مسآء النور

اخي العالي الجميع هنا استفاد

اقل ما يستفيدة المتابع للقسم هذا خاصة الخبرة
خبرة المشاريع , قصص التجار الموضوعة هنا
اي موضوع تقرآه ان لم يكن هناك فائدة فثق تمام الثقة ان ليس هناك ما تخسرة
فأنا وانت والجميع هنا لم يسمع بها من قبل ولم يفكر فيها ابدا

ولاكن هذا المنتدى لي اتابعة 3 سنوات استفدت خبرة كبيرة كبيره جدا لو لم اعرفة
لكنت الأن افكر بافكار مسبوقة مثل : مغسلة , بقالة , بوفية ...

ولاكن مه هذا المنتدى توسعت نظرتي من مشاريع الكترونية ومشاريع واقعية الخ ...

مع العلم / المنتدى مو منتداي عشان ادافع عنة لاكن الحق حق ..


وشكرآ ..

ياصاحب الموضوع
لدي فكره مشروع تكلف الف ريال بس
اعمل عليها الآن وارباحها مستمره على مدى سنوات طويله
بااذن الله
مارئيك
وعن المنتدى كيف استفدت منه
بصراحه المنتدى وجهه خير علي
وشكراً على الموضوع

الحمدلله استفدت كثيرا من هذا الموقع الرائع

على فكرة ليس مهم فقط ان تستفيد فائدة بشكل مباشر

انت خلال تصفحك للمواضيع والاطلاع على الخبرات المتعددة تتراكم الخبرات لديك وتغذي عقلك الباطن دون ان تدرك

زرقاء اليمامه وش المشروع الي يكلف الف ريال بس ?

اضيف صوني للاخوان ان ماكانت فائده مباشره
تكفي المام ك افكار عديده قد تفيده بيوم من الايام..

القسم فيه خبرات وافكار متنوعة نستفيد من تجارب الاخرين واقتراحاتهم سواء سلبية او ايجابية


لكن المنتدى ينقصه الكثير من الناحية القانونية والاخوان والاخوات اللي عندهم خبره مقصرين من هذه الناحيه

يعني الكل هنا يبي يفتح مشروع او يبدأ مشروع من المنزل وش القوانين والاجراءات والتراخيص الخ اللي لازم يتبعها ومايتجاوزها . اللي يبي يفتح كشك مثلا مو بس تنصحونه من الناحيه التسويقية والتشغيليه لازم ايضا من الناحية القانونية وش يحتاج وكيف يجهز اوراقة والمطلوب وكيف يبتعد عن الممنوع والمخالفات الخ

كل مشروع له اجراءات قانونية ورسمية , الاغلبية مايعرفون عنها شي
مثال اللي يبي يفتح مشروع خدمي لازم يجهز عقود بينه وبين الزباين هذه نقطة مهمه مايعرفها الاغلبيه كيف يجهزها ووين وكم تكلفه ؟
مشروع المطعم مثلا وش يحتاج تراخيص واجراءات وكم تاخذ وقت ؟
الجمارك والاستيراد وش نظامهم وكيف الطريقة ووش يحتاج؟
العمالة ومايخصهم
اللي مشروعه تعثر وش يسوي , اللي يحتاج سيوله كيف يتصرف
كيف تختار موقع مناسب لمشروعك
الايجارات وعقودها
امور كثيرة وهذه امثله لها فقط

طرح الافكار الجديدة فقط غير مفيد, وتكرار الافكار التسويقية وافكار المشاريع لوحدة لايكفي
لانريد الاكتفاء بمناقشة الافكار بل نهتم بالعمل ايضا

اللي يقول مشروعه نجح يوضح لنا وش سبب نجاحه
واللي يقول مشروعه فشل يوضح لنا وش سبب فشله
والله الموفق

بالنسبة لي
استفدت منه امور كثير منها وسع مداركي بالتجارة ومعارف بعض الاحيان تقفل معك بشغلة بمشروعك تسال الاخوان ويجيلك الى يفيدك

يا اخي موضوع دماغ هذا بحد ذاته كله تجارب مفيدة جدا ولا يهنون الشباب

على المستوى المعرفي وسع مداركي بالاستفادة من معلومات وتجارب الاعضاء
على المستوى النفسي ريحني كنت في بداياتي اشعر بشيء من الاحباط مع اي تعثر واذا دخلت وقرأت قصص الاعضاء كيف تعثروا ثم وقفوا على رجليهم تشجعت وراجعت اموري واستمريت

على المستوى المادي استفدت كان عندي فرص تناسب اخرين وعند غيري فرص تناسبني وحصل تبادل منافع تجارية بيننا بفضل الله ثم هالمنتدى ولو كان دوره غير مباشر

المعلومات اللي تقرأها وتظن انها غير مفيدة مو صحيح يمكن ما تفيدك في لحظتها لكن في قادم الايام تحصل معك نفس الظروف ا فتحتاجها وتجدها معرفة متراكمة في ذهنك

ومثل ما ذكر الاخ قبلي موضوع العضوو دماغ جزاه الله خير مليان تجارب وافكار وحلول وغيره اعضاء كثير

اللي اقوله جزى الله صاحب هالموقع خير الجزاء وبلغه ما يحب في الدارين

رغم أني لم أستطع بدء مشروعي لظروف يعلمها الله سبحانه
لكن بالفعل كثير من المواضيع تفيد و تفتح ذهن الواحد علی أمور ما كان يفكر فيها من قبل