لدي مبلغ 20 ألف واريد استثماره بمشروع عندي طموح كبير جداً لكن بيئتي محافظة واغلب الاعمال صعب مزاولتها
لا احب مشاريع البنات والتسويق بالانستغرام و و و لأني ما اطلع ولا التقي بأحد علشان التسويق
احب الطبخ لكن اهلي رافضين الفكرة للأسف
شاطرة بأشغال الكمبيوتر لكن ماحد يبي اسوي له شي بمقابل هذا الناس هذي الايام
ما بقى حولي مشروع اقدر اسويه
طلبي حتى لو شغل عن بعد بس ابي دخل 500 عالاقل شهريا


وشكراً لكم

الله يرزقك الرزق الحلال بالنسبة للبنات عندك مشاريع تنحصر في:

-الطبخ

- فتح مشغل خياطة اوتجميل

-تسويق بضاعة

- حضانة اطفال

اما اذا ماتناسبك ولاعندك فكرة معينة سلمي المبلغ

مكتب تقصيد تثقين به وهو يشغلها وياخذ فائدة بسيطة

افضل شئ بالنسبة لك هو العمل عن طريق الانترنت
عمل متجر او شركة استضافة او غيرها من المشاريع

500ريال بالشهر يعني ثلاث سنوات واربعة شهور وتسترجعي رأس المال

انا اعمل بالتقسيط اذا حبيت اشغلك فلوسك

واسلمك شهرياً 500ريال لمدة 5سنوات مستعد

السلام عليكم ورحمة الله وبركاته .. اولا اختي الله يوفقك ويرزقك اللي تتمنيه واضعافه
ماعندي فكره حاليا .. ولكن عندي نصيحة لا تسلمي احد شي بدون اثباتات وياريت يكون عندك اخ او قريب يكون معاكي لانه والعياذ بالله كثرو النصابين اللي مايخافو الله وهمهم الفلوس سواء حلال او حرام . مايصدق يلمح كلمة معي مبلغ واريد مشروع بتللاقيهم ناطين عليك , وخصوصا لو كانت بنت لانها لو نصبها ماراح تروح تشتكي او بتقول العوض على الله وبتجلس تدعي .. لكن احذرررررررري تسليم المبلغ لاي احد وكلي احد اقاربك وكمان القريب تاخذي منه اثبات معاد فيه امان لا غريب ولا قريب , .. نسأل الله ان يهدي كل نصاب , وان يعيده الى ربه وصوابه , وان المال الحرام لا يدوم , وسسوف تصرف ضعفها في صحتك وصحة اقرب الناس لك لذلك ضع رب العالمين نصب عينيك واعلم ان الله يرى , ولو وسوس لك الشيطان , فأستعيذ منه . وتذكر انه يوجد اخره وحساب وعقاب يوم لا ينفع مالا ولا بنون الا من اتى الله بقلب سليم , ومالك الملك هوا اعدل العادلين , وبالتوفيق للجميع واسف على الاطاله ..

مو شرط تطبخين وفيه مشروع بالشهر وعلى حسب التصريف يمكن يوصل 55 الف وراس ماله 3000 تقريبا

بس من اي مدينه ؟

لكن بيئتي محافظة

^
^

مع احترامي ممكن تسميها بيئه متشدده وليس محافظه
يعني اللي بتترزق الله وتشتغل ماتكون محافظه ؟

ترى البنت من حقها تتعلم تشتغل عادي مافيها جريمه ولا فساد
بس مشكلة اللي تحكمهم العادات والتقاليد يشوفون شغل البنت كارثه

الله يرزقك من واسع فضله