السلام عليكم يااخوان ارجو ممن لديه اي معلومه عن موعد المقابلات ان يفيدنا.
لاني خارج المملكه والى الان لم تصلني رساله بموعد المقابله

وعليكم السلام
الشباب خلصو المقابلات يوم الاربعاء والخميس الماضي وبتوفيق للجميع

مساء الخير اخواني ..
بما اننا ننتظر ولا شيء نقدر نسويه غير الانتظار . من امس وانا ادخل مواضيع تجمع المتقدمين على وظائف وزارة الخارجية السابقه في منتدى حلول البطاله وادقق في التواريخ اكتشفت ان الوزاره تتاخر كثير جداً والكل متاذي من هالشيء .. دخلت على موضوع للمتقدمين على وظائف وزارة الخارجية الملاحق .. التقديم بدء في تاريخ 12 / 1 / 2015 واعلنت نتائج المقبولين المجتازين للاختيار في تاريخ 9 / 8 / 2015 وحط عليها 3 اشهر عشان تنتهي المقابلات يعني صار لهم ( سنه وشهر ) حتى باشروا ..
احنا سوينا اللي علينا وكل شيء بيد الله . بالنسبه لي رحت للوزارة 8 مرات وكلمناهم كلنا اكثر من 100 مره وننتظر الفرج . وحطوا في بالكم بان ممكن اي واحد فينا ماينقبل عشان كذا لاتوقفون على هالوظيفه عشان ماتنصدم بعد النتائج وهذي نصيحة اخ .. وبالنسبه لكلام الاخوان اللي يقولون مافيه مقابلات وانهم وظفوا جماعتهم من تحت الطاوله اقوله كلامك مو صحيح وياليت ماتحطموا معنوياتنا لاني لما قريت كلامهم رحت للوزاره امس الاربعاء وقالوا المقابلات قريباً هاليومين وقالها لي الموظف ان حتى الموظفين انفسهم مايعرفون مواعيد المقابلات . وبالنسبه لانتظار الميزانيه الجديده قال لي بان وظائف المتعاقدين مشموله بميزانية السنه اللي فاتت .. يعني تطمنوا وان شاء الله خير
وحطوا في بالكم ان المسابقات اللي قبلنا اخذوا وقت سنه
ادعوا ربكم واكثروا من الاستغفار والله يسهل امر الجميع

فديت راسك يا فادي ولا يهونون الربع الباقين ماعدا اصحاب الإشاعات فأقول لهم قل خير أو أصمت.

انت ماقصرت ابددددد والحق ينقال عنيت على نفسك و طلعت ونزلت وسألت واتصلت وشاركت وبيض الله وجهك وجزاك عنا خير الجزاء ..... فأبشر بالخير لحسن نيتك ولا نزكي على الله احد ولكن ما شهدنا الا بما علمنا..... والله ييسر لنا ولك