذكورة بالإعلان ، وقال لي أنهم في مرحلة الفرز وسينتهون منها بالأيام القادمة ، ثم قال "اذا تبي تشوف اسمك تم فرزه وأنت باقي للحين بالمسابقة أو لا، اتصل على هالتحويلة .. " وبدأت بالإتصال على التحويلة وبدأت معي في نفس الوقت حالة أم الركب ، ولكن لم يرد على الحويلة أحد .
بعدها بساعتين اتصلت مرة آخرى على التحويلة المنشودة ، ورد الموظف وقلت أني أريد أن أعرف هل اسمي باقي ومجتاز للمسابقة أم لم يتم فرزه أم ماذا حل به ؟ ثم صعقني برده ، حيث قال "من قال فرزنا ومن قال فيه وظايف الحين ؟ لا كل شيء متوقف ولا بدينا بشيء " ، قلت أني اخذت تحويلتك من زميلك صاحب التحويلة كذا وكذا وهو قال لي أن عندك الأسماء المفروزه ، رد الموظف الصاعق "لا مافيه شيء للحين وللحين الموضوع في مرحلة الانتظار" .
وتجادلنا بعد ذلك قليلا، ثم سأل عن اسمي ، قلت محمد سعد .. لست محمداً ولا أبي بسعد ، وأعتذر لو كان هناك شخص بهذا الإسم معنا في المسابقة وسيتضرر من ذلك .

هذا ما جرى في آخر ساعة في دوام يوم الخميس ، الذي يفترض أن يكون الموظف فيه في قمة انبساطه ورحابة صدره .

ولا أعلم ما سر هذا التضارب ، وأتمنى التوفيق لي ولكم ..

ياجماعة ملاحظين شي؟
من اول السنة والموظفين ما عندهم غير "أسبوعين"
نتايج الإختبار، كانوا كل شوي يقولولنا بعد أسبوعين
مواعيد المقابلة كان كل اسبوع يطلع لنا واحد يقلنا بعد اسبوعين
ايش قصة الأسبوعين هاذي؟ ماسكة معاهم ليش؟ طب ياخي اعطونا شهرين، سنتين، لكن على الأقل نعرف الوقت اللي ننتظره.

اللي صارلك اخوي "قلب الدفاع" اعتقد "والله أعلم" انه هو االواقع المر اللي حاصل الآن، وبعيد عن التشاؤم او الإحباط، (يبقى الحال على ماهو عليه) انا ما اقول انه الوظيفة ضاعت او نفقد الأمل فيها، لكن الوقت الحالي كل شي متوقف، نظرة واحدة لأخبار الساعة وبتشوفون انه الوضع بالمنطقة متوتر، حرب اليمن، التدخل في سوريا، أسعار البترول.فصبركم يا اخوان حنا بإذن الله بنكون عون مع الدولة ولا نكون عبئ عليها. اسأل الله ان يحفظ بلادنا وبلاد المسلمين من كل شر ومكروه.
علينا بالمتابعة والصبر في نفس الوقت. انصح الشباب اللي ماعندهم وظايف يستغلوا الوقت الآن بأي وظيفة، او دورة لتطوير الذات والمهارات، ولا يعلق نفسه بهذي الوظيفة، اشغل نفسك بعمل او تعليم لين تطلع النتايج.
اتمنى انه استنتاجي هذا يكون خاطئ، وتكون النتايج قريبة، لكن المعطيات المتوفرة الآن تقول انه الوضع "متوقف مؤقتاً"
واشكر الإخوان حقيقة اللي كلفوا على نفسهم بالمراجعة والإتصال والمشاركة في هذا التجمع، الله يجزاهم خير ويجعلها بموازين حسناتهم. قال رسول الله صلى الله عليه وسلم : (أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً.. الحديث)

مادام السلطان هو اللي قال لك فإن شاء الله فيه أمل كبير

يا شباب لديه اقتراح وهو بدء من يوم الأحد لو يروح واحد او اثنين يسألون وكل يوم يروح واحد ثاني عشان يبدأون التحرك وهذا يعود بالإيجابية علينا بحول الله

القصة انه كل المتفقين ع الاقتراح - وانا منهم- فوق الالف كيلو بينه وبين الرياض والوزارة.

انا قاعد على نار هادية كل يوم رسالة خاصة على انستقرام اسامه النقلي. دا اللي اقدر عليه في الوقت الحالي.

ركزو على النار الهادية وباستمرار
كانك بتعمل بيض مسلوق. كل يوم تواصل ولو خفيف مع المسؤولين