يا اخوان وش تنصحوني والله محتار انا رسبت بالكشف الطبي بسبب ( حامل المنجليه ) هل ارجع لمعهد حرس الحدود واخذ منهم كشف ثاني واقولهم الاول ضاع ولا معد اروح واحتسب الرزق من الله لان اخاف اروح عندهم ومعد يعطوني كشف جديد او يعرفون اني راسب ، مع العلم اني كشفت في الباحه وما اعتقد ان يجيهم الخبر اني راسب لان الكشف ما راح يصلهم ! نصيحتكم يا اخوان تكفون وش اسوي !؟

السلام عليكم يا اخوان .. بالنسبه لي أنا خلصت كل شيء لله الحمد وقاعد أنتظر الرساله النهائيه، لكن انا بدايتها كان فيه مجموعة تخصصات وأخترت جندي أول - دوريات أمن خاصه .. ياليت اللي يعرف عنها شيء يفيدني للان ما أدري وش طبيعة عملهم بالضبط يعني دوامهم بالاداره ولا مراكز ولا وش وضعها وبالتوفيق للجميع أن شاء الله

ياليت أحد يرد علي .. لأني متورط صراحه أنا قدمت وأنا ما أدري وش مهام هالتخصص على عماها وياليت أحد يقولي راتب جندي أول كم دوريات أمن خاصه

اتوقع انو دورتهم فيها صاعقة وتدريبهم قوي ولهم وحدة خاصة فيهم
ومحتاجين ناس لياقتهم قوية وعندهم اختبارات لياقة اذا عديتها تكمل في تخصصهم واذا ماعديت يحولك تخصص ثاني والله اعلم
بس اسأل اخونا دبلوم اتصالات وان شاء الله يجاوبك
بالتوفيق لك

هذا اللي مخوفني صراحه .. أنها صعبه وفيها صاعقه ومظلات وأنا درعمت وسجلت فيها وأنا ما أدري وش هي من الاساس ياليت اللي يعرف عنها شيء وعن راتبها يفيدني أكثر وأكون شاكر له _ وماقصرت أخوي قنفذي

انا مثلك قدمت امن ودوريات خاصه
وقلت للعسكري بغير التخصص
قالي كلها واحد هذي مسميات اولويه فقط ماتضرك وماراح يحطونك ف الخاصه اذا ماتبيها

أهلين ماجد الجهني .. والله بيني وبينك فيه ناس تقول زينه وأبعد عن المراكز وفيه ناس تقول شينه وصعبه وللحين ماندري وين الصحيح المشكله أنا بالشمال وأخاف اثبت على هالتخصص ويقلعوني بقلعة ودران، بالنهايه أهم شيء الراتب