اخواني وخواتي وش رايكم فيه شخص يقول عطيني 10الف واوظفك في جامعة نوره يقولي 5000الف مقدم وخمسه بعد المباشره وانا مااعرف الشخص هذا عطتني رقمه وحده في مستشفى واجهتها
وتكلمنا في الوظائف وقالت انا متوظفه عن طريقه وش رايكم عطوني ارائكم وخبراتكم
اتوكل على الله واعطيه والا كيف محتاره

ماانصحك
توظفي بالطرق المشروعه واحفظي دراهمك

غالبا هو شخص مو ثقة ولا مريح طالما ماتعرفينه ولا تعرفين البنت إلا بالصدفة
والنصابــين كثار ويستغلون حاجة الناس للوظائف
لو كان صادق كان وظّف اقاربه واللي حوله مو ماخذها تجارة

هل ترضين بداية رزقك يكون حرام ؟

لكل انسان قناعه لو انا بمكانك ماسويها .

لو كان شخص مهم وله مركز وش يبي بحمع الفلوس من الناس
والله الموضوع محير
استخيري واطلبي منه ضمانات واعرفي هل عنده صلاحيات وهل يقدر يفيدك او لا
وبالتوفيق

الله يجزاكم خير على المشوره طلبت الضمانات يقول انا رجال ثقه واسئلي اي احد عن ابو راشد يعرفني والله اعلم

توكلي على الله وحولي له مبلغ 5000 ريال بشرط يكون ع حسابه البنكي
عشان لولا قدر الله طلع نصاب ترفعين عليه دعوى بالمحكمة لرد المبلغ
بعض اللي بيدهم التوظيف يستغلون الفرصة في التوظيف في استلام مبلغ معين من كل شخص يتوظف عن طريقهم ويكسب من وراهم يعني لو وظف 10 من أقاربه ماراح يستفيد بينما لو وظف 10 بمبلغ 10 الاف يصير في حسابه 100000 ريال

اذا الخمسة الاف ماتضرك كثير انصحك تدخلين هذي المغامرة والله يرزقك الوظيفة

لا تخلين بداية رزقك بشيء حرام
وتذكري من ترك شيء لله عوضه الله خيراً منه
لو مكانك اشتكيه او اعطي رقمه الهيئه

الله يغنيك بحلاله عن حرامه ومن فضله عن من سواه