20-02-2015, 05:26 PM
|
 |
عضو مهم جداً
|
|
تاريخ التسجيل: Dec 2013
الدولة: جـــدة
المشاركات: 689
معدل تقييم المستوى: 5118
|
|
الـ 45
الصحيان يكون قبل الاذان بساعة او 45 دقيقة يدق البروقي "صفارة الانذار" وتصحى
تتوضى وترتب سريرك وتنزل للمسجد
بعد الصلاة تكميل و حصة رياضية لين الساعة 7
بش اب "بشم" وتماريين بطن وتمارين تكوينية
الهرولة بتكون الميدان الصغير كبداية لفتين ,وراح يزيدونها مع الايام لين 6 لفات
وبعد الاسبوع الثاني او الثالث تنتقل الحصة الصباحية الرياضية للميدان الكبير وهو اكبر من الميدان الصغير ب3 مرات وبيصير تاخذون فيه اول شي 3 لفات وبعد فترة بصير 5 او 6لفات
بعدها تتجهون للميز فطور لين7:45
بعدها تتجه للميدان الصغير الساعة 8
سلام العلم وتكميل "يعني ياخذون عددكم ويتأكدون ان العموم موجود ويسجلون الغياب والهروب"
ثم تبدأ حصة المشاة لين 10 وبعدها بريك استراحة تبغى البوفية تبغى الخياط
الساعة 11 مراجعه للحركات اللي تعلمتوها ف حصة المشاة لين قبل الصلاة بنص ساعة تتوضى وتتجه للمسجد
الساعة 1 تكميل وبعدها الميز غدا وبعد الغدا حط ف بالك يوميا عندك تصليبه ف الشمس من الساعة 2 لين 3 تشميسه عشان لونك يصير اسمر حليوة هههههههههههههه
بعدها تتجه للمسجد لصلاة العصر
بعدها تكميل وحصة رياضية العصر
بعدها بريك لين قبل المغرب سلام العلم وتتجه للمسجد
بعد المغرب تتجه للميز عشى
وبعدها للمسجد تصلي العشاء وبعدها ع السكن نظافة الحضيرة ودورة المياة
وبعدها تفتيش ع النظافة وترتبك الكرسي والدولاب وبعدها يجيك ايعاز نوم "امر نوم" 10 وانت نايم
___________________________________
**التصليبة فائدتها ان الشمس تقوي عظامك , تحرق دهون, تتعود ع الجو عشان تصير عسكري اصلي
*الحصة الرياضية ف الفترة الاولى بتكون قاسية عليكم لأن الاغلبية ماعندهم لياقة
لكن صدقني بعد ماترتفع اللياقة عندك بتكون امتع واحلى شي عندك الحصة الصباحية وخصوصاً اذا كانت خطوتكم وحدة ومعها اناشيد حماسية ماراح تحس بالتعب ابداً وبتتمنى انهم يزيدونك لفة والا لفتين من الحماس
حصة العصر تلغى بعد ال45 بشهر لأن اللياقة صارت توب عندكم حتى الهرولة بتكون ف الميدان الصغير وقبل التخرج يلغونها تصير فقط بروفات تخرج معاك بس
*الجزاء هذا الكل عارفه مايحتاج شرح بتاكل جزا كذا والا كذا
*ال45 اللي يجتازها خلاص يعتبر اللي بعدها كلام فااااضي نظامك بعدها راحة ومن بعد الغدا نادرا يصلبونكم الظهر والغالب يكون تعليم ف المسجد
حصة المشاة بتصيرون تتعلمون الاستعراض والمشاة بالموسيقى حماااس ,
حصة المشاة راح تكون بالسلاح وهنا بتعرف قيمة تمارين البشم اللي خلت يدك وظهر مشدودة وقوية
***وفوق هذا كله عليك بـ الصببررر أنت مادخلك الميدان الا وأنت رجل وبترفع راس اهلك,لايجي يوم وتنسحب وتفشل اهلك ,وتخلي الناس الحاقدة تفرح لفشلك ,خلك شنب و فلها وتعرف على اكبر عدد ممكن والله ان الدورة تعدي زي البرق ,ياشييخخ يكفيك ان الراتب اللي ينزلك اخر الشهر ينسيك ام ام التعب وتذكر حالك قبل الدورة من انسان عاطل او مكروف بشركة براتب مايسوى الى انسان عسكري اصلاً حتى نظرة الناس لك وانت عسكري نظرة مختلفة ياخي وانت لابس البدلة تحس انك سوبر مان ههههههههههههههههههههه
شف لنا الحين 7شهور مدري كيف عدت وباقي لنا 40 يوم ع التخرج
المدربين بتشوفهم قاسين معك ف البداية لكن والله انهم طيبين احترمه يحترمك ومابتعرف الشي ذا الا عند ماتتعود ع الوضع ,هو لازم يضغط عليك لمصلحتك
هذا الروتين اليومي ونظامك ف الدورة
والمعذرة ماني مسوي تنسيقات ومالوان لأني اكتب بالجوال وصعب ازبط الموضوع
والله يوفق الجميع
التعديل الأخير تم بواسطة دبلوم اتصالآت ; 20-02-2015 الساعة 05:40 PM
سبب آخر: اخطاء املائية وتنسيق خفيف
|
[ 
العرض العادي
