يا شباب في احد جاء موعد الكشف الطبي او رساله

فيه احد عطوه موعد بالرياض او لا ؟!

انا مقابلتي برياض بتاريخ 19\4 دعواتكم

السلام عليكم ..
اليوم كان موعدي والحمدلله تم اجتياز جميع لجنات
جندي امن ودوريات بحري / معهد حرس الحدود البحري بجدة
طبعا هي ثلاث لجنات ؛
- الاولى لجنة قياس الطول والوزن .
- الثانية لجنة قياس النظر والسلامة الجسدية.
- الثالثة لجنة تدقيق البينات " شهادات " .

طلعت من دوامي 5 الفجر توجهت لهم وصلت ساعة 6
دخلت على بوابة وتوجهت للمبنى خلف المسجد
وطلعنا دور الاول لقينا طاولة في الوجهه فيها ورقتين
تبحث عن اسمك وجنبه رقم الهوية وطلب وجنبه رقم ثلاثي
هذا رقم ثلاثي 345 مهم جداً هذا راح يكون مسجل
على الاوراق الي يعطونك اياه المهم اخذت رقم توجهت
لعسكري كان على طاولة قال كم رقم عطيته رقم الي اخذته
من الورق وبعدها عطاني ( ورقتين مكتوب فيها بيناتك) :

- الاولى تعهد ماتعسكرت ومعليك محكومية ومافي مخدرات
تكتب تاريخ وتبصم وتوقع وترجعها له .

- الثانية لاتكتب فيها شي ابداً هذي خاصة للثلاث لجنات الي بتروحلها لانها مطبوعه باسمك وعلى كمبيوتر يعني لو كتبت فيها شي مع سلامة ويفتح الله .

وبعد متاخذ الورق ثانية تتوجه للكراسي وانصحكم بصف الاول على اليمين مقابل جهاز الوزن والطول عشان تمشي بسرعه لانه سرى يبداء من هناك ههههه عشان تدخل على لجنات المذكورة اعلاه ،

- ( لجنة الطول والوزن ) ..
تدخل على لجنة يقسون الوزن والطول طبعاً جهاز الكتروني يعني طولك ماهو مثل الي مطلوب اقضب الباب وخيرها بغيرها والي طوله تمام يكتب النقيب عليها ( مطابق ) اكثر من اثنين ( غير مطابق ) واستلمو الباب وجايين من خارج جدة الي من الباحة والي مدري من وين ضاربين مسافات بعيدة والله حزنت وانقهرت عليهم حسيت فيهم قسم بلله شي يقهر
انصح الاخوان الي طول ماهو مناسب مع وزنه ويفكر
انهم يمشون لا مراح يمشون جهاز الكتروني وعقيد واقف
على راس المدرب حق الطول والوزن يعني لاتفكر تمشي .

- ( لجنة قياس النظر والسلامة الجسدية ) ..
طبعاً النظر الكل عارف يغطي العين اليمنى ويقول الفتحة هذي وين ' c ' وكذا يمين يسار فوق تحت اما بنسبة لعمى الالوان مافي ويكتب عليها لائق او غير لائق اعرف واحد ماتعداها وانا بغيت اجيب العيد كان فيه اندنوسي مدري فلبيني زبدة اخطيت بوحدة ويوم جا نقز على ثانية اشرت بيدي وقلتله فوق على الي قبل ههههه كنت بفطس من ضحك ياخي الاجانب ذولا على نياتهم ههههه وبعد ماتعدي النظر بتدخل على سلامه الجسدية يقولك نزل جزمة اعزكم الله وارفع بنطلونك لين ركبة يشوف فيه اسياخ كسر وبعدها يحط قلم ع عيونك ويوجهه لليسار ولليمين وفوق وتحت تحرك عيون من غير ماتحرك راسك ويكتب سليم او غير سليم .

- ( لجنة تدقيق البينات " شهادات " ) ..
تعطيه الهوية الاصل وصورة وشهادات الاصل وصورة
يشوفها هل هي صحيحه او لا وفيه جندي اول لازم شهادة ثانوية صناعية ودورة حاسب يحددلك رتبة ويخيرك تبي بري او بحري وعلى راحتك فيه الي تبيه وبعدها للي جندي امن ودوريات بحري يسئلك تعرف تسبح تقول ايه يقولك اكيدد
تقول ايه اكيدد بيقولك ترا فيه اختبار سباحة وغوص
عاد انا قلتله هذي هوايتي لو ترميني بنص البحر لاتخاف علي هههههه مافي الى قدح عندهم عشان يمشوني اما الي مرتبك ومتوتر ماينفع لازم تكون جريئ معهم بالكلام ويقولك خلاص فالك توفيق ويوصلك رسالة وتراجعنا مثل رسالة الي جتك وتحصل بينات مطلوبة في موقع وراح توصل رسالة بعد اسبوعين .

تنبيه وحط تحتها خطين ٍ ٍ ٍ
-خلك عادي بالكلام لاترتبك لو انه الي قدامك قائد الحرس.
-الهوية الاصل لاتنساها بسيارة خلها بجيبك ومعك صورة
-الي طوله ماهو مناسب وماقبلوه تراها خيره من ربك والله عزوجل كاتبلك الافضل منها وترا هي ارزاق وربي بيرزقك
ولاتيئس وتحزن خلك دائماً متفائل .
مدري فيه كلام نسيته وجاني اتصال وانا اكتب وقطع حبل افكاري ههههههه الوكاد محدثكم من خلف الشاشة يتمنالكم توفيق والقبول نهائي والي مانقبل فاله بالي احسن منها

[ ياربع بسئلكم انا ماطلب من صور شخصية او انه نسى انتم اخذ منكم صور شخصية وهل لو ماخذها ينلغي قبولي ترا يوم وصلت البيت تذكرت افيدوني بهذي يرحم والديكم ]

وهذي سالفة وسلامتكم واتمنى افدتكم ودعواتكم لي بتوفيق
وتمسون على خيررر نوووووووم zZzZ

فيه تدقيق على الوزن ؟؟

نحيـف بزيادة وطولي ممتاز

حتی انا ما اخذو الصور شخصيه ............. # ممكن بعدين ياخذونها

وشلون اتعهد اني ماتعسكرت ؟؟؟ ومضة انا تعسكرت يوم خلصت الكفاه بلجيش وخلصت الاربعين وعطونا اجازة اسبوع ثم امي عيت اكمل فيها وكملت الثانوي والحين قدمت ع الحدود وقبلوني موعدي في 19 \4 يعني يعرفون اني تعسكرت من مدرسة سلاح المدرعات بتبوك ولا وش الووووووضع ؟؟؟؟

يالربع باللحظة الآخيره الوالد رفض اني ادخلها[caution]null[/caution]
واحد من الربع قلب راسه وشلون اقنعه ووش السوات !!
رغم اني محتاج للوظيفة والظاهر ابوي لو يقولون صر وزير يقول كمل دراستك وانا خرطي بالدراسة ومامن موتر يوديني ويجيبني !! والله ساتر الحال