السلام عليكم

كيف حالكم جميعا ؟


اخواني واخواتي ، معي حدود الـ 15 الف

وودي بأي مشروع علما بأني اشتغلت في قطع الغيار ، والكداده ( توصيل مشاوير ) ، وابيع بعض المستلزمات وامور واجد

وافكر في الغنم لكن في نفس الوقت المبلغ غير كافي فعلاً ..


عموما تكفون ماودي تطير ودي استثمرها واتشوف التجارة الالكترونيه وماني مقتنع فيها كثير علما بأني رجل ودي يكون لي دخل شهري جيد لاني طالب جامعي وعندي بعض الالتزامات


تكفون افيدوني كأن المبلغ مبلغكم ~،


شاكر للجميع ويعلم الله ماكتبت هالموضوع الا بعد ما عصرت مخي وشتت افكاري في مليون مشروع فأبيكم ترشدوني بالأمثل والانسب ..

وعليكم السلام ورحمة الله


انبسط كثير لما اشوف شبابنا وبناتنا يفكرون كذا



اخوي 15 الف مبلغ جيد ولايستهان فيه

انا ثلاث سنوات اعصر مخي واجرب مشاريع لين طلعت عيني
واخرتها بديت مشروعي الخاص براس مال 300 ريال !!

والحمدلله كثيرا اليوم الاوردرات عندي شبه يومية وراتبي ما المسة

/

بسبب حركة فنية بسيطة عملتها بالبزنس حقي خلته يمشي وينشهر بسرعه

/

بالنسبة لك ...!


من خلال كلامك اكثر شي حسيته مفيد وينفع هو التوصيل بس خلك من توصيل المشاوير (الناس)
تدري وش تسوي

اشتغل توصيل الاشياء (الجمادات)
يعني بعلمك كيف


افتح حساب انستقرام سوي اعلان مبوبة اعلن عن نفسك بكل الطرق المتاحه

انك شخص يوفر مايطلبة الزبون مع التوصيل

بعطيك مثال مفصل :

انا نوره (زبونة ) احتاج بوكس شوكلاته مع بوكية ورد ابي اهديهم امي لكن قهر ماعندي سياره توديني ولاتجيبني


لكن والله شفت حساب بالانستقرام يوفرلي طلبي مع التوصيل واسعاره وااااو

ياسلام هذا عز الطلب اخذ الر قم
الو السلام عليكم
الدبلوماسي : وعليكم السلام
ممكن بعد يومين تجيبلي بوكس شوكلاتة مع بوكية ورد وميزانيتي بحدودد 300 ريال هل تستطيع ؟

الدبلوماسي وقتها لازم يكون ذكي ويحسبها من جميعالنواحي بحيث ياخذ الثلاث مية وهو كسبان
بحيث يتعامل مع محلات ويكون زبون لهم من خلال زباينة ويختار الاماكن الي تتميز با اسعار جيده وجوده
طبعا الدبلوماسي وقتها بيشيك على جدوله هل يستطيع انه يوفرلها بهذا اليوم ؟
شيكت اوكي تقدر
تحول لك المبلغ
وترسلك اللكويشن واتساب

وبعد يومين يجيني انا الزبونة بوكس الشوكلاتة والورد واعطيهم امي وننبسط
وانا جالسة بالبيت ماتحركت من مكاني واجلس ادعيلك !!


هذا مثال مفصل وقيس على ذلك جميع احتياجات الزبون

هذه الفكره جدا جدا جدا ممتازة وخصوصا لما تكون شخص راعي ذوق وتفهم مزاجات الناس
وحتى لوماكنت تتعلم مع الوقت


الله يوفقك ويسر امرك

إخويُ أنت طالبُ علم. جاهد في سبيـل اثرآء ذاتك وانفع بلدك بما تعلمته . ولكـُن ان قسـت عليـك الحيآة هنآك محلات عندهم عمـل جزئي للطلاب. استثمر وقتكُـ معهم مثل مكتبة جريـر خيآر امثل للطلاب قريبين من التقنية والكـتب بنفس الوقت واضافه عليها دخل ثآبت ,

....... اتمنىٌ بآني افدتكُـ لو باليسيـر

هناك مكاتب تقصيد تأخذ المبلغ وتعطيك ارباح شهرية واذا قدرت تستغني

عن الارباح بأمكانك تفويضهم يضيفوها لرأس المال

والله وانا اخوك لا تحط كل فلوسك بمشروع .. الواحد يحرص ويخاف بـ هالوقت يحط كل فلوسه

لاسمح الله تندم وتنقهر بنفس الوقت .. شوف انا ابي انصحك على مشروع ناجح وهادف ويفيدك باذن لله

اذا عندك ونيت تويوتا اشتري لك خضروات وفواكه وعند المساجد او بمكان تشوفه مناسب على الخط السريع او بالحواري وماتحط كل فلوسك ماتكلف شي2000 او 3000 وتضمن الباقي من فلوسك

اذا انت تبي نعناع او تمور من المدينه توصيل وشحن كلمني والله نعناع وتمور طيبه وانا اخوك

دنياه تجارب اذا ما جربت ما تنجح .. واذا تخاف ما راح تستمر بحياتك وتصير تاجر


الله يوفقك يارب