ياجماعة حملت برنامج حساب النقاط
وموجود خانه للدرجة الكلية في الحساب ولايوجد للتخصص

مع العلم ان درجتي في التخصص مكتوب على موقع قياس درجة التخصص
اما درجة العام مكتوب الدرجة الكليه !!
بدخل السنة ذي التخصص لرفع الدرجة اذا ماهي داخله في حساب التقاط بكتفي بدرجة العام الماضي دام اجتزت

الي بعرف ياليت يفيدنا

الدرجة الكلية هل تتغير لو جبت درجة اعلى بالتخصص مع انها ماتغيرت حتى قبل صدور درجة التخصص

درجة اختبار الكفايات { قياس } اكيد عنصر من عناصر المفاضله
اختبار كفايات 40 درجه
المعدل 40 درجه
اقدمية التخرج 20 درجه

انت اصلا باي عام كان اختبارك واي دفعه
لان اللي اختبروا عام 34 الدفعة الاولى والثانية والثالثة كلهم كان اختبارهم مع بعض في وقت واحد التخصص والعام وهذولا تحسب لهم الدرجة الكلية فقط لانها مجموعة مع بعض
اما اللي اختبروا الدفعة الرابعة ومابعدها فالاختبار مكون من جزئين وكل جزء يقام في يوم مختلف عن الجزء الثاني
وبالخانة في حساب النقاط تكتب العام والتخصص
مع انهم بموقعهم كاتبين عند درجة العام الدرجة الكلية وهذا خطا من موقعهم من السنة اللي راحت والى الان ماتداركوها

اتمنى تكون فهمت علي

سؤالك الاخير برضو يعتمد على اي نوع اختبرت
اذا كان اختبارك كله مع بعض العام والتخصص بدفتر واحد وبنفس الوقت ؟
هنا اذا رغبت بتحسين درجة التخصص فقط يجبرونك تعيد الاختبار كله العام والتخصص لان النظام تغير وسار كل اختبار لحاله عشان يسهلوا لكل من يبي يحسن درجته او يعيد الحزؤ اللي لم يجتاز فيه سواء تخصص او عام


اما اذا كان اختبارك في كفايات من جزئين منفصلين عن بعض وكل جزؤ في يوم مختلف هنا اقولك تقدر تسجل في اختبار التخصص وتحسن درجتك فيه دون الحاجة للتسجيل في العام