كونك ماوقعت علي هذا الشرط
مااعتقد لهم الاحقيه يطالبونك بهذا الشيء
انا بستفسر مع شخص عنده خبره بهذي الامور
وراح ارد لك

حتى في نظام العمل مافي شي ينص على ذلك ( على حد علمي )

لان اللي اعرفه ان العقود نوعين عقد عمل وعقد تدريب وتأهيل منتهي بالتوظيف

عقد العمل العادي هو اللي انا وقعت عليه مع الشركه

يعني هم دربوني بعقد عمل عادي

وعقد التدريب المنتهي بالتوظيف هو اللي ممكن يكون فيه إلزام بدفع تكاليف في حال الانسحاب

وهذا العقد انا ما وقعت عليه !

عموما اخت شوشو اشكرك على تفاعلك معي واذا قدرتي تفيدني بتفاصيل اكثر اكون شاكر ومقدر

تحياتي لك

بس المعروف انك لازم تخدم المكان اللي ابتعثك نفس مدة ابتعاثك
بس دامهااا ماهي مكتوبة اعتقد ماعليك شي

مالها حق بالمطالبة ابداً .. دامك ما وقعت ولا بصمت على شيء
اتركهم .

مالهم اي حق يطلبو لك .. دام ما قالو لك ولا جابو سيرة مالهم اي حق

يعني مثلا انا اتدرب بالخطوط السعودية .. كان في عقد يتكون من 30 بند
من بينهم ان لو انسحبت ارجع التكاليف هنا اقول صح دامني وقعت خلاص لهم الحق

يعطيكم الف عافيه شباب على تفاعلكم معي

الحقيقه فعلا شي غريب يعني ما خبروني لا كتابيا بإقرار او تعهد ولا حتى شفهيا

انو لو انسحب من التدريب راح اكون ملزم بدفع التكاليف !

الأن احد موظفين الشركه اخبرني ان الشركه ما راح تسكت عن حقها وراح تقاضيك !

وانك راح تتسجل في التأمينات مفصول !

بالله وش رايكم

يعني بالله وش ذنبي اذا كان الشركه مالها سياسه واضحه منذ البدايه مع الموظف !

يعني بالله شركه بترسل شخص للخارج وتدفع عليه مبلغ وقدره ما تحط ولو احتمال واحد انه ممكن ينسحب !

شي غريب والله

وزي ما تفضل الأخ الدخاخني يعني فيه شركات زي الخطوط السعودية وغيرها

لما تبغى تدرب الموظف توقعه على عقد تدريب ويكون فيه بنود واضحه فيما يتعلق بترك المتدرب التدريب

عشان الشركه تحفظ حقها والموظف يكون على درايه بالوضع

لاتشيل هم وحده اعرفها صار لاخوها مثل موقفك
قدم معروض للملك انه جاءه عرض تدريب وتوظيف
ووافق عشان ظروفه وان ماعنده دخل اخر
وصارت له ظروف وسحب وتفاجا بمطالبته رغم انه مافيه شرط بالعقد
واذا عندك مرفقات تخص ظروفك مثل مرض ترفقها وكرت العايله وسجلك ورقم جوال

اتوقع يحق لهم مطالبتك .. لانهم دفعوا التكاليف من اجل الاستفادة منك و في الاخير انت سحبت عليهم وهذا خسارة بالنسبة لهم... انت المفروض ما تتركها و تحاول تتفاهم معاهم او تأجل التدريب...لكن كثير من الشباب المندفع مثلك و ماعنده خبره يحط نفسه في مأزق..