السلام عليكم ورحمه الله وبركاته

اسعد الله مسائكم وصباحكم بكل خير

انا كثير دخلت القسم وكثير نزلت مواضيع استفسارات بمعرفي القديم الذي نسيت كلمة المرور

والحمدلله انا الان اتممت مشروعي وبدات مرحله الكفاح بعد الدعم

في البداية قدمت على ريادة في موقعهم شهر 11 / 1434 وتم قبولي للمقابله شهر 12

ورحت لهم وكانت المقابله متعبه شوي مع اربع استاذات وحاولو انهم يشتتو فكرة مشروعي

وكنت منتبه لهم وحاولو يحبطوني ويقدمو لي المشاكل المتوقعه الا اني ولله الحمد

قدرت اني ارد عليهم بردود منطقيه اسكتتهم رجعو لفكرتي وحاولو يتعمقو فيها يبغو يطلعوني اني

ماني ملمه بالمشروع الا اني ولله الحمد كنت دارسه المشروع كويس وعندي خلفيه كويسسسه عنه من جميع النواحي

طلعت من عندهم ولله الحمد بنسه 98% >>> يقهرو مايعرفو ال100 ابد

فاااااااااااااصل :////
كانت معاي بنت مسكينه باين انها درويشه مررره كنا نسولف قبل المقابله مع بعض دخلت قبلي

وكان مشروعها بوتيك ملابس وابوها صاحب الفكرة وصاحب المشورع بالاصل لانه كفيلها

دخلت للاستاذات شافوها وسين جيم وسين جيم قالو لها ايش غرضك من المحل فلووس صحيح

تبغي ربح ومكسسسب كثير قالت ايوة هذا غرضي وغرض بابااا الربح قالو ابوك كفيلك قالت ايوة بالدفاع المدني قالو لها طيب عندنا فكرة ايش رايك تحولي مشروعك لمطعم مررة ممتاز وربحه سرييع احسن من الملابس والمطاعم تنجح دايماااا

قالت البنت ماعندي مانع خلاص حولو فكرة مشروعي لمطعم قالو وقعي هنا وهنا وهنا وخرجت

قالو لها نتيجتك تستلميها الان ورجعت لي وحكتني انها بتغير المشروع لمطعم وفرحانه مرة وتبغى تتصل ع ابوها تخبره الا ينادو اسمها تستلم نتيجه المقابله ومكتوب// لم تتجاوز المقابله //

ياحرام ماعمري شفت لحظة انكساااار اكثر من هذي وخرجت زعلانه وماعرفت عنها شي الله يستر عليهااا ي رب

نرجععع بعد الفااااااااااصل ///

وفي نفس المقابله اكدو قبولي وقالو لي بعد شهر تجي تدرسي معانا ثلاث اسابيع

دراسه جدوى وتدفعي الف ريال رسوم دورة ماكانت متوفرة عندي خصوصا حافز توه مخلص من عندي

المهم دبرتها وجاء الشهر وحظرت الدورة وكانت جميييله وكلها حمااااس


وانتهت الدورة شهر 3 رفعوها للرياض لاعتماد القرض والدراسه

راحت الرياض ورجعت شهر 6 وانا لسى مادبرت كفيل حكومي

وكل اسبوع يتصلو علي فينك يام فلان صدرت الموافقه ع القرض من بنك التسليف جيبي

ورقة الكفيل وصورة هويته قلت لهم ماطلبتم غالي ابشرو

ومر شهر 6 و7 و8 وانا ماحصلت واخر يوم من العشرة الاولى من رمضان 10 / 9 كانت ورقة الكفيل معاي

جاهزة ربي يسرها في عشرة ايام ولله الحمد رحت لبنك التسليف وسلمتهم الورقه قالو فين بطاقه الاحوال للكفيل

اتصلنا ع الكفيل وارسلها واتس ورحنا للمكتبه وطبعناها ورجعنا لهم والحمدلله قبلوها

وارسلونا لبنك الرياض نودع 3 الالاف رسوم قرض

ماكانت متوفرة ودبرناها في يومين والاجازة قربت واحنا برمضان

واودعنا ال3 الالاف في حساب بنك التسليف وجلسنا ثلاث ايام والحمدلله نزلت لنا اول دفعه في

20 رمضان وبدانا ندور على ع موقع للمحل ممتاز واستمر البحث حتى 25 / 10 واستاجرته 1 /11

وبدت مشروعي بعد تجهيز المحل من الديكور والاثاث والالات والعماله 10 / 1 من هالسنه

والحمدلله مشروعي تمام والدخل كويس كبدايه للمشروع وتسديد البنك بعد سنه ان شاء الله

بقسط 3000 شهري اعانني الله عليه وسدد ديني مشروع الخياطة جمييل ويبغى له عماله محترفه وتعامل مع الزباين خصوصا الحريم

بختم ب قصه طريفة من التعامل مع الحريم

جاتني حرمة تبغى تفصل وقماشها خرز ومتعب وموديلها اصعب اتفقت معاها بعد المكاسرة ع
500 جات اول بروفه شافت الفستان ماعجبها الموديل اللي اختارته طلع عليها مو حلو

قالت شيلي الاكمام وقصري ع اساس بتعدل قلت لها تزيدي انا ما اتفقت معاك ع تغير الموديل

المهم رفضت وصدعت راسي قالت لي كلها قص بالمقص قلت تامري امر رجعت البروفه الثانيه

وشافت فستانها قالت استغفر الله لا كذا عاري وانا ما احب اتعرى

قلت الموديل موديلك وانتي اللي اخترتيه انا علي الخياطة بس

قالت ارجووووووووووووك تعديل اخييييييير برجع اشتري قماش وتوصلينه تركيب ونركب اكمام

