السلام عليكم ورحمة الله وبركاته
ياخوان عندي استشاره ولا خاب من استشار وانتم فيكم الخير والبركه
انا شاب عمري 24 وعاطل لي 4 سنوات ولا حصلة شي والحمد لله على كل حال
وعرض علي احد اخواني انه يشتري لي تريله سوا قلاب او سطحه او دينه وقصدها عليه بسعر الكاش والحمد لله معد باقي الا كم يوم وطلع رخصة (نقل ثقيل) وانا الي بشتغل فيها بنفسي لكن كلام اناس واجد الي قال لي التريله اعطالها واجد ولا احد بيستاجرها منك خذ دينه والي يقول الدينه اكثر وقتها بتكون وقفه والتريله افضل
فرحم الله والديكم شورو علي وش اخذ لا ودي اوهق نفسي واخوي ويقعد الموتر طايح عند البيت
ف ياهل الخبرهه لاتبخلون علي مالي الا الله ثم انتم
وجزاااكم الله خير

وعليكم السلام ورحمة الله وبركاته

أخوي انت من وين وهل عندك خلفية في سواقة التريلات ولالا عشان اقدر اخدمك واعطيك العلم الزين

من الطائف ياطويل العمر واول مره اسوقها ف دله لكن معا الوقت ان شاء الله بحترف فيها

الافضل تجيب سواق على كفالتك او كفالة احد اخوانك وتخليه يشتغل عليها ادا مالك خبره فيها راح تتعبك

ماشاء الله تبارك الله اولا تعجبني بعزيمتك وأرادتك طبعا التريله افضل بمراحل والقلاب شغله متوفر اكثر من السطحه لاكن القلاب اعطاله اكثر ثانيا مساله انك تشتغل عليها انت بكون صريح معك ماينفع السعودي يشتغل عليها ماراح يتحمل واذا تحمل فاكيد بيكون الشغل يوم وراحه يوم وهذا خساره عليك لانك ماراح تشتغل طول الشهر انصك بسواق باكستاني بيشتغل عليها يوميا اضافه الي يوم الجمعه طبعا بحقه اكرمه وراح يشتغل بذمه سواء باكستاني او غيره والباكستاني افضل وبعده المصري يوميه تريله القلاب تصل اذا سواقك ذيب الي 1400 واحيانا 1500 حل في بالك ان الصيانه 100 ريال يوميافي حسابك يومي او ثلاثه الاف في الشهر غير الاعطال العرضيه والشغل متوفر علي قفا من يشيل وفيه شركات تسدد ورشركات تتأخر طبعا دائما خل حسابك معهم يومي او اسبوعي بالكثير الله يوفقك ويدلك علي مافيه خير لك

العطاله لن تستمر بوجود ذوي عزمُ مثلك , غير مستقبلك وابدأ حياتك كفىُ يانفس ذبحك آلنـوم


اللـه يوفقـُك ويفتحها بوجهـٌك ياصديقي

مثلما قال الاخوان التريله اكيد افضل بكثير لكن ابحث عن سواق جيد

وانت قريب منه وتتابع الشغل واذا شفت نفسك قادر على الشغل لوحدك

بأمكانك الاستغناء عن العامل

التريلا كويسه بس شوف لك شخص باكستاني افضل