أولا لاتاخذ بكلامي

لان انا من النوع اللي مايعجبه العجب


اذا انت انسان تقدر تطلع وتعيش خارج السعودية فكر بزوجتك واولادك و وضعهم هل يقدروا

معظم المتقدمين غير متزوجين عشان كذا

احسبها من ناحية اجتماعية

لان لو اسرتك ماتعودت بتتظطر انك تكنسل وتبدا من جديد




الله يوفقنا ويااااك يالغالي لما فيه الخير لنا في الدين والدنيا والمال والاهل

وعليك بصلاة الاستخارة في حال القبول واجتياز المرحلة الأخيرة

صباح الخير اخواني ..

لي مده من وقت تاسيس هالموضوع وانا اتابعكم جميعاً واضفتوا لي الشيء الكثير . اولاً الحمدلله طلع اسمي من المقبولين
ثانياً انا من اكثر الاشخاص اللي راح للوزاره واتصل عليهم لحد ماحفضوا اسمي ههههههه
عرفت معلومات كثيره عن نوعية الوضيفه من بدلات ومميزات والشيء الاهم ان في الخارجيه عندك ميزتين
الاولى : تقدر تكمل دراستك وهذا اهم نقطه
الثانيه : مادياً من ناحية الرواتب .
المقبولين اللي اجتازوا الاختبار حوالي الـ 300 وهذا عدد كبير مقارنه بعدد الوظائف المطلوبه .. حاولت باكثر من طريقه اعرف عدد الوظائف المطلوبه وللاسف ماقدرت ولكن اذكر واحنا في قاعة الاختبار قال احد المتقدمين لموظف الخارجيه ( المتقدمين 1000 والوظائف المطلوبه 30 فقط ) وياخوفي يكون كلامه صحيح لاني كنت متوقع يقبلون جميع المجتازين للاختبار ..

اتصلت على احد اقربائي في الخارجيه وسأل قسم شؤون المتعاقدين وقالوا له احتمال نقبل ال300 ماعداء الشخص " المتنح " هههههه وقصدهم الخبل اللي مايعرف يتكلم او مايعرف كوعه من بوعه .وفي الاساس الرزق من عند الله لان اذا ماانقبلت فيها فهذا رزق لغيرك وانت ربي معك وبيرزقك باذن الله ..

والله يرزقنا جميعاً ونكون زملاء في القريب العاجل

وبالنسبه للي سأل عن الترسيم .. الترسيم في الخارجيه للي وظائفهم تعاقديه وليست على البند اقوله ان الترسيم في الخارجيه بالذات منظم وبشكل مستمر .. اعرف واحد كان على وظيفه تعاقديه وبعد 9 شهور اتصلوا عليه وقالوا ارجع لسعوديه " تم ترسيمك " طبعاً هو كان يدرس الماستر فارسل خطاب للامير خالد بن سعود وشرح له ضروف دراسته فكمل دراسته وتم ترسيمه مع دفعته ، طبعا هو ترسم اداري مو دبلوماسي .. الان التحق بمسابقة الملاحق وصار دبلوماسي
وهذا يجعلنا نفكر بان الحياه تحتاج عزيمه وباذن الله بيكون تكونون في اعلى المراتب في المستقبل

وعلى فكره الوظائف الدبلوماسية في أول سنه أقل من راتب المتعاقد .. لانه يدرس في المعهد الدبلوماسي لمدة 9 اشهر الى سنه ويستلم مكافئه بسيطه ، اما المتعاقد فهو يدرس شهر الى 3 اشهر ويتم تحدد الدوله في الاسبوعين الاخيره ويباشر عمله ..

السلام عليكم

هذا قسم المتعاقدين 0114067777 تحويله رئيس قسم المتعاقدين 4637 انا كلمتهم واخذت منهم بعض المعلومات
انه فيه تامين طبي للموظف وابناءه
التعيين ع حسب دول الاحتياج
الرواتب تختلف من دوله لدوله
تعيين المتعاقدين يأتي بمرسوم ملكي
حسيت اني كثرت الاسئله عليه وانهيت المكالمه
فياليت كل واحد يكلم وياخذ بعض المعلومات المهمه منه

وشكررا لكم

الله يسعدكم وييسر امركم على التوضيح

اخوي فادي للتصحيح عدد المقبولين ٦٢٣ مو ٣٠٠
ثانيا من المتوقع انهم يقبلون عدد مررره كبير مو ٣٠ لانهم يبون يغطون النسبه المطلوبه قبل نهاية ٢٠١٥ والتقديم الوحيد هو هذا التقديم ومراح يقدرون يقبلون بشكل عشوائي زي السنين اللي فاتت لانه على حسب التوجيهات انه لازم يكون في اعلان ومسابقة زي اللي حصل الحين

لكن محد يقدر يديك معلومات اكيده عن الوظائف لانه متحفظ المعلومات بشكل كبير ولا حتى العدد المطلوب ولا اي مميزات

في مميزات معروفه مسبقا
بدل السكن الشهري يبدا من ٣٣٧٥ ريال ويصل الى ١٠١٢٥ ريال للاعزب ومن ٣٧٥٠ ريال حتى ١١٢٥٠ ريال للمتزوج
الراتب كما هو متوقع راح يكون الحد الاعلى في سلم رواتب بند الاجور واللي هو ٨٥٨٠ ريال مع علاوة سنوية ٢٤٥ ريال
بدل تجهيز ويكون راتبان اساسيان يصرف قبل مغادرتك للدوله
بدل تهيؤ راتب اساسي يصرف قبل مغادرتك للدوله
بدل مظهر راتب اساسي يصرف قبل مغادرتك للدوله
ولو صرف لك بدل تمثيل راح تزيد كلا من بدل التهيؤ وبدل التجهيز والمظهر كلا على حدا ببدل التمثيل
بدل التمثيل من ٣٠٦٠ ريال ويصل حتى ٩٤٥٠ ريال على حسب البلد ومؤهلاتك وخبراتك

هذا والله اعلم

بالتوفيق للجميع

اخوي صقر الحروب كلامك صحيح المقبولين 600 وشكرا على التصحيح .. بس ماتلاحظ ان هالعدد اذا كثروا راح ياخذون 100 والدليل ان وظائف الملاحق او مسابقة الملاحق يقبلون 50 بس
وحط في بالك ان حتى لو قالوا ان فيه عجز ومحتاجين موظفين مو معناها راح يقبلون 300 او 400 لان هالعدد مانشوفه الا في الوظائف العسكريه ومثل ماقلت انت هم متحفضين على عدد الوظائف المطلوبه لاني حاولت ورفضوا يقولون لي .. في المجمل الرواتب بتكون مريحه لكن الاهم القبول والله يكتب للجميع القبول ..