بسم الله الرحمن الرحيم

السلام عليكم ورحمه الله وبركاته ،،،

اخواني اعضاء وضيوف منتدى البطالة
انا عندي يوم السبت مقابلة في شركة الكهرباء السعودية في فرعها الي بطريق الخبر الدمام
المهم ابي من عنده خلفية عن المقابلة الي بشركة الكهرباء يزودنا
والي عنده خبره بالمقابلات ينورنا والي عنده نصيحة يخبرنا
والي يدعي لنا بظهر الغيب الله يجزية بحسنات اكثر في هذا الشهر الفضيل

تكفون هذي فرصة عمر والفرص غالبا ما تكون نادرة بالحياة

وجزاكم الله الف خير وجعلنا واياكم من عتقاءه من النار في هذا الشهر الفضيل

اخوكم ضيف الله العمري

طيب انت اختبرت ولا لا؟

انا اختبرت مقابله ما كان فيها اي اسئله بس قاعد يحطمني ويقول وش تبي بالكهرباء غثى وحر ورواتبها شويه ومن هالكلام قلت له ما فيه شئ قبلنا على شان نروح له واخر امالنا الكهرباء وقال خلاص رح وتلقى النتيجه بعد صلاه العشاء هذا الكلام كان قبل ثلاث اسابيع تقريبا ارجوا الدعاء لي بالقبول في الكليه البحريه .....

انا اختبرث فيها مقابله شخصية قبل اربع سنوات

سئلني عن اسمي ومن وين وهواياتك
ثم قال تقدر تسئل خويك اللي قدامك سؤال عن مدينة ابها باللغة الانجليزية

سئلت زميلي لان المقابله يدخل ثنين ثنين
بعدها قال بالتوفيق
والله يوفقك ويكتب لك الخير

لا ما اختبرت فيها