متى بيرسلون لنا رسائل (يالمبعوث الرسمي) ، ، واخبارك وكاد وكاد والا تنجيم .. ؟! ههههههههههههه

عاد الصومال ياسلمان ههههههههه
ياعابر سبيل العلوم ياكثر مااسمعها والغريب انك تشوف التناقض في المعلومات من موظف الى موظف الاكيد واللي الجميع اجمع عليه ان المستقبل في الخارجيه ممتاز والبدلات توفرت للمتعاقد عكس اول بس اللي مستغرب منه ان عدد الوظائف المطلوبه مافيه رقم دقيق . اليوم يقولون نفس ماقالوا لي المره اللي فاتت انهم يبون من 350 الى 400 بس ماعطوني رقم دقيق ولو ان مايروح معي قريب لي موظف في الوزاره يمكن مايعطوني معلومات ومتحمليني عشانه .. الشيء اللي حسيته وحتى قاله لي ابن عمي اللي شغال في الوزاره ( ان في بداية طرح هالمسابقه كانو يبون عدد بسيط وبعدين تغيرت الرغبه مع الوزير الجديد بحكم ان الجبير كان سفير ويعرف نسبة السعوده وعشان ممكن وانا اقول ممكن لان هذا مجرد احتمال انهم غيروا خططهم وكثرو العدد )

اخوي يارب يسري امري اذا تبيني اسالك عنه ابشر ..

اخوي ال دواس انا اليوم عندهم وقالوا على اخر الاسبوع او نصف الاسبوع الجاي .. وبالنسبه لصحتها .. وانا اخوك ماتعرف لهم هل هم يصرفوني والا صادقين بس واحنا نخلص في النيه وبنصدقهم
او يمكن طفشتهم من كثر مااروح لهم .. فاضي ولي مده انام بدري واروح اخذ لي فنجال قهوه عند ابن عمي في الوزاره واروح لهم .. الاكيد ان المده اللي فاتت وسبب تاخر الاعلان فيه سبب وممكن هالسبب جاء في صالحنا وفي النهاية التوفيق بيد الله ..

يامال العافيه يافادي ،، اختبار الستيب تتوقعون انه يغني عن اختبار التوفل والا لا!؟ والا لازم اجيب لهم النتيجه

انا يوم قدمت على الوظيفه حطيت اختبار step بدل التوفل لان فيه الدرجة المعادلة للتوفل و مشى وضعي والحمد لله

انا نفس وضعك وعارف انه اختبار الستيب يعادل التوفل
بس خايف بالمقابله يطلبون اختبار التوفل!!

بصراحة اشوف ردودكم يوميا, ما اقول الا الله ينور دروبكم ويسهلها مثل ماتنورونا بالمعلومات, وصدقوني كل معلومة تذكرها هنا سواء من مصدر موثوق او معرفة شخصية لموظف او حتى كلام مسموع, يدل على شي واحد, اننا متعاونين ونحب نخدم بعض, وهذ الصح

الله ييسهلها علي الجميع ,,, الحمدلله اغلب الكلام مشجع وتشكرون عليه جميعا,,,

الخووف فقط من الدول الي بيحددونها ناس كثير تقول مالك الا افريقيا ..

بالنسبه لي كنت طالب مبتعث تخصص اداره نظم معلومات ,,ماهي الفرص المستقبيليه للوظيفه هذي للي عنده خبره او رأي

يعني هل تسوي انه الواحد يترك الوظائف الي في البلد ويسافر علي وظيفه تعاقديه خصوصا للاشخاص الي علي وجه وزاج ,,

ياليت تشاركوني لاني صراحه محتار ومتخوف
وفي نقس الوقت متحمس للتجربه

ياليت تشاركوني لاني صراحه محتار ومتخوف
وفي نقس الوقت متحمس للتجربه

هههههههههههه بصراحة بعد ماقريت كلامك, كتبت ومسحت 55 مرة, ماعرفت كيف افيدك, على العموم يالغالي توكل بالله وخذها حتى لو تكون فترة بسيطة من باب الخبرة, والزواج ماشوف اي مشكلة انك تستقر بمكان عملك, وجهة نظري الشخصية, ومتأكد ان الوظيفة مافيها استقرار في بلد معين حسب ماسمعت, والله ييسرها لنا ولك ولا تتخوف ولاشي, وبالعكس فرحت يوم شفت تخصصك لانه قريب من تخصصي وبالنفس القسم الاساسي, سجل عندك واحد معاه IT ماجستير مبتعث, وتنازلت بالتقديم عن الماجستير وقدمت البكالوريوس لعيون الوظيفة.

الله لايهينك اخوي فادي اذا لك معرفه ما نستغني عن خدماتك شوف لي الرجال .. المشكله مايرد ع تحويلته ولا ادري وش ماسك ووشهو من رجال !!

انا اعرف

عمر البنيان / قنصل عام في هونج كونج

اذا يصيرون لبعض ؛ عين من الله خير