تحية طيبة يا اختي وكل عام وانتي بخير

بصراحة انا شايف انك مصعبة الامور زيادة يعني اذا ماعندك احد جالسة في البيت تنتظرين !! الى متى

وبالنسبة للسيارة والله فيه كثير شباب مو بنات مامعهم سيارات ومشين امورهم ...

عموما اختي شدي حيلك لاانتي اول ولا اخر وحدة تمر بهالظروف ولاتنتظرين المساعدة من احد روحي بنفسك والتقديم ماراح ياخذ منك وقت .

اتمنى لك التوفيق ،،،

بس انا عندي اب واخوان حتى عمان وخوال
وكلهم ما فدوني
كل كلمه وثانيه مافي شي كلهم يضحكون عليك
اقعدي انتظري الديوان
وربي من بداية الصيف وانا اطلبهم يودوني مكتب عبد الطيف جميل
ولا احد وداني
ولا طلعيلي بموال اعتمدي على نفسك عندك نت وتلفون دبري نفسك
اخس عايشين في تكساس يبون يوظفون من النت او من اتصال

عزيزتي حبيبه اطلبي الله في الفرج .

عبير الكون والله نفس الكلمة قالها لي ابوي انتظري الديوان والوظائف الحكوميه):
boy moon انا مو مصعبة الموضوع الموضوع بالاصل صعب انا عمري ماطلعت من البيت الحالي وعمري مااعتمدت على نفسي بهالأمور ومعتبرة نفسي جريئه يوم دقيت على الاستعلامات واخذت ارقام المعاهد والمدارس الاهلية انا طبعي كذا ما احب اكلم احد عالتلفون واحيانا اخلي امي تسألني وصديقاتي كل طلباتي منهم مسجات وقليل مكالمات مو بخل بس انا ما اعرف اكلمهم000مع ان صديقاتي فالكليه قالولي اني متحسنة عن قبل وبديت اصير اجتماعية على قولتهم يمكن لان اضطريت في كثير من المرات اني اعتمد على نفسي
Dr.Noway الله يجزاك خير يارب واقتراحك حلو
انتم ادعولي ان الله يهدي ابوي ويروح
انا حتى كنت حابة اكمل ماجستير لاني الحمدلله امتياز مع مرتبة الشرف وانا الاولى على قسمي بس مافي تشجيع والله تحطيم وكل كلمة والثانية انتظري الوظيفة الحكوميه وانا ايش يقعدني سنه كاملة فالبيت لحد ماينزل الاعلان وانا قادرة اشتغل وفيه وظيفة

الله يجعل لك من الضيقه فرجا
اذي ابوتس لين يوافق
كثر الدق يفك اللحام ما عليتس اذيه ويوافق

بالتوفيق

الله يرزقك

ياعمري الله يعينك
تيب ياقلبي ارسلي بالفاكس
لما تتصلي على اي مكان اطلبي ايميلهم او فاكسهم وانتبهي لازم يكون الايميل تابع لدومين الشركة
مو ايميل مجاني حتى ماتنخدعي
وعلى فكرة في بالمنتدى هنا طريقة شرح ارسال فاكسات من جهاز الكمبيوتر نفسه يعني حتى لو ماعندك جهاز فاكس بالبيت بالكمبيوتر نفسه في فاكس سوي بحث وان شاء الله تلاقي الموضوع
والله يوفقك يارب
اكثري من الاستغفار ولاتنتظري تشجيع احد انتِ شجعي نفسك بنفسك
تبين تكملين ماستر كملي لاتنتظري احد يدعمك انتِ مثل مانجحتِ بنفسك وجبتِ هالمعدل ماشاء الله تبارك الرحمن
كملي بنفسك دراستك او اتوظفي شوي عشان تصقلي شخصيتك وبعدين كملي ماستر
وترى الحال من بعضه بس مثل ماقال الاخ عاطل كثر الدق يفك اللحام^ ^
يعني الكلمة الطيبة ممكن تجيب نتيجة
وقولي لاهلك انتو ماقصرتو وخليتوني ادرس واكمل تعليمي كملو جميلكم وودوني اقدم اوراقي واسوي مقابلات شخصية وانا مالي غناة عنكم ومن هالحكي وصدقيني الا مايطاوعوكِ
وفهميهم نقطة انه الوظائف الحكومية للاسف صار مو اي واحد يتخرج ممكن يتعين فيها لا
صار لازم خبرة ودورات حتى نزيد نقاطنا وفرصنا يعني الافضل انه تقبلي بأي وظيفة حتى تكتسبي خبرة
وبالتفاهم والحوار والهدوء كل شئ ينحل

صراحة انا اقترح ان يسون نظام الباصات داخل المدن يعني يكون لكل حيين قريبين من بعض مجمع بسيط للباصات يجتمع فيه النساء فقط ويقضون حاجاتهم بسعر رمزي عاد هاذي لافيها اختلاط او حرام لانهم مجموعة نساء لمتى بتقد المرأة تنطر اخوها ولا ابوها يحن عليها ليش كل ها التعقيد في حال عدم وجود الرجال وش تسوي الاسره والله ان في بنات احسن من مليون رجال ليش ها النظرة المشككه في بناتنا ان ضد القيادة ومع فكرة التسهيل في حدود الشريعة

أختي حبيبه
حاولي انتي تكلمين مايبيلها كلام كثير وقبل ماتتصلين على جهة التوظيف جهزي الكلام اللي بتقولينه وأساساً حبيبتي ماراح يطولون السالفه معك بيقولون أرسلي CV بداية وهذي أمرها هين إن شاء الله .. أرسليها بالإيميل إذا كان لهم إيميل أو بالفاكس
وإذا قبلوك وطلبوا باقي الأوراق وحضورك روحي أنتي والوالدة لو مع سواق بمحرمه وياكثرهم ماشاء الله.
وبالنسبة للوالد مثل ماقالوا الكلام الطيب وأضيفي لها "حبة الخشم والراس" وإن شاء الله بتتسهل امورك.
أما الماجستير ضروري تكمليها سواء توظفتي أو لا .. اجلسي عندهم واطلبيهم مو مره ولا مرتين .. اعرف واحد يجلس يلح على أبوه كل يوم ويجيه بكذا اسلوب إلى أن ياخذ اللي يبي مع إنه يلقى توبيخ لكن النهايه حلوه

الله يوفقنا وياك ويسهل أمور الجميع