السلام عليكم
ابي رايكم الله لايهينكم انا عندي محل كوفي وعندي عامل يداوم12 ساعه يومياً براتب 1500 حسب اتفاقي معه قبل ينقل ع كفالتي لكن العامل متقن للشغل وكل من جرب شغل اثنى عليه حتى ان فيه شخص يبيه مني وانا ما ابغى افرط فيه وخايف احد يطمعه براتب اكثر ويمشي ويخليني فاللي ابيه منكم حسب معرفتكم هل اعطيه 5% او اقوله كل الفين فيها 50 ريال او اقوله كل شهر تصل الى مبلغ كذا له عموله..... ابيكم تفيدوني بالشي الانسب واللي عنده فكره احلى يعلمني الله يسعدكم

الله يوفقك ...واقترح عليك نسبة 5% ممتازة مع راتبه ...

شهر تصل الى مبلغ كذا له عموله بحيث يتحمس ويشتغل عشان يزيد عمولته وبالنهاية انت المستفيد ... بالتوفيق
اما بالنسبة لزيادة الراتب لاتزيده
عطة على قد تعبه عموله مثل ماذكرت

الطريقه الثانيه ذكرها لي احد الشباب كان يعمل في وكالة عبداللطيف وفعلاً كانوا يتحمسون انهم يصلون للمبلغ المحدد لكن في نفس الوقت تجعلك تبحث عن وظيفه بديله وان كان راتبها اقل ولكنه ثابت و5% في كل الاحوال العامل ماهو خسران شي ان دخل الفين وان دخل 200 ضامن راتبه وضامن النسبه.
والله محتار لكن الله يقديني لما فيه خير.
اشكركم ياخوان ع مروركم وتفضلكم علي بأرائكم.

طيبُ.. اخويُ انت بدل خوفك على عاملك بأمكانك تستقدم علىُ الكوفيُ عامل اخر لكي يطمئن قلبك. بما ان اللي جبته نقل كفاله .

نقطـه آخرى اذا كان العامل صاحب جودة في العمل . ودخل الكوفي ممتاز ما المانع في منحه زيادة في رآتبه تسعد بها نفسـه وتكون محفز له ,

ايضا ياصديقي هديه جاكيت برد وملابس تكون فعاله جدأ. هذه الآيام لزيادة المحبـه

اتمنى لك مزيدا من التوفـيق وابعد عنك كلُ من يسـول لعاملك ويطرح لك البـركه .

تذكر من احسن للنـآس احسن اللهـُ له . فآنت ربُ هذآ العامل بعد كلُ شيءُ

انا كنت يوم افكر افتح كوفي شوب

من ضمن الأشياء اللي مدونها في دفتر دراسة المشروع

انه بغض النظر ان في احد يطمع العامل حاط نسبه معينه وكل ماتزيد نسبة الربح الشهري يزود معها نسبة البونص فوق راتبه

يعني 10 الاف صافي صارت بعد شهر 12 الف معنها في زيادة بقدر 20% وتحط لك نسبه معينه وبسيطه ترفعها للعامل مع كل جرد فواتير

يأخي اذا هذه بدايتها كيف بتتوسع وانت متصور ان رأس مالك هو هذا الإنسان ؟!

قول للعامل انك ناوي تفتح فرع او كوفي اخر وانك تريد نفس الذوق وخله يكتب لك سر المقادير

وافتح كوفي اخر بنفس الإسم والطعم وساعتها طز في الرايح وفي الجاي لان رأس مالك بيصير الإسم