وبنفس قيمه الفستان بالاول طبعا رفضت الا اني وافقت بالاخير بخيلة مرة وتبغى تجرب ع حساب وقتنا

هذي قصه من ميه قصه مع الحريم اللي يبغو كل الفساتين بفستان

اعاننا الله على طلب الرزق وتسديد القرض اي احد عنده اي استفسار بالدوائر الحكوميه وطلباتهم

من تامينات الى موارد بشرية الى مكتب عمل الى بلديه انا بالخدمة ..خبرة انا

اختي
انا ودي افتح مطعم
تتوقعي هل يقبلو ؟؟؟؟

او لازم انا اللي اشتغل فيه لان انا حاليا موظفة

جزاك الله خير لمشاركتنا تجربتك وان شاء الله يستفيد منها الجميع
ريادة وبنك التسليف عيبهم ان التقديم ياخذ وقت طويل ولاحظت نظامهم يختلف من منطقة لمنطقة

البنت اللي غيرت الفكرة من بوتيك ملابس لمطعم هذه اكيد تعتبر فشلت بالمقابله
لانها غير متقنعه بالفكرة
اهم شي اللي يفكر يبدأ مشروع مو شرط يكون مقدم لريادة او غيرهم
لازم يكون مقتنع بمشروعه وفاهم فيه
مثلا وحدة تبي تفتح مطعم لازم تعرف وش بتقدم في المطعم ومن وين تجيب المواد والاجهزة ووش بتحتاج ووش ماتحتاج
وكيف تديره وتسوق وعندها خطة مبدئية للمشروع وتعرف وش مطلوب من تراخيص واشتراطات واجراءات حكومية والخ
يعني تعرف كل صغيره وكبيره عن مشروعها ولو كان عندها خبره يعني سبق واشتغلت بمطعم او اشتغلت من المنزل ببيع الاكل هذا يخليها تكون فاهمه اكثر وخبيره ويعزز موقفها لان لها زبائن ايضا
وتجربتها خلتها تعرف وش الصعوبات اللي بتواجهها وكيف تحلها
اما اللي يغير فكرة مشروعه او يبي يبدأ اي مشروع بشكل عشوائي او مقتنع بالفكرة بس مو عارف كيف يشغله هذا دليل انه غير مؤهل وغير مستعد


التعامل مع الزبائن المختلفين واللي صعب ارضاءهم يعتبر من ضمن الصعوبات في مشروعك وتقريبا عند اغلب المشاريع
نصيحه اي زبونة تجيك اعملي لها عقد الفاتورة تكتبين فيها الطلب وسعره وورقة فيها رسمة الموديل والقياسات وضيفي ورقة فيها بنود او شروط توقع عليها الزبونة
اذا مر شهر ومااستلمت الطلب يتم التخلص منه
المعمل غير مسؤول عن كذا وكذا
الزبونة تتحمل المسؤلية الكاملة لاختيار الموديل وتحديد المقاسات واي تغيير تدفع تكلفته بمقدار كذا
لاتمشين على الاتفاقات الشفهيه او بالتلفون

للأسف مجتمعنا مستهتر ويستهتر اكثر شي بوقت الاخرين وجهدهم وعملهم وحقوقهم
عندها انا ادفع لك يعني انتي مجبورة تسوين لي كل شي ومايحق لك تقولين لا وبعضهم ماشي على نظام احلل فلوسي واخليها تتعب الضعف الله حسيبهم
عالم غير راقية ولاتعرف للاداب ومايمشيهم صح الا القوانين

العقد اللي تسوينه ضروري ومطلوب في البلدية ان اي محل خدمي لازم يكون عنده صيغة عقد يوقعها مع الزبون بتفاصيل الخدمة
عشان لاقدر الله اشتكتك وحدة من الزباين المجانين يكون عندك اثبات ان هذا هو طلبها وتم تنفيذه بموافقتها وحسب ماتبغى وهي موقعه عليه
لان تعرفين بعضهم بلا امانة وبلا ذمة عادي يكذبون او ينكرون او يتبلون عليك عشان كم قرش

في اشتراطات البلدية لمشروع استديو تصوير كاتبين ان الاتفاق يكون كتابي بين العميله والمحل
وقياسا عليه اكيد الخياطة نفس الشي لانكم تقدمون خدمات

وصيغة العقد موجوده عند البلدية تطلبينه منهم

هذا الشرط نسخته من موقع الامانة

لا يحق لصاحبة المحل ممارسة خدمة التصوير للحفلات أو المناسبات الخاصة إلا من خلال مصوّرة سعودية وبموجب اتفاق كتابي مع العميلة(يتم طلب نسخة من العقد الموحّد من الأمانة لاستخدامه كنموذج لذلك الاتفاق بهدف حماية حقوق العميلة والمحل).

الرابط فيه كل الاشتراطات

https://www.jeddah.gov.sa/Amanah/Dep...ects/index.php

eثانكيو رييم ماقصرتي جزاك الله خير

طيب انا سمعت انهم يعطوك راتب شهري لمدة سنتين ٣٠٠٠ الاف ريال هل هذا صحيح
وبعدين ايش ٣٠٠٠ الاف الي اودعتيها لهم

نفس سؤال هاموره 3الاف راتب شهري!

تخيلو انا الى الان ما استلمت راتب ال 3000
وبعد موظفاتي ما استلمو الى الان الموارد مادعمتنا
الثلاث الالاف لبنك التسليف رسوم قرض