[SIZE="5"]التقديم ينتهي يوم 30/4 حاولوا تجهزوا الاوراق قبل اختبار القبول لان في لجنة تدقق عليها قبل اختبار البكالوريوس

يا جماعة الخير اللي مختبر قبل وناجح في اختبار البكالوريوس ليه يعيدون الاختبار له مره ثانيه هذا مايسمى ظلم.

وبعدين وش دخلني في اكتمال الشعبه اذا ماكتملت الشعبه هذا من شروطكم الصعبه أما مسألة أني أعيد التقديم و أعيد الاختبار زي زي أي متقدم جديد هذا ظلم لا يرضى به الله عزو جل

وبعدين أحب أسأل الشباب من اللي دخل دعم نظم الشبكات لأني سألت عنه في شؤون الطلاب في التقنيه بس ماهو متأكد يقول بعض الكليات التقنيه يسمون الدعم الفني ( دعم نظم شبكات )

الحاجه الثانيه لازم ارفع اختبار الكفايات في الموقع ولا أكتفي بحضوره في قاعه الاختبار

الأمر الأخير هل هناك كتاب لإختبار البكالوريوس اقدر اراجعه او موقع او معلومات بودي تفودوننا أو أحد عنده بعض المعلومات يحاول بقدر المستطاع أنه يفيدنا فيها هنا بالموقع

أنا أبي أعرف ليه المؤسسه العامه تسوي كذا مع الطلاب حسبي الله ونعم الوكيل فيهم


ملطع ترمين ومقبول وفي الأخير كأني ما سويت شي

لا اخوي عشان لا يصير لبس معاك في الموضوع انا سويت الكشف الطبي واختبرت اختبار البكالوريوس قبل ترمين وقالوا لي للاسف ما اكتملت الشعبة واتصلت فيهم الترم الماضي وقالوا ادخل الموقع وحدث بياناتك تلقى اسمك محفوظ والكشف الطبي مكتوب تم الاجتياز بدون لا تسجل من جديد وبالفعل هذا اللي حصل الترم الماضي وصلتني رسالة قبول نهائي وباقي الطلاب ما اختبروا اختبار البكالوريوس لكن للاسف قالوا برضو العدد ما يكفي والان حنا في الفصل الثالث برضو دخلت البوابة الالكترونية وحددت الفرع اللي ابغاه وبعدها بيوم وصلتني رسالة قبول نهائي وتم تحديد موعد تسليم الاوراق يوم 12/5/1436 لكن برضهم معتمدين على عدد الطلاب انشالله ربي يفرجها هذي المرة
وبخصوص مراجع الاختبار انا كنت اراجع من الكتب في التخصص لكن اتفاجأت اول سؤال كان في الرياضيات عن كثيرات الحدود وبعدها الجذر التربيعي و التكعيبي والباقي اسئلة عامة في التخصص مثل اسماء الوحدات و اسماء القطع وبعض فوائدها وكانت الاسئلة كلها اختيارات طبعا انا من الصدمة حليت بدون لا اقرا الاسئلة واخذت 9 من 40 ولان العدد قليل بعدها بدقايق وصلتني رسالة اني اجتزت الاختبار هذا الاختبار يقول المراقب فايدته اذا عدد الطلاب كبير يستبعدون اقل الدرجات واذا العدد قليل راح يقبلون الجميع بشرط مطابقين شروط القبول في البكالوريوس وبالنسبة لدرجة اختبار الكفايات اذا طلعت سجلها في الموقع واكتب مصدرها قياس في خانة متابعة ترشحاتي ثم بياناتي

جزاك الله خير اخوي مراسي الحياة

ولكن المشكله أني مختبر الترم الأول و ناجح ومقبول ولكن اكتمال العدد

وأتى الترم الثاني ولكن لم أعلم أن هناك تقديم أو لابد عليك الستجيل من جديد وفاتني التسجيل

وأتي الترم الثالث و ها أنا أحدث البيانات ولكن تفاجأت أن هناك اختبار و حدد لي الموعد حق الاختبار 5/3/ 1436 و أنا مختبر بكالوريوس وناجح في الاختبار

وش اسوي لكي أكون مثل طريقتك بس تحديث بيانات فقط من غير اختبار

والله مدري لكن نفس الشي سوبته الترم الماضي دخلت على حسابي ومتابعة ترشحاتي لين لقيت نفسي في المفاضلة النهائية ووصلتني رسالة قبول مبدئي و تسليم الاوراق يوم 12/5/1436

بكرة الساعة 12 الليل ينتهي التقديم للبكالوريوس اللي ما لحق يسجل بياناته يسجلها بسررعة ويكتب اي درجة للانجليزي بس وقت تسليم الاوراق لابد يكون جايب اكثر من الدرجات المطلوبة

حطيت درجه اختبار ايلتس من راسي واخذت تحديد موعد توهقت الحين كيف اقابلهم والموعد بعد 5 ايام
بقولهم بقدم اوراقي واختبر عشان مايفوتني التسجيل وكذا

ما يوافقون اعرف اثنين اختبروا الاستب قبل موعد اختبار البكالوريوس لكن النتيجة ما طلعت الا بعد مواعيد الاختبار وللاسف قالوا يقدموا الفصل القادم
عشان تدرك الوقت اسأل اقرب معهد لغة انجليزية اذا يوفروا اختبار الايلتس او التوفل لعل و عسى عندهم و لو كانت رسوم الاختبار مرتفعة اشرح لهم وضعك انك ضروري تجتاز الاختبار

يا جماعة الخير والله انه طفح الكيل مع المؤسسه العامه كل هالتقديم والانتظار والاختبار وكل ترم يؤجل للترم القادم وانتظار بالليالي والأيام والشهور وتقديم وقاربنا الى السنه وها نحن في الفصل الثالث وفي الأخير



عدد المنافسين حالياً 5 طلاب

وش هالمهزله هذه

المؤسسه بصعوبة هذه الشروط لا يعلمون أن أكثر الشباب السعودي لا يجيد اللغه الانجليزيه والأدهى والأمر من ذلك أن كليه تقنيه بمعنى أنها ليست بجامعه كبيره تظم أقوى التخصصات مثل الطب أو البترول.

يعني الطالب ان لم يجد عندكم قبول بمعنى أخر لن ينتظر بل سيبحث الى عمل أو الى جامعة اخرى والآن أكثر الجامعات بدأو ببرنامج جديد الا وهو برنامج التجسير

أين أنتي يالمؤسسه من طلابك استرعاكي الله أمانه

أين أنتي يالمؤسسه من طلابك الذين قبلو بالمؤسسه ونجحو واجتازو الاختبارات وفي الاخير يقابلون بالتأجيل لماذا لا تخفضين من الشروط لأجل هؤلاء المقبولين الذين صبرو وكافحو وتألمو جامليهم ولو تخفضين من الشروط لأجل هؤلاء الذين انتظروا مايقارب السنه لأجل يدرسون


إنا لله وأنا اليه راجعون
حسبي الله ونعم الوكيل

موعد اختباري للبكالوريوس كان يوم 17/9/1435 والكشف الطبي سويته يوم 26/9/1435 كلها كانت العام الماضي و الى الان ما بديت الدراسة ما ادري اش ذنبي اذابرضو اتأجلت هذا الترم يقولون القرار الاخير لتخصصي راح يصد يوم الاحد القادم اذا فيه دراسة استلموا ملفاتنا واذا في تأجيل خلاص ننتظر تقديم الفصل الدراسي الاول للعام الجديد انا تخصصي محركات ومركبات يعني ميكانيكا وعمري الان 27 الجامعات مثل تبوك كان عندهم تجسير هندسة ميكانيكية مع بقية الاقسام لكن الان وقفوه وصار التجسير للهندسة الكهربائية و الهندسة مدنية واصبحت الجامعة الوحيدة اللي تعطي بكالوريوس هندسة ميكانيكية هي جامعة الباحة لكن رسوم الفصل الدراسي الواحد 12 ألف ريال على أساس مكافآت العاطلين 20 ألف ريال والله المستعان واذا بحثت عن عمل فشهادة الميكانيكا رواتبها 3 الاف واقل للاسف الحمدلله على كل حال اسأل الله في هذا اليوم الجمعة ان ييسر كل عسير ويفرج هم كل مكروب ويقضي عنه كل دين ويوفقنا اجمعين ويكتب للجميع بداية الدراسة حتى لو كان العدد ثلاثة