اللي من الرياض واختبر تحريري ياليت يعطينا الاسئله
وكيف نوعيتها ع ورق او جهاز
وهل الاختبار مهم في مراحل القبول
انا متقدمه ع وظايف النساء بالرياض وارسلوا اول رساله لي وموعدها الاحد
اشكركم من كل قلبي ربي يسعدكم ويوفقكم ولا يخيب تعبكم

ماعرف عن النساء بس احتمال تكون الاسئله نفس الرجال عن الدين والوزاره الداخليه احتمال وان شاء الله يجي الي يفيدكم اكثر راحعو الصفحات الاوليه امكن تستفيدو بس للحين مالقت احد يفيدني بخصوص الموقع مقفل بقسم حالة الطلب وان كان احد وصل له الرد حق المقابله التانيه

الاختبار التحريري هو اسئله عن المملكه والملوك والداخليه وعن الرسول صلي الله عليه وسلم واسئلة حسابيه وكلها اختيارات بالكمبيوتراختبرت قبل اسبوعين . بالنسبة للرجال ... وسهله وما اضن فيها رسوب اهم شي تكون اوراقك مطابقه
وهو اهم شي
لا تشيلون هم التحريري ابد

والله يوفق الجميع

السلام عليكم صبحكم الله بالخير

بكتب الي صار معي من المقابلة الأولى الى النهاية واتمنى احد يستفيد

طبعا اول مقابلة كانت بتاريخ 24/ 4 في نفس المنطقة الي قدمة منها ( الجوف )
المقابلة كانت طول وزن وياخذون صور لمؤهلاتگ وتعرف الرتبة ( جندي اول تشغيل )
خلصت منها وقالو تجيگ رسالة


جتني الرسالة وكانت المقابلة الثانية بتاريخ 19 / 5 ( امس ) في معهد حرس الحدود (بالرياض)
المقابلة منقسمة 4 اقسام

اول قسم اختبار اللياقة ( جري ، وبشم ، وبطن )
وعلى كل تمرين 5 درجات
بعدها يعطونگ نموذج وتعبيه ( معلومات عنك )

القسم الثاني الأختبار ( ثقافة عامة )
وراح يكون على اجهزة الكمبيوتر وكلها خيارات وبسيطة وسهلة ان شاء الله
عدد الأسئلة 30 سؤال ومدة الأختبار نص ساعة من الأسئلة ...
ماهما النقدان .. ملك المملكة العربية .. عمر النبي يوم وفاتة .. مؤسسة الدولة السعودية الأولى .. عدد لاعبين كرة القدم
يعني كوكتيل أسئلة مابين رياضي وثقافي وديني وكلها بسيطة

القسم الثالث طول وزن
ياخذون طولگ والوزن ويدققون بأوراقگ فقط
ويسألونگ عن الوظيفة المتقدم عليها وش تعرف عنها ؟ وعن طبيعة عملها ؟
وبسس


القسم الرابع والأخير ( المقابلة الشخصية )

اهم شي الثقة خلگ واثق من نفسگ
بيسألونگ عن مكان سكنك عائلتگ ( القبيلة )
كم مرة سافرت للخارج وايش دواعي السفر !
بيسلوف معگ عادي اهم شي لا ترتبگ

وبعدها خلاص يقولون لگ امسك الباب وبالتوفيق لين تجيگ رسالة الكشف الطبي


فالنا التوفيق جميع
وعسى ربي يفرحنا بالوظيفة

* لا إله الا أنت سبحانگ اني كنت من الظالمين *

يا شباب محد يدري متي تطلع النتائج