السلام عليكم ورحمة الله وبركاته,,
افيدكم بأن كنت موظف سابق ببنك الرياض باحدى دير منطقة الرياض وللاسف ماحصلت نقل للرياض سبب انتقال الاهل الى مدينة الرياض حيث قدمت استقالتي للتفرغ بدراسة البكالوريوس من جديد وذالك بجامعة سلمان بن عبدالعزيز بالخرج بنظام المسائي وفوجئت بقبولي بدبلوم مره اخرى ورفضت ان ادرس دبلوم ثاني وانا عندي الرغبة الاكيد دراسة بالكالوريوس وبعد ذالك مشاكل مع حقين القبول وخرجت بلا نتيجه وكنت وقتها مستعد اضرب مشوار 80 كيلو يومياً من الرياض الى الخرج لكن مالله كتب,,,
حيث انني مقيم بمدينة الرياض وارغب بالعمل في احدى بنوك العاصمة حيث تم تقديم السيرة الذاتية على مواقعهم وعلى مراكز التوظيف التابع لهم وكلن يقول بنتصل عليك ولا اطول عليكم مؤهلاتي هي :
دبلوم كلية المجتمع تخصص إدارة المبيعات 2010.
خبرة بنك الرياض لمدة سنتين وسبع شهور و28 يوم.
دورة بنك الرياض التأهيلية لمدة 3 اسابيع.
دورة ادخال بيانات ومعالجة نصوص لمدة 6 شهور.
دورة كامبردج الدولية.
والوظيفة التي ارغب بها ان امكن خدمة العملاء ودعمهم من منتجات البنك .
وحالياً انا على وجه دراسة بكالوريوس ادارة الاعمال بجامعة الامام التعليم عن بعد.
وان شاء الله ترشدوني.!!

نصيحتي لك ادرس في المعهد المصرفي اذا حابب مجال البنوك وقدم في شركات التأمين لين تحصل فرصه في بنك خبره التأمين تدعم السي في لين تلقى في بنك واظن عندكم بنوك صغيره في الرياض نفس بنك الكويت والامارات اظن
عموما وظايف البنوك صعبه

الله يوفقك سجل بمواقع البنوك اناشاءالله يقبلونك

فيه بنك الجزيره طالب موظفين برياض

^^
مافي وظايف بنوك من غير واسطات او معرفه لانهم يدورون التارقت وانت اشتغلت وابخص بنظامهم لا تضيع وقت والتحق بوظيفه لان جلستك من غير وظيفه راح تنحسب عليك و تصرف نظر الشركات عنك

بالتوفيق