نعم صحيح لكن تاكد منهم وخذ رقم الارساليه الى المعهد من الاتصالات الاداريه بالوزاره

السلام عليكم ورحمة الله وبركاتة

صباح الخير

الحمد لله خلصت اوراقي كاملة

بسم الله نبدأ

يوم الخميس الصباح تاريخ 21/07/1437هـ تمام الساعة السابعة صباحا وصلت امام بوابة معهد حرس الحدود بالرياض جيت امام البوابة الا يقولي الجهة الثانية واروح للجهة الثانية الا باب صغير مايمديك تشوفة لو الشباب ماكانوا واقفين عنده تعديت نزلت ومافية دقايق وفتح العسكري بدينا ندخل بدوا يوزعونا اللي جاء امس واللي جاء اول مرة للموعد الثاني طبعا مهو لازم البدلة الرياضية واللي يروح يحسب حسابة على يومين المهم وزعوا علينا ورقتين


الاولى : العنوان العسكري الشامل
الثانية : تعهد واقرار

تعبي الاوراق وفية العنوان العسكري تحط فية صورة والورقة الثانية من دفتر طلب الالتحاق تحط فيها صورة بعد تجهزهم معاك والاقرار توقع وتبصم عليه والعنوان العسكري فية بيانات لك وبيانات لقريب لك عسكري ابوك او اخوك اوحتى قريبك من عمام او خوال اهم شي عسكري


بعد كذا تروح يختم لك على الاوراق اللي حطيت فيها الصور طبعا الصور مكشوف الراس مقاس 4*3 وتطلع تستنا الباص تروح للمركز عشان تحليل السموم الله الله بالماء عاد اخوكم شارب لترين قبل لاروح وماسك نفسي
وانا اشوف كذا افضل لان واحد من الشباب ساعه كاملة ماطلع معاه شي

المهم ركبنا الباص المكان قريب بالحيل وصلنا لازم يكون معاك بطاقة الهوية الاصل تذكر لاتنساها المهم حق التحليل معزول عن المركز الصحي زي الكرفان صفينا الا وممرض جاي دخلنا وكل واحد ياخذ علبة مرقمة وفية نموذج تعبية علية نفس رقم العلبة اخذوا العينات وطلعنا وقالوا تعالوا ثاني يوم معاكم الاوراق والملفين المشكلة صادف اليوم الثاني جمعة وراحت علينا للسبت


الاوراق اللي بالظرف اللي كنت خايف عليها قال العسكري افتحوها وانا صار لي شهر ماقدرت ام يدي عليها

والحين اخليكم عشان اليوم الثاني لاني طولت عليكم شوي

هلا والله وبالتوفيق اسالوهم عن الفرز النهائي فيه ولا لا

لانا مسلمين اوراقنا من يوم 10 ولا عاد قالوا لنا شيء

من اللي مثلنا

بالتوفيق للجميع ،، آسآل الله لكم التوفيق والتييسير وقدرة حمل هذه الامانه ويتم قبول الجميع