مطعم بيتزا .. من أين ابدا ؟؟

إبن سعوود · #1 (**permalink**) 24-01-2015, 06:27 PM

السلام عليكم ورحمة الله وبركاته ,,

قبل أن أبدا بموضوعي حاب اعزي الأمة الاسلامية بوفاة ملك الانسانية الملك عبدالله الله يرحمه ويغفرله ويتجاوز عنه ,,

ندخل بالموضوع :
موضوعي مثل ماهو واضح في العنوان : مشروع بيتزا وفطاير ومكرونة ( اكلات ايطالية )

راس المال : 180 الف
مساحة المطعم : 150 م مربع

حاب اخذ ارائكم ونصائحكم .. كم احتاج مساحة للمطبخ ؟ ووش الالات اللي احتاجها غير الفرن ؟

وبرضو نصائحكم حول الديكورات والعمالة .. وحبذا لو في دراسة مشروع بيتزا جاهزة استفيد منها .. اتمنى محد يبخل علينا ولو بمعلومة بسيطة واللي عنده مطعم بيتزا من قبل او جرب او لديه خبرة في هالمجال اتمنى يتواصل معي بالخاص وله عمولته من النصايح والاراء

بانتظار ردوردكم

reeem22 · #2 (**permalink**) 24-01-2015, 06:49 PM

تقدر تسأل المحلات اللي يبيعون الافران وعدة تجهيز المطاعم قولهم بفتح محل بيتزا وش احتاج وكيف تخدموني

بيقولون لك عندنا كذا وكذا وتحتاج كذا وكذا وهذا سعره كذا وهذا صناعته كذا وسعره كذا
والتركيب بكم الخ
سجل كل شي بورقه او اطلب منهم عروض اسعار , وتقدر تروح لأكثر من محل افضل لك
خذ كل التفاصيل من عندهم وافهم زين كل اللي يقولونه وبعدين قرر وش اللي تحتاجه ووش اللي ماتحتاجه واحسب التكاليف وشوف العرض الانسب لك

المساحه اطلع على شروط البلدية وشوف اقل مساحة مشترطينها كم

لكن اهم شي تكون مقرر وش اسم المحل ووش الالوان اللي بتعتمدها للشعار هي بتكون الوان الديكور, وش الاطباق والاصناف اللي بتقدمها ؟ ووش الميزة التنافسية بمشروعك ؟ يعني وش عندك افضل من محلات البيتزا الاخرى
سجل تكاليف المواد الخام وتكاليف التشغيل عشان تعرف سعر البيع

إبن سعوود · #3 (**permalink**) 25-01-2015, 03:39 PM

^^

جزاك الله خير اخوي لكن صدقني جربت وجيت كذا مطعم بيتزا .. مايعطونك معلومات بالعكس يحطمونك عشان ماتفتح لاني بالنهاية راح انفاسهم وهذا اللي صار معي بالضبط سالت كذا مطعم بيتزا بس ماحصلت تجاوب ايجابي للاسف

ابدا مشروعك · #4 (**permalink**) 25-01-2015, 06:17 PM

على قول الاخت ريم

روح لمحلات التجهيز للبيتزا وشوف الاشياء المطلوبه للمحل و كل جهاز وشغلته واذا انت محتاجه او لا

ونصيحه لا تطمع بالسعر وبذات بالبدايه اسعار البيتزا معروفه بالنسبه للمطاعم غير بيتزا هات والمطاعم الكبيره

لان اعرف محل يبيع البيتزا الصغيره ب 25 !! مستحيل احد بيرضى بسعر زي كذا

الاسعار اهم شيء تكون مناسبه والنظافه والمضهر للعمال مهم برضو والله يوفقك

reeem22 · #5 (**permalink**) 25-01-2015, 07:02 PM

اقتباس:

المشاركة الأصلية كتبت بواسطة إبن سعوود

^^

جزاك الله خير اخوي لكن صدقني جربت وجيت كذا مطعم بيتزا .. مايعطونك معلومات بالعكس يحطمونك عشان ماتفتح لاني بالنهاية راح انفاسهم وهذا اللي صار معي بالضبط سالت كذا مطعم بيتزا بس ماحصلت تجاوب ايجابي للاسف

مو تروح للمطاعم , اكيد مابيعطونك اسرارهم
روح للمحلات اللي تبيع معدات والالات للمطاعم وتجهزها
هذا من ناحية المعدات والالات
اما من ناحية المواد الخام والاصناف هذه المفروض انت تعرفها وتكون مجهز وش تقدم بمطعمك قبل ماتفكر تفتحه
ليش ماتشتغل عامل بأي محل بيتزا لفتره؟ تتعلم وتكسب خبره؟

او وظف سعوديات يطبخون هم يصنعون البيتزا والفطاير عالاقل شغلهم نظيف ومضمون ووظف عامل يبيع او انت اوقف بمحلك استقبل الطلبات وبيع

إبن سعوود · #6 (**permalink**) 26-01-2015, 01:21 AM

اقتباس:

المشاركة الأصلية كتبت بواسطة reeem22

مو تروح للمطاعم , اكيد مابيعطونك اسرارهم
روح للمحلات اللي تبيع معدات والالات للمطاعم وتجهزها
هذا من ناحية المعدات والالات
اما من ناحية المواد الخام والاصناف هذه المفروض انت تعرفها وتكون مجهز وش تقدم بمطعمك قبل ماتفكر تفتحه
ليش ماتشتغل عامل بأي محل بيتزا لفتره؟ تتعلم وتكسب خبره؟

او وظف سعوديات يطبخون هم يصنعون البيتزا والفطاير عالاقل شغلهم نظيف ومضمون ووظف عامل يبيع او انت اوقف بمحلك استقبل الطلبات وبيع

مافي محلات تدري وش مواد مطعم البيتزا بالضبط .. لانهم يبيعون الات المطاعم بشكل عام .. وسالفة اني اشتغل بمطعم بيتزا صعبة لاني موظف ومهندس بشركة وعندي راس مال كبير الحمدلله لكن تنقصني الخبرة في هالمجال ..

إبن سعوود · #7 (**permalink**) 26-01-2015, 01:23 AM

اقتباس:

المشاركة الأصلية كتبت بواسطة ابدا مشروعك

على قول الاخت ريم

روح لمحلات التجهيز للبيتزا وشوف الاشياء المطلوبه للمحل و كل جهاز وشغلته واذا انت محتاجه او لا

ونصيحه لا تطمع بالسعر وبذات بالبدايه اسعار البيتزا معروفه بالنسبه للمطاعم غير بيتزا هات والمطاعم الكبيره

لان اعرف محل يبيع البيتزا الصغيره ب 25 !! مستحيل احد بيرضى بسعر زي كذا

الاسعار اهم شيء تكون مناسبه والنظافه والمضهر للعمال مهم برضو والله يوفقك

صحيح كلامك اخوي .. الاشياء المطلوبة بالمحل تهون عند اشغال الكهرب والسباكه والديكورات .. فكرت اسلم المشروع لمقاول بس خايف يجيبون مواد مشي حالك وديكورات مشي حالك ..

هاموره · #8 (**permalink**) 26-01-2015, 01:39 AM

فعلا روح اسال اصحاب المطاعم حقات الاجهزه
لكن انقع شي معروف افران للطبخ
لاننا بالبيت نطبخ بيتزا ومكرونات
بالفرن مو في شي ثاني

واذا تبي تبي طباخ ماهر تراي طباخه بالبيتزا والمكرونات
بس بشرط اطبخ الصبح والظهر غيره مافي وقت هههههه طرار ويتششرط

الله يوفقك ياررب

اعداد و اشراف · #9 (**permalink**) 26-01-2015, 01:53 AM

وعليكم السلام ورحمة الله وبركاته

ماشاء الله الله يبارك لك

عرض عليك احد الاعضاء فكرة انك تقوم بتوظيف سعوديات فكره مميزه ماشاء الله وانا كنت مفكره فيها بس بمحل كبسات وايدامات واكلات شعبيه واللي يشتغلوا بالمحل نساء سعوديات منها ايجاد مكان يدعمهم و فتح باب رزق لك ولهم السعوديين اولى من الاجانب وابدء مشروعك صغير و اكبر حبه حبه وافتح كذا فرع

ابدء بالمعامله من البلديه و تجهيز الاوراق او اعطيها معقب يخلص لك الامور لان لهم شروط

وموفق خير