السلام عليكم جميعاًانا حابه اسويلي اي مشروع بس محتاره وحابه احد يعطيني افكار وش رايكم كبدايه ابتدي فيه وايش المشاريع اللي بالمنطقه الشرقيه تتوقعون لها احتياج وعليها طلب
وشكرا🌹

انا من الشرقية واشوف ماشاء الله الافكار اغلبها موجودة بالواقع لكن
انا مثلك كنت اسوي كذا مشروع وصار عندي خبره بالمشاريع وادارتها - لكن الان بحكم وظيفتي وقفت المشاريع

لكن حاليا ودي ارجع بس مخي موقف ودي بمشروع وانا بالبيت او العمل اقدر اشتغله

جاتني فكرة اني اطلع سيارة واشتغل على توصيل طالبات او معلمات او .....

السواق موجود شغال 25 سنة ويعرف الاماكن

لكن انا من جد في حيرة من امري اني ابدء او لا

انتي شوفي لك مشروع تبدعين فيه وابتدي

اقترح عليك الماكولات اشتغلت فيه تقريبا سنة وبعدها توظفت

كنت اطلع بالشهر من 4000 الى 6000 ريال شهريا
شوفي لك حلا انتي تبدعين فيه او وصفه خاصة وابتدي

اذا تبي النصايح على الاقل لازم تذكر بعض التفاصيل ..
راس مالك
قدراتك
خبراتك او تجاربك
ميولك ومدى صبرك على اللي تميل له .. وذا الاهم
عشان نساعدك بالافكار ..

اما بشكل عام فالمشاريع كثر التراب وموجوده على ارض الواقع بالتكرار لكن الاختلاف بالتنفيذ وعملية الاداره والتطوير ودايما يتم تنفيذها حسب الاحتياج .. وين الحاجه والاستهلاك توجه لها ..

وانصحك بالتجاره الالكترونيه اذا عندك صبر وعندك ذوق و حسن اختيار للسلع ..

بالتوفيق

يعطيكم العافيه جميعا بالنسبه للاكل انا مالي صبر على الطبخ على طول وششكل دايم والموضوع انتشر بما فيه الكفايه مع اني اشوفه اكثر شي ناجحاما بالنسبه لرأس المال فحسب للمشروع اذا بيحتاج مني شي كبير راح احاول اخذ قرض من رياده لكن حاليا حابه ابتدي بشي صغير عن طريق النت مايحتاج راس مال كبير اليين اتشجع اني اكبر المشروع ان شاءالله فعلشان كذا قلت ابي اخذ اراءكم
انا احب المكياج والسوالف هذي فكرت بموضوع اني اخذ دورات واطور نفسي بس الى الحين مالقيت بالشرقيه اللي عجبني مكياجها مره اخذ عندها دورات اللي عندها خبره تعطيني واللي له افكار بمشاريع يالييت يعطيني وشاكره لكم

لن ازيد عن كلام الاخوان والاخوات الى بكم نقطة مهمة وهي 1= هوايتك وماهو الشي الذي تدركني انه هدفك وباذن الله سوف تنجحين فيه.. 2 = تصريف المنتج مهم جدا وهي القاعدة الاساسي قبل الشراء .3 =المستهلك يحب الشي الجديد والمختلف وذو جودة جيدة فبورك فيك.. وعلى فكرة ياختي باذن الله طالع دبي خلال الشهر هذا لشراء بضاعه من هناك علما ان تجارتي هي الاكسسوارت النسائية والشنط النسائية واكسسوارت الاجهزة المحمولة وكماليتها اي خدمة ياختي ابشري ارسللي على الخاص ونسال الله التيسير..

على فكرة ياختي البداية تكون براس مال بسيط فاذا نجح مشروعك تكون الامور خطوة خطوة وبدراسة جيدة وتصريف ممتاز واذا لم تنجحي لاقدر الله تكون الخسارة بسيطة ولا يصيبك الاحباط في حال عدم التوفيق في الخطوة الاولى بالصبر والتخطيط الجيد تدركي النجاح وفقك الله...

انصحك بالمكياج لانك تميلين له لكن بالبداية بيع لانه اقل خسائر

اهم شي شوفي اسواق الجملة بالدمام والرياض وجدة والكويت وحطي ببالك البضاعة ما تكون على ذوقك تكون على ذوق الزبون يعني الاكثر مبيعا بالسوق

وبعدين حساب بالانستقرام ودعايات بالواتساب

اما بالنسبة للتوصيل عن طريق المندوب يجيلك وياخذ البضاعة ويوصلها للزبون واذا كان الزبون خارج المدينه يوصلها الى شركة الشحن

انصح تشوفين الصالونات لانهم بطبيعة الحال استهلاكهم كبير

هذا الي معاي و بالتوفيق

الله يعطيكم العافيه بالنسبه للمكياج انا احب انا اسوي مكياج مااقصد ابيع مكياج لكن فكرة بيت المكياج بالبدايه ممكن تكون حلوه اذا تعرفون احد ممكن يوفرلي المكياج بأسعار مميزه لان المنافسه فيها كبيره بالانستقرام من التاجرات

انا ماعرف بالمكياج ولكن ارسلي صور .. نوعه .. شكله .. اسم ماركته .. وانا بجيب لك مصادره واسعار جملته .. والباقي عليك
بالتوفيق

وفقك الله