المقابلة توقع منها اي شي احتمال جماعية واحتمال شخصية, لو كانت جماعية يمكن كل 4-5 نجلس بطاولة وحدة ونتفاوض وهم يراقبون علينا اثناء الكلام بعد توجيهنا بموضوع معين , ترى الاسلوب هذا منتشر بالمقابلات, اهم شي نبي تعزيز لبعض : ) . اذكر مرة نفس نظام المقابلة سويتها في بنك الخليج في البحرين قبل فترة. وجلست مع مجموعة, واحد الله يسامحه كان ناشب لخلق الله ويقاطع افكارنا, وبعد المقابلة سالته علامك يالحبيب!! شاب فينا ومتحمس!!, قالي هم يبون كذا ياذكي!! شكلي بلعب نفس الدور وبجرب وياحليل الي راح يكون معاي

لسلام عليكم ورحمة الله وبركاته

الف مبروك للي ترشح للمقابله وعقبال اجتيازها بإذن الله

واللي ماترشح عسى ان تكون خِيْره له ويعوضه ربي باللي احسن منها في اقرب وقت يااااارب


شباب احد شيك على طلبه وتغيرت الحاله من موعد الاختبار لشي ثاني بخصوص المقابله !!!
لاني كل ماشيكت لقيتها نفسها بتحديد موعد الاختبار التحريري
وثاني شي اتصلت فيهم اليوم اسالهم عن موعد المقابله
قالي مدري ولا عندي خبر عن موعدها لكن انتظر رساله ع الجوال

للاسف الشخص اللي رد علي اليوم بالقوه يرد علي كني ذابح احد من اهله
فيه واحد دايم يرد على نفس التحويله ابن حلال ياخذ ويعطي ويضحك ورده يريحك لكن ماكتب الله انه يرد علي اليوم
وحاولت اعرف كم العدد النهائي المطلوب لكن ما طلعت منه بنتيجه للاسف كلمه ورد غطاها ما يساعدك تسال ولا تعرف شي وكل رد عنده مدري انتظر رساله..او ماعندنا خبر


الله ييسرها ان كانت خيراً لنا ويصرفها عنا ان كانت شراً لنا

اللهم آمين ياااااارب

الف مبرووك للي طلعت اساميهم >>> معاهم
ما اعتقد في عدد محدد للمقبولين بس اكيد ما حيكون فوق ال٦٠٠ XD

نظام المقابله اعتقد انها حتكون عامه يسالونك ايش تحب وليه اخترت قسمك وفين تفضل تشتغل ويشوفون تفكيرك بالنسبه لبعض المواضيع منها الاختلاط وعملك مع الجنس الاخر طبعا هذا السوال اعتقد انه يسال للطرفين في المقابلات

عموما يشوفون ردودك و طريقة كلامك ولو عندك مشاكل في هذي المواضيع يلغون طلبك

ربك يسهل ويوفق الجميع

الله ييسرها, ياجماعة الخير كل واحد يدخل على السيرة الذاتية بموقع الوزارة, وشيك على بياناتك ومعلومات اتصالك.

اعتقد مواعيد المقابلة في شوال

مستحيل تكون في شعبان او رمضان ...........والعلم عن الله

سبق لمجلس الشورى أن طالب وزارة الخارجية بسعودة الوظائف الديبلوماسية في البعثات الخارجية، وإنهاء العقود المبرمة مع غير السعوديين، ماذا حققتم في ذلك؟ وما مدى استفادتكم من توظيف الخريجين من برنامج خادم الحرمين للابتعاث الخارجي، حتى ولو بشكل جزئي؟

- يسرني في البداية أن أشكر صحيفة «الحياة» على اهتمامها بنشاطات وزارة الخارجية، وكل ما يتعلق بالوطن والمواطن، وأود أن أوضح فيما يتعلق بالوظائف الديبلوماسية أنه لم يسبق أن تم تعيين موظفين غير سعوديين على الوظائف الرسمية، سواء أكانت تلك الوظائف ديبلوماسية أم إدارية، أما بالنسبة للوظائف التعاقدية مع الموظفين غير السعوديين فإن الوزارة والدولة بصفة عامة ولله الحمد، خطت خطوات جبارة في اتجاه توطين هذه الوظائف، ومن ثم تحويلها إلى رسمية، إذ تم وضع خطة تهدف إلى تحقيق ما نسبته 100 في المئة وذلك في بعثات المملكة في الدول العربية، و75 في بعثات المملكة في الدول غير العربية، واقتربنا من هذه النسب لدرجة كبيرة، بل إن بعض بعثات المملكة في الخارج متقدمة في تحقيق هذه النسبة قبل الوقت المحدد لها. أما فيما يتعلق بتوظيف خريجي برنامج خادم الحرمين الشريفين للابتعاث الخارجي، فأود أن أوضح بأن النظام لا يجيز تعيين مواطن على وظيفة يحصل من خلالها على راتب من الدولة وفي نفس الوقت يكون مبتعثاً على برنامج الابتعاث ويحصل على مكافأة شهرية، كما أن من المفترض تفرغ الطلبة للدراسة والتحصيل العلمي، أما من أتموا متطلبات التخرج من البرنامج فيتم الاستفادة منهم من خلال حثهم وتشجيعهم على دخول مسابقات الوظائف الديبلوماسية في وزارة الخارجية وفق التخصصات المناسبة للعمل الديبلوماسي، كما تشارك الوزارة سنوياً في برنامج يوم المهنة الذي تقيمه الملحقيات الثقافية للخريجين في أنحاء العالم وذلك بهدف استقطاب المتميزين منهم.




يعني باذن الله الوظائف هذي راح نترسم عليها لو الله كاتب لنا فيها الخير والتحقنا بركب الخارجية

الترسيم على وظائف إدارية وإلا دبلوماسية ؟؟؟؟؟؟؟؟؟؟؟؟؟؟؟؟ فيه فرق