عن أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال:
( تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ )
مُتّفَقٌ عَلَيْه


الحسب : هو الفعل الجميل للرجل وآبائه. وقد فسر الحسب بالمال في الحديث الذي أخرجه الترمذي وحسنه من حديث سمرة مرفوعاً: "الحسب المال؛ والكرم التقوى".

إلا أنه لا يراد به المال في حديث الباب لذكره بجنبه فالمراد فيه المعنى الأول.



قوله: "تربت يداك" أي التصقت بالتراب من الفقر وهذه الكلمة خارجة مخرج ما يعتاده الناس في المخاطبات لا أنه صَلّى الله عَلَيْهِ وَسَلّم قصد بها الدعاء.



قال الشيخ ابن عثيمين رحمه الله :

فالمراة التي ينبغي نكاحها هي التي يتحقق فيها استكمال هذين الغرضين و هي التي اتصفت بالجمال الحسي و المعنوي.

فالجمال الحسي: كمال الخلقة لان المرأة كلما كانت جميلة المنظر عذبة المنطق قرت العين بالنظر إليها و أصغت الإذن إلي منطقها فينفتح إليها القلب و ينشرح إليها الصدر و تسكن إليها النفس و يتحقق فيها قوله تعالى:
( ومن آياته أن خلق لكم من أنفسكم أزواجا لتسكنوا إليها و جعل بينكم مودة و رحمة) الروم-21


الجمال المعنوي: كمال الدين و الخلق فكلما كانت المرأة أدين و أكمل خلقا كانت أحب إلي النفس و اسلم عاقبة فالمراة ذات الدين قائمة بأمر الله حافظة لحقوق زوجها و فراشه و أولاده و ماله، معينه له على طاعة الله تعالى، إن ذكرته و أن تثاقل نشطته و أن غضب أرضته و المرأة الأدبية تتودد إلي زوجها و تحترمه و لا تتأخر عن شئ يحب أن تتقدم فيه و لا تتقدم في شئ يحب أن تتأخر فيه و لقد سئل النبي صلي الله عليه وسلم أي النساء خير؟ قال:
(( التي تسره إذا نظر و تطيعه إذا أمر و لا تخالفه في نفسها و لا ماله بما يكره)
رواه أحمد والنسائي .

وقال صلي الله عليه وسلم: (
( تزوجوا الودود الولود فاني مكاثر بكم الأنبياء، أو قال: الأمم)) - رواه أبو داود والنسائي-

فان أمكن تحصيل امرأة يتحقق فيها جمال المنظر و جمال الباطن فهذا هو الكمال و السعادة بتوفيق الله.أ.هـ من كتاب الزواج

اقول لا ترفعون راسكم فوق تنكسر رقابكم وين الوظايف الحين هههههههههه خلونا بس نتوظف وبعدين نفكر
شكرا بريبيكان تفاح على هذا الموضوع الجميل

الجمـــــــــااال جمــــــــــــــال الرووووح وانا أخووك
لاكن أكيد ماافية زي بناات ابو متعب هع هع هع <<
دمتم بكل الود
تحياتي خالد الشفاء

الله يحفظهم ويسترهم ويبعد كل من أراد بهم شر أوإساءة.......

صدق ما قلتوا ..بنات السعوديه كلهم فيهم الجمال الرباني... بس شبابنا ولله الحمد دلوخ
يقولون ما فيه احلى من اللبنانيات"" "" انتوا شوفها اول ما تقوم من النوم واحكموا بعدين..
وبخصوص جامعة الملك سعود للبنات "" والله العظيم انهم كلهم مزيونات وعندهم نظافه على مستوى الجامعات الاخرى وعندهم حس الأناقه حتى يحبون كل شيء جديد ..
(( خلاص قررت اشتغل خطابه الحين مين يشتغل معي)) تهي تهي تهي

بس فيه عيب في جامعتنا والعميدة ساكته على هذا العيب او بالأصح مطنشه""
اقولكم هذا العيب؟؟؟
طبعا يوم من الايام كنت رايحه احضر محاضرة وصديقاتي سبقوني على المحاضرة
((بالله هذولا صديقات ))..نرجع لمحور الحديث .. ودخلت المحاضرة وما فيه كراسي ابد ابد غير واحد بالكورنر (( الزاويه)) وانا كنت نص نايمه يعني العيون مقفله لانها محاضرة الساعه ثمانيه المهم اختكم ضاربه مدحدرة للكرسي.. وجلست وكانت جنبي وحده قصدي (( كان جنبي واحد)) انا ارتعت وفتحت العيون وقلت يابنت عسى ما تكونين رايحه جامعه الأولاد الي بالدرعيه...
طبعا قلت في نفسي اكيد انهم تاثروا من الاجانب وقالوا ليش ما نجمع الجنسين مع بعض ونرتاح (( قلت في نفسي اعوذ بالله)).. واختكم ضاربه شوي وتلبس النقاب والعبايه

طبعا كنت اناظر فيها وانا مفهيه ""قالتلي هاي فيه شيء (( بصوت خشن))
قلت انا "" لا بس العين بحر..
قلت لها وراء ياختي راسمه كعبي على فيسكــ (( مسويه الاخت سوالف ماادري صح على كلمه سوالف))
المهم قامت تضحكــ بصوت مرتفع..(( لااله الآالله كنه صوت اخوي ...))
قلت لهاممكن سؤال؟؟ قالت تفضلي يالحبيبه
قلتلها؟؟ من لعب عليك وقالك انك حلوة الحين..
قالت الجميع يشهدلي بذلكــ قلت انا "" لاوالله السذابات والمجاملات هي اللي قلبت شكلك من بنت لطيفه اللي ولد متوحش..
قلتلها اش تستفيدين من هذا اللوك.. قالت الكل يضرب لي مية حساب ..قلتلها الا يبيلك ميه يضربونك بالنعال الحين...
قلتلها اخر سؤال وخلاص.. قالت وش تبين .طبعا قفلت اخلاقها مني ..المهم
اهلك راضين على هذا المنظر ..(( قالت .. ايوة وعادي ))
قلتلها برضو سؤال اخير .. اذا رحتي للزواجات ايش تسوين .. قالت اركب ((باروكه))
قلت .ليش.
قالت .. ايش راح يقولون الناس علي..
قلتلها سبحان الله انتي تعرفين انه خطاء وتسوينه ورضيتي الناس ولاارضيتي الله ..
المهم الدكتورة خزرتني بعين حاااااااااااااارة ..( لأني متاخرة واقرر بعد)) وصرت انا وهي نكتب على الورق..
قالت .. والله العظيم حبيتكــ قلت لها .. حبتكــ القرادة (( لاتحبيني ولا احبكــ))
المهم طول المحاضرة واحنا نقرق ليييييين ضربت الدكتورة يدها على الطاوله ..
وقالت افلانه(( انا طبعا)) اطلعي برى .. عاد اختكم طلعت وهي تبتسم هههههههههه
وما حسيت الا وهي طالعه البنت معي .. قلتلها ليش..
قالت .. انا بعد كنت اتكلم معاكــ (( والله ان البنات فيهم خير بس الشيطان يزلهم))
وصارت البوي هذي صديقتي وطبعا كانت دافورة حيييييييييل ربي يبتلي عبادة..
المهم صديقاتي كملوا الباقي ونصحوها وصارت الحين لااله الاالله روعه ومزيونه حيل
وكل البنات يحبون يجلسون معاها...(( اعرف اني المفروض اطلع لي كتاب من كثر ذي القرقرة بس حبيت اعلمكم كيف حال البنات الحين وصار هذا الامر بكثرة وحتي يتباهون فيما بينهم..وصارت البنت تقص شعرها على رقم اربعه يعني لو صفر ارحم.....
وحتى لبسهم والله لبس عيال ))
نصيحه لكل بنت تتشبه بالرجال ((يابنات حواء"" ربي اراد لكم هذا الحال فلماذا التغير من حال الى حال.. كفايه معاصي وتكبر على الخالق.. فعودي الي نفسكــ واستشعري عظمه الخالق))
طبعا هذا الكلام مو شامل على جامعه الملك سعود حتي بنات في كليات اخرى ومناطق اخرى يفعلون هكذا.. وانا اقول ليس كل البنات انما القله......وارجوا من الله العظيم ان يهديهم اجمعين...
ويابربيكان بالتفاح يسلمك ربي على هذا الطرح الجيد"

المفروض يعطونكـــ الوسام الذهبي على مواضيعكـــ
واسفه على الاطاله بس حبيت اوصلكم حال البنات وطريقه التفكير واتمنى من الجميع ان ينصحون الفتاة التي تتشبه بالاولاد ..وشكرآآ للجميع

.............. بدءً... احب اشكـــر الاخ العزيز (( بربيكان تفاح)) على طرح الموضوع وليس بغريب نجد هذا الطرح من انامل تعودنا منها الكتابات الرائعه والمتميزهـ...
وفقكـ الله وأسعـــــدكـ..

فبما اني فتاة سعوديه ومن نجد خاصه سعدت كثير عندما قرات الموضوع ونظرت ان الجميع يثني علينا بالجمال...

... فعلا البنات السعوديات يتميز بجمال رباني سبحان الله ..انا عاشرة الكثير منهن سبحان الله ودائما اردد((( الله يعين الامهات والخوات اللي عندهن شباب كثارين صراحه بيتعبن )))

.....

اخـــتي.....ضاربه فيوزهااا
صراحه مت ضحك على موقفك يوم تجلسين ونصك نوم
تمنيت اني شايفتك بس ويني وينك..
فاما عن البنات الحمدلله عندنا بجامعة القصيم ماقد شفت يمكن انا من النوع اللي ماابحلق اقصد اصير كذا>>>((اناظر واتمقل))
بس عموما مافي شي علني وانا سمعت عن الجامعات بالرياض والشرقيه من قريباتي بس تدرين ماافي مكان خالي ان كان فيه خير راح يكون فيه شر ...
اعاذنا واياكم من كل شرر
.....

نهايةً ... اعيد شكري للاخ بربيكان....

واقول..
الله الله كثروا من هالمواضيع
حتى تزيدنا ثقتنا وتصير الحلى احلى خخخخخخخ:o


،،،،،،،،،،،،، تقبل مروري
،،،،،،،،،،،،،ودُمت كـ اتساع الســماء

اااااااااااااااااااااااااه
قلبي وجعني
والله والله والله الجمال العربي مافي زيه مثله مثل الجمال الأسباني
والشي الأهم فأظفر بذات الدين تربت يداك
اللهم أصلح بنات المسلمين وأجعلهم بنات تقاة يخافونك ياالله
لأن بعض البنات الجميلات يستغلوا جمالهم في مأرب أخرى
وأهمها حرق قلوب الشباب بالفتنه
ااااااااااااااااااااه