المشاركة الأصلية كتبت بواسطة سعودي ثقة

لا بالعكس في خدمة الجميع لأني كنت في يوم مثلكم ولا لقيت اللي يعطيني أي نصيحة أو معلومة

بالنسبة للدوام في المعهد الدبلوماسي أول شهرين اللي هي فترة الإعداد العام كانت من 8 إلى آذان الظهر

و بالنسبة للشهرين اللي بعدها كان أول شهر فيها لغة من الساعة 8 إلى آذان الظهر و كان فيه في نفس الشهر دورة كومبيوتر ( شهادة كامبريدج ) في نفس المعهد و كانوا مقسّمينا إلى مجموعتين , المجموعة الأولى من الساعة 1 إلى 3 و المجموعة الثانية من 6 إلى 8 العشاء

أما الشهر الثاني من دورة اللغة رجعنا من 8 إلى آذان الظهر

أتمنى يكون شرحي واضح و مافيه لخبطة , إذا فيه لخبطة اسألوني

المشاركة الأصلية كتبت بواسطة نتصيد فرص

لا بالنسبة لي واضح جداً

والدوام يومياً والا فيه اوف؟
ومدري عندك خبر اذا البنات هالسنة بعد دراستهم في جامعة الفيصل والا وين؟

اتوقع ختمت استفسارات البنات ماعاد فيه شي يسألون عنه

المشاركة الأصلية كتبت بواسطة سعودي ثقة

ههههه لا عادي في خدمة الجميع أنا و خذي راحتك و أنا أخوك

الدوام يوميًا ما عدا الويكند طبعًا , و بالنسبة لجامعة الفيصل ما أتوقع أي تغيير يطرأ لأن مافي شيء استجدّ

قبل دراسة اللغة في الفيصل تآخذوا كم يوم إجازة ( غالبًا أسبوع )

كمان تآخذوا من 2 ذي الحجة تقريبًا إجازة و ترجعوا مع بداية دراسة الطلاب ( رجعنا احنا في 16 ذي الحجة ) .

المشاركة الأصلية كتبت بواسطة نتصيد فرص

احنا للآن في انتظار نتائج القبول ومدري بصراحة كم المدة بين اعلان النتائج وبداية الدورة
بالاضافة الى انو اخر مسابقة للنساء كان عدد المقبولات 10 فقط للملحق الدبلوماسي
مقارنة ب 40 للرجال ماشاالله

وقريت من كذا شخص ان راتب الملحق الدبلوماسي في الداخل لا يتجاوز 5500!!

معلومات محبطة لكن متفائلين بالله خير
ويعطيك ألف عافية ماقصرت

المشاركة الأصلية كتبت بواسطة سعودي ثقة

تفائلي خير , كان إحساسي قبل القبول نفس الشيء و لكن جات بدون واسطة

فعلاً الرواتب تبدأ بـ 5755 ريال ( المبلغ اللي ينزل بالصرّاف ) لكن الشيء اللي يدعو للتفاؤل إن العمل أغلبه بيكون خارج المملكة و هناك الرواتب تختلف جذريًا

بالنسبة للوقت الشكوى لله نفس الشيء كل عام , لكن خلي الوالدة تدعي لك و بإذن الله تتيسّر أمورك و الله يكتب لك الخيرة أيًا كانت .

المشاركة الأصلية كتبت بواسطة نتصيد فرص

اللهم آمييين الله كريم يرزق الجميع
ماقصرت الله يعطيك العافية ولك من دعواتنا نصيب بإذن الله

بالتوفيق للجميع

المشاركة الأصلية كتبت بواسطة سعودي ثقة

الله يعافيك أختي , القبول الرسمي ما يجي إلا مع التعيين و لكن إذا كنتي تقصدي القبول في الدورة التأهيلية فكلامك صحيح

لا تخصصي مو إنجليزي و لكن الزملاء اللي تخصصهم إنجليزي قالوا إن جتهم الإثنين , ترجمة نص و أغلب مجالات الإنجليزي

بالنسبة للإختبارات المطلوب بس مراجعة الأخبار السياسية في العالم فترة ما قبل الإختبار و التركيز على الأخبار المتعلقة بعلاقة المملكة مع الدول الأخرى ( مثلا مين آخر رئيس زار المملكة , وش آخر دولة زارها وزير الخارجية .. و من هالقبيل ) و مراجعة المعلومات اللي تتعلق بتخصصك بشكل عام , أهم نصيحة خليكم ريلاكس و الأمور جدًا سهالات بس ثقوا بالله ثم بأنفسكم .

أي شيء مو واضح أو استفسار آخر أنا تحت أمركم .

المشاركة الأصلية كتبت بواسطة جامعيه متفائله

الله يعطيك العافيه ويرزقك من حيث تحتسب ولا تحتسب ويبشرك بما يسرك ويكف عنك مايضرك

ماشاء الله جدا متعاون وأفادتني أجوبتك سواء على أسئلتي أو أسئلة باقي الأعضاء

شكرا جزيلا