11-01-2015, 02:07 PM
|
عضو نشيط
|
|
تاريخ التسجيل: Feb 2009
المشاركات: 151
معدل تقييم المستوى: 33
|
|
|
هل طلبت الكثير؟؟
سنين
أقسم بالله سنين أشتغل في ذي المصلحه
الين الحين مارسموني اشتغل مؤقت
ينادوني بعض الاحيان اشتغل شهر شهرين ثم اطلع ويعطوني راتب الشهرين بعد حوالي اسبوعين
المشكله اقاربي يشتغلون هناك ولا قدروا يسوون شي
وش اسوي علشان اشتغل في ذي المصلحه ؟
انا متخرج معي شهاده دبلوم فندقية
اشتغلت في فندق 4 سنين خلاص ماعاد ابي اشتغل فنادق لاني احيانا اوصل ساعات العمل لأكثر من 12 ساعه في اليوم و7 ايام عمل اسبوع لانه كان يتكنسل اليوم الاجازه بسبب قللة الموظفين
أنا انسان ما اسوق
ما عندي سياره
ماعندي فلوس اصلا اشتري سياره
ولا اعرف اسوق
المصلحه الحكوميه قريبه اقدر اروح بالباص خط البلده اللي بريالين يعني اذا اشتغلت فيها خلاص وضعي بيصير كويس مره
انا انسان تعبت
انذلليت ذل مب طبيعي
قد سمعتم عن انسان سعودي شهرين من دون ولا ريال ؟ ايه والله العظيم ان فيه شهرين عشتها من دون ولا ريال قاعد كذا طفران اخذ بقايا عشى من اخواني ويشترولي بعض الاحيان رحمه وشفقه بس الى متى ؟ والله عيب
انا قبل ما اقعد اسألكم ... تراني حاولت وطلعت واخواني حاولوا يساعدوني اشتغل فيها بس ياخي رافضين رفض مب طبيعي
انا بغيت حتى سيكيورتي في نفس المصلحه ... وحتى اذا راتبها 2000 .. المهم عمل حكومي .. لان اذا اشتغلت عمل اهلي بأنفصل
انا انسان عندي مشكلة الوزن ... واذا الناس شافوني سمين يقولون لي ان الخير عندي واجد؟؟؟
لا خطأ انا سمين لاني كل يوم ما اكل الا ليز حجم كبير بخمسه ريال .. انا احط ميزانيه لنفسي خمسه ريال كل يوم .. وذي الخمسه تشبعني اشتري ليز بطاطس ابو خمسه او شيتوس وهذا اللي خلاني اسمن ما اقدر اكل صحي
كل ما ساعدوني اخواني اشتغل في المصلحه واذا (( اخييييرااااا )) اشتغلت اشتغل مؤقت ثم انفصل بعد شهرين
انا ابي اشتغل في ذي المصحله
ما ابي شي ثاني
هل لازم اجيب ورقه من امير شي ؟
هل احد عنده مساعده ؟؟
تراني وضعي سيء 6 سنين
4 سنين راحت هباء وسنتين احاول اشتغل رسمي في المصلحه
احد عنده مساعده والا حل ؟؟
ووش اسوي ؟ علشان اشتغل فيها ؟
|
العرض الشجري